02.09.2018 Дин

Изге чишмә буенда Корбан мәҗлесе

Похвистнево районының Гали авылы - гореф-гадәт¬лә¬ре¬безне саклап, динебез исламны хөрмәт итеп яшәүче бай авыл. Бәлки шуңадыр да биредә ел саен һәр йортта диярлек корбан чалалар, кунак дәшеп сыйлыйлар, итне мохтаҗ кешеләргә тараталар.

Быел әле районның “Туган тел” һәм Гали авылының “Ак калфак” хатын-кызлар җәмгыятьләре, авыл администрациясе инициативасы буенча изге Морат бабкай чишмәсе янында да корбан мәҗлесе уздырдылар. “Элек тә биредә корбан мәҗлесләре уздырылган, тик нишләптер туктатылган. Менә, 10 - 12 еллар чамасы вакыт узганнан соң, бу йолабыз кабат халыкка кайтарылды. Быелдан башлап, Морат бабкай чишмәсе янында корбан мәҗлесләрен ел саен үткәрергә ниятлибез”, - дип сөйләде җирле “Ак калфак” оешмасы рәисе Илһамия Кәримова.

Бу изге чарада бихисап күп кеше катнашты, бәйрәмгә авыл халкы гына түгел, күрше шәһәр һәм авыллардан да кунаклар чакырылган иде. Яңа Мансур авылында туып-үскән, ә гомерен Под-бельскида үт¬кәргән бер ир оештыручыларга рәхмәтләрен белдереп: “Гали авылында бик динле халык яши. Бәйрәмнәр уздырганда күрше авыл-шәһәрләрдә яшәүчеләрне дә онытмыйлар. Мөселманнар бер-берсенә игъ¬тибарлы, бердәм булырга тиеш бит. Шушындый матур бәйрәмдә катнашуыма үзем дә, хатыным Фәридә дә бик шатбыз”, - дип сөйләде.

“Бердәмлек” сүзен бу көнне авыл җирлеге башлыгы Идрис Муллабаев та кабатлады:

- Дини бәйрәмнәрдә тыңла¬ган вәгазьләр мөселманнарны берләштерә. Соңгы елларда без бер-беребезне күрә, белә, аңлый башладык. Алга таба да шулай булсын иде, - диде.

Региональ Диния нәза¬рәте рәисе, мөфти Талип хәзрәт Ярул¬лин да корбан чалу¬чылар¬ның корбаннары кабул булуын теләп:

- Без, мөселманнар, оч¬раш¬канда ике кулыбызны биреп, күзгә-күз карашып исән¬ләшәбез. Моның бе¬лән кулыбызда корал булмавын, кү¬ңелебез ачык булуын күр¬сә¬тәбез. Ихлас күңелдән чалган корбаннарыгыз кабул булсын, бердәм булыйк, бергә булыйк, - дип сөйләде.

Похвистнево районы администрациясе башлыгының икътисад һәм финанслар буенча урынбасары Мөдәррис Мамышев та, район башлыгы Юрий Рябовның котлауларын җиткереп, чалынган кор¬бан-нарның кабул булуын теләде.

Бу көнне табынга районның “Туган тел” татар җәмгыяте, “Ак калфак” оешмасы, эшкуарлар Рамил Мостафин, Фәнил Гаффаров, Рифат Хәмидуллин чалган корбан ите, Равил Галимуллин һәм Наил Баһаутдинов акчасына сатып алынган тәм-томнар куелган иде. "Туган тел" оешмасы рәисе Камил Исхаков та шул көнне үзенең корбан ашын "Хөсәен" мәчетендә уздырды.

Күпсанлы мәҗлесләр авыл халкын берләштерү, яшь буын кешеләрен динебез исламга тарту, гореф-гадәтләребез белән таныштыру өчен кирәк. Бәйрәмдә мөфти Талип хәзрәт Яруллинның, авылның дүрт мәчете имамнарының, Гали авылы мәдрәсәсе шәкерт¬ләренең, район администрациясе вәкилләренең, олыларның һәм яшьләрнең күп булуы шатландырды. Күрүебезчә, ислам дине ниге¬зендә күршеләр генә түгел, авыл-шәһәрләр дә берләшә. Мөселманнар мәҗ-лесләрдә, мәчетләрдә җыелып, дөнья хәлләреннән хәбәрдар була, Корбан, Рамазан гаете кебек бәйрәмнәр, мәчетләр салу кебек уртак эшләр тирәсендә берләшеп, бер җәмгыять, бер милләт, бер дин кардәшләре булып яши.

Хәмзә МОРТАЗИН.

Самара - Богырыслан -

Самара.

---
Бердәмлек
№ --- | 02.09.2018