Бурычлыларга көн бетә

Суд приставлары бурычлы кешеләр белән көрәшнең закон тарафыннан рөхсәт ителгән төрле алымнарын куллана. Коммуналь хезмәтләр өчен түләмәүче кешеләрнең шәхси милекләрен тартып алырга, хезмәт хакыннан бурычны тотып калырга, Россия чиген чыгуны тыярга, күчемле һәм күчемсез милекне теркәүдә чикләүләр кертергә дә мөмкиннәр. Милекне теркәүгә килгәндә, соңгы ярты елда Татарстан суд приставлары машинаны теркәүне чикләүгә кагылышлы 129057 карар кабул иткән. Бу чикләүдән азат ителү өчен бурычны тулысынча түләргә кирәк.

 

Бурыч турында мәгълүматны суд приставларының рәсми сайтында тикшерергә була. Моның өчен исем-фамилия, әтисенең исемен кертү дә җитә.

 

Әгәр бурычлылар исемлегендә икәнсең, суд приставларына мөрәҗәгать итәргә, үзеңә карата нинди дәгъва кылганнарын ачыкларга, бурычларыңны вакытында түләргә кирәк.