18.09.2018 Хәйрия

Улын аякка бастыру өчен яман шеш белән көрәшә

Дүртөйле районы Иске Солтанбәк авылында яшәүче Сабировлар гаиләсенә моннан ике ел элек зур кайгы килгән: аларның армия хезмәтеннән кайткан өлкән уллары Айгиз, куркыныч авариягә эләгеп, бик озак вакыт яшәү белән үлем арасыда тарткалашкан. Әти-әнисенең догалары, табиблар тырышлыгы белән егет исән калган, тик ул бүген урын-җир өстендә хәрәкәтсез ята. Егетнең баш сөягендә - ...чәй тәлинкәсе зурлык тишек.

- Улыбызның баш сөяген ямар өчен 1,5 миллион сум акча таләп ителә, мондый операцияне Мәскәү яки Санкт-Петербург дәваханәләрендә эшләтеп була, - ди Айгизнең әнисе Илүзә Рәхимҗан кызы. - Тик безнең акчабыз җитми. Әле дә көн саен улыбызда яшәү чаткысын чит илләрдән бик кыйммәтле дарулар кайтартып кына саклыйбыз. Барлык өметебез мәрхәмәтле кешеләргә: кулыгыздан килгәнчә, ярдәм итсәгез иде!

Илүзә Рәхимҗан кызы - гомер буе балалар бакчасында тәрбияче булып эшләгән абруйлы шәхес. Ана өчен бу авыр кайгы-хәсрәт эзсез үтмәгән: аңарда күптән түгел өченче стадиядәге яман шеш авыруы тапканнар, дип яза Кызыл таң. Әмма әни кеше бирешергә уйламый, "мин улыма кирәк, аны аякка бастырырга тырышачакмын", - дип, тешләрен кысып яши, үлемечле авыруы белән көрәшә ул.

Айгизгә ярдәм итәргә теләүчеләр аның исеменә (Сабиров Айгиз Рәфил улы) Сбербанкта ачылган 63900206900336056 санлы картага 40817810006003456572 исәбенә акча күчерә ала. Әнисенең телефоны: 8-937-157-87-20.

Фото: Фото Сабировларның гаилә архивыннан.

---
Матбугат.ру
№ --- | 18.09.2018