поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
31.03.2010 Милләт

ИҢ БУЛГАН ТАТАР КЫЗЫ ҺӘМ ЕГЕТЕ

Төмән өлкәсе татар Конгрессы инде өченче ел оештырып килгән “Себер йолдызы” һәм “Татар егете” бәйгеләре быел да күтәренке рухта үтте. Унар кыз һәм егет уңганлыкта, тырышлыкта, осталыкта, зирәклектә, чибәрлектә һәм иң әһәмиятлесе – милләтенең горурланырлык вәкиле, киләчәге булырга лаеклылыкта сыналды.

Үткән ел ахырында районнарда сайлап алу турларында җиңү яулаган чибәр кызлар һәм уңган егетләргә Төмәндә узган кастингта уңышларга ирешүчеләр дә өстәлгәч, финалда көч сынашачак бәхетлеләр тәҗрибәле белгечләр ярдәмендә репетицияләргә керештеләр. Ул арада төп сынау көне дә килеп җитте. Иң-иңгә эләгәсе машина ачкычы күңелне алгысыта иде әлбәттә. Ләкин йөзләгән тамашачы, синең һәр хәрәкәтеңне, сүзеңне йотарга әзер жюри каршында югалып калмаска, дөрес атларга, оста итеп үзеңнең сәләтләреңне ачып бирә белергә кирәк бит әле.

 

Цирк ул көнне татар сөйләменнән гөрләп торды. Катнашучыларга көч бирүчеләр дә шактый иде. Бердәм бию белән башланган тамашадан соң, алып баручылар, махсус Казаннан чакыртылган “ТНВ” телевидениесенең яшьләр тапшырулары бүлеге журналисты, татар шансоны йолдызы Зөлфәт Зиннуров (Зиннур) һәм җырчы Чулпан Әхмәтҗанова, чибәр-уңганнарны үзләре белән таныштыру өчен аренада урын алган сәхнәгә чакырдылар. Бу сынауда алар “Йөзек салыш” уенын кулланып, “җәза үтәгәндә” мөмкин кадәр тулы, төгәл һәм кыска итеп саф татар телендә кайдан килүләре, нәрсәгә сәләтле булулары, киләчәккә уй-хыяллары белән таныштырырга тиешләр иде. Кайберләренең сөйләмнәре яхшы ишетелмәсә дә (дулкынландылар, әлбәттә), быелгы егет-кызларның татар телен яхшырак белүләре, сүзләрне дөресрәк әйтүләре, ләкин үзләре турында мәгълүматның сайрак булуы аңлашылды. Туган телләрен яхшы белгәннәр монда да өстен чыктылар. Араларында булачак белгечлекләрен мәдәният белән бәйләгәннәр шактый иде.

 

Төмән тире-күн фабрикасы туннары коллекциясен тәкъдим иткәндә “йолдызлар” модельләр кебек йөрү осталыкларын күрсәттеләр. Бәйгенең иң кызыклы – иҗади өлешендә, елдагыдан аермалы буларак, күбрәк спортка игътибар бирелде (Ч.Камалов, А.Хәлитова, Р.Баймуратов), эчтәлекле шигырьләр яңгырауга (С.Тусмөхәммәтов, Р.Калиев, Ю.Зөлхарнеева) шатланып утырдым, татар биюләрен (А. Кучумова, М.Нигъмәтуллин, Д.Сәитова, А.Арангулова) рәхәтләнеп сокланып күзәттем. Акапеллага Розалия Исхакованың “Сахралар”ны башкаруын бертынсыз тыңлады тамашачы, башкаларның моңлы-дәртле җырларын (Р.Речапова, Р.Вагапов, Э.Абдуллин, Ф.Сәйфуллин, З.Кәримов) көчле кул чабулар белән озатты. О.Тузмөхәммәтованың алкалардан, кием үрнәкләреннән, чәч бизәгечләрдән торган үз дизайнерлык коллекциясе милли бизәкләргә бай булды.

 

Бөтендөнья татар Конгрессы кунагы җырчы, алып баручы Алсу Әбелханова Конгрессның сәламен-котлавын җиткерде, җиңүчеләргә алып килгән кулдан эшләнгән милли чигешле күн тышлы мендәрчекләрен күрсәтеп, бер-ике җыр башкарды.

 

Беренче “Себер йолдызы” бәйгесендә үк үзенең киемнәр коллекциясе белән бәйрәмне бизәгән Элина Сәитова быел барлык катнашучыларны да зыялы, абруйлы татар егете костюмнарына һәм матур, нәфис кичке милли күлмәкләргә киендерде. Шул киемнәрдә алар котлаулар кабул иттеләр, финалистлар билгеләнде. Аларга интеллектуаль сынау үтәргә –“Азатлык” радиосы журналисты Наил Алан әзерләгән сорауларга җавап бирергә кирәк иде.

 

Сынулардан соң, жюри ђгъзалары киңәшкән-әзерләнгән арада үзенчәлекле тавышлы Зиннурны, нәзакәтле Чулпанны, минутына исәпсез хәрәкәт ясый торган танылган җырчы Мөнир Рахмаевны рәхәтләнеп тыңладык.

 

Иң дулкынландыргыч минутлар килеп тә җитте, жюри ђгъзалары былтыргы мисс һәм мистерлар белән яңа коллегаларын котларга чыктылар. Менә алар - үзләрен татар дип тойган кыз-егетләр, туган телне үстерүгә ныклы өлеш кертәчәк сабыр, горур, уңган, булган, акыллы яшь буын вәкилләре: Алинә Кучумова – “Татар радиосы гүзәле”, Юлиана Зөлхарнеева – “Нәфис кыз”, Диләрә Сәитова – “Нәзакәтле кыз”, Диана Әхмәтова – “Иҗади кыз”, Динара Зәйнетдинова – “Мисс фото”, Розалия Исхакова – “Көләч кыз”, Азалия Хәлитова – “Җиңел аралаша торган кыз”, Олеся Тузмөхәммәтова – “Креатив кыз”, “Тамашачы мәхәббәтен яулаган кыз”, Алисә Арангулова – “Мисс он-лайн”, Мөхәммәдьяр Нигъмәтуллин – “Оста егет”, “Мистер он-лайн”, Чингиз Камалов – “Кыю йљрђкле егет”, Сәет Тузмөхәммәтов – “Зыялы егет”, Рушан Абдрахманов - “Сәләтле егет”, Рәсүл Баймуратов – “Көчле егет”, Рият Вагапов – “Креатив егет”, Руфат Калиев – “Оптимист егет”, “Тамашачы мәхәббәтен яулаган егет”; ә Алинә Кучумова һәм Зинар Кәримов – 3 нче урынга, Алисә Арангулова һәм Эрик Абдуллин – 2 нче урынга лаек булдылар.

 

Төмән районының Индрәй авылы чибәренә – Рамилә Речаповага “Себер йолдызы–2010”, Талмы авылы егете Фәнил Сәйфуллинга “Татар егете-2010” исемнәре бирелде.

 

Һәркайсына “Мирас” хәйрия фонды җитәкчесе Фәрит Хәкимов Татар дәүләт җыр һәм бию ансамбле концертына билетлар бүләк итте, исәпсез спонсорлар ярдәме белән катнашучыларга “Золотая лавина” ювелир ширкәте һәм “Спорт-мода”, “Бизнес-класс” такси, “Аллея цветов”, «Газпром-оптика» фирмалары сертификатлары, ООО «Этажи» бүләге тапшырылды, тамашачы мәхәббәтен яулаучыларга ноутбуклар, ә җиңүчеләргә автомобиль ачкычы, Бөтендөнья татар Конгрессы бүләге, Рамиләгә - таҗ, Фәнилгә затлы түбәтәй бирелде. Билетлар арасында призлар уйнатылды, бәхетлеләр кирәкле һәм уңайлы электр әйберләренә ия булдылар.

 

Өлкә милләтләр эшләре комитеты, шәһәр татар мәдәният үзәге, татар яшьләр союзы ярдәмендә өлкә татар Конгрессы оештырган тамашаның халкыбызның рухын саклауга, үстерүгә керткән өлеше бик зур.

 

“Яңарыш” газетасыннан.


Г.ВӘЛИЕВА
Матбугат.ру
№ | 31.03.2010
Матбугат.ру печать

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»