|
|
Бүген кемнәр туган
|
|
Архив
|
29.03.2010 Мәдәният
"КҮЧТӘНӘЧ" ТАПШЫРУЫ "ТЭФИ РЕГИОН – 2009" БӨТЕНРОССИЯ ТЕЛЕВИЗИОН КОНКУРСЫНЫҢ ФИНАЛЫНА ЧЫКТЫЯрославльдә узган тантанада тугыз номинациядә финалга чыгучылар исемнәре билгеле булды. Шул исәптән, "Балалар өчен тапшырулар" номинациясе финалистлары да ачыкланды. Балалар һәм яшьләр өчен эшләүче "Яшь ТНВ" телеканалында эшләп килүче "Күчтәнәч" тапшыруы финалга Краснодар шәһәренең "Шустрое утро" һәм Төмән шәһәренең "Зебра" тапшырулары белән чыкты. Бу, әлеге өч тапшыру - Россиянең иң яхшы балалар тапшырулары, дигән сүз. "ТЭФИ Регион – 2009" конкурсында Россиянең 100 шәһәреннән 133 телекомпания катнаша.
Конкурсның финалы 22нче апрельдә Калининград өлкәсенең Светлогорск шәһәрендә узачак. Татар тапшыруына уңышлар телик!
*Мәгълүмат өчен:
"Күчтәнәч" тапшыруы инде алтынчы ел эфирга чыга. 2009 елның сентябреннән бирле программа балалар һәм яшьләр өчен эшләүче "Яшь ТНВ" телеканалы кысаларында дүшәмбедән алып җомгага кадәр көнгә 3 тапкыр чыга башлады: 14:30да, 18:00дә һәм 21:00дә.
|
Иң күп укылган
|