• 24.01 Рафинә Ганиуллина концерты. Казан. Филармония.
  • 27.01 Кариев театрының юбилей кичәсе. 18.00
  • 31.01 Закир Шаһбан иҗат кичәсе. Казан. "Туган авылым" комплексы. 19.00.
  • 07.02-08.02 "Юлдашның туган көне". Премьера. Кариев театры. 13.00
  • 18.02-20.02 "Казан" бию ансамбле концерты. Камал театры, 19.00
  • 21.02 "Туган тел" әдәби-музыкаль очрашу. 15.00
  • 25.02 Ваһапов йолдызлары фестивале. Филармония. 18:30
  • 02.03-04.04 Фирдус Тямаев "Җиде малай идек". Уникс. 17:00
  • 02.03-07.03 Фирдус Тямаев "Җиде малай идек". КСК "Уникс"
Туган көннәр
  • 23 Гыйнвар Ркаил Зәйдулла
  • 23 Гыйнвар Равил Галиев
  • 23 Гыйнвар Алсу Исмәгыйлева
  • 24 Гыйнвар Раушан Ситдиков
  • 25 Гыйнвар Дамир Гыйсметдин
  • 25 Гыйнвар Эльмира Кәлимуллина
  • 25 Гыйнвар Инсаф Абдулла
  • 25 Гыйнвар Борис Вайнер
  • 25 Гыйнвар Нәҗибә Ихсанова
  • 27 Гыйнвар Марат Сафин
  • Яшь бэрэнле сарыклар сатыла. Тел.89196856255
  • Ике булмэле фатир сдавать итэм. Бэхетле янында. Яшэу очен барлык момкинлеклэр бар. Фатир чиста ремонттан сон. тел.89274206799
  • Казан Яңа Савин районы, Ибрагимова, Волгоградский 22 урамында урнашкан 3 булмэле фатир озак вакытка тэртипле кешелэргэ арендага бирелэ. Яшэр очен барлык нэрсэ дэ бар. Мэскэу базары Якын. Метро якын. Автобус тукталышлары якын. Тел. 89534848999
  • Мунча хэм сауна очен ташлар сатабыз. Оптовикларга ташламалар бар 89625485476 Лэйсэн.Казан.
  • Яна капчыклар сатабыз. Ак хэм яшел тостэ. Оптовикларга ташлама ясыйбыз. 89625485476 Лэйсэн.
  • Бертуган Касымовлар урамында урнашкан тулай торакта (дом 22/7) 18 кв.м.лы бүлмә озак вакытка арендага бирелә. Барлык унайлыклар да бар. Мэтро якында. Бәясе аена 10 мең. Тел: 89274406462
  • Роторная 11адресы буенча булмә сатыла, шкаф-купе, диван калдырабыз, 89518954298
  • Ямашев 25 адресы буенча моселман гаилэсенэ 2 булмэле фатир озак вакытка тубэн бэягэ арендага бирелэ. собственник. 89869175115
  • Ф.Әмирхан урамында бер бүлмәле фатир озак вакыт өчен татар гаиләсенә яки татар кызларына арендага бирелә. Уңайлы урында, яхшы күршеләр. 89872974229 (фатир хуҗасы)
  • Казанда Московский район тирэсендэ снимать итэргэ бер булмэ кирэк иде тиз арада егет кешегэ 5-8 мен тирэсенэ. шал. пож 89393968403

 

 
Архив
 
 
02.08.2018 Дин

Сафаҗай шәкертләр җыйды

28 июльдә Сафаҗайда унынчы юбилейлы «Шәкертләр бәйрәме» күләмле булып үтте. Илдар хәзрәт Аляутдинов тырышлыгы белән булдырылган проект елдан-ел төрле авыллардан күпләгән яшьләрне дини юлга тартып килә.

Биредә төбәгебезнең татар авылларыннан гына түгел, хәтта Чуваш Республикасындагы Урмай авылыннан һәм Татарстанның Буа шәһәреннән дә катнашучылар булды.  Бихисап күп булган призлар арасында дини тема буенча җиңү яулаучылар өчен оештыручылар тарафыннан 60 велосипед кына әзерләнгән иде.  Бәйрәмне Ринат хәзрәт Аляутдинов изге Корьән сүрәләре белән башлап җибәрде, Түбән Новгород өлкәсе мөселманнарының  Диния нәзарәте исеменнән тәбрикләү сүзләре белән Кызыл Октябрь районы мөхтәсибе Харис хәзрәт Исмаилов чыкты. Сафаҗайның беренче мәчете имамы Илһам хәзрәт Алимов, җирле авыл администрациясе башлыгы Фәрит Каюмов һәм шушы проектның авторы Илдар хәзрәт тә сүз тоттылар. 

Сәхнә алдындагы жюрида катнашучыларның сәламләү чыгышларын, Корьән уку һәм башка дини темага бәйле бәйгеләрдә күрсәткән сәләтләрен билгеләү өчен Мәскәүдән һәм Татарстаннан махсус  килгән дин белгечләре утырды.
 
Бәйрәмнең беренче өлешендә 13 яшькәчә шәкертләр командалары сәламләү һәм викторина, Корьән уку, мөнәҗәтләр һәм дини темага шигырьләр сөйләү буенча ярыштылар. Дистә ярым авыллардан килгән шәкертләрнең чыгышлары тәмамланып, жюри нәтиҗәләр ясап утырган арада, шушы изге гамәлләрнең башында торган Илдар һәм Ринат Аляутдиновлар Сафаҗай авылы администрациясе, мәчетләр, авылның төрле иҗтимагый оешмалары һәм активистлары тарафыннан Рәхмәт хатлары һәм кыйммәтле бүләкләргә лаек булдылар, ә шәкертләрне махсус корылган чатырга чакы-рып, оештыручылар төшке аш белән сыйладылар. 
 
Жюри әгъзалары билгеләнгәч, Илдар хәзрәт һәм аның ярдәмчеләре балаларны бүләкләүгә керештеләр. 
 
 
Сәламләү һәм викторинада җиңүче дип Карга командасы табылды, ә Сафаҗай белән Пашат шәкертләре икенче һәм өченче урыннарны бүлештеләр.  Корьән уку буенча уңыш малайлар арасында Пашат, Сафаҗай һәм Шөбиле, кызлар арасында Семочки, Пашат һәм Карга шәкертләренә елмайды.  Мөнәҗәтләр сөйләүдә Сафаҗай, Буа һәм Карга  шәкертләре билгеләнде, ә шигырьләр номинациясендә Кече Рбишча, Сафаҗай һәм Анды  призлы урыннарга лаек булдылар. Илдар хәзрәт шәкертләрне әзерләгән остазларны да читтә калдырмады, ул “Зәкят” фонды һәм Ислам институты исемнәреннән аларның барчасын да Рәхмәт хатлары һәм кыйммәтле бүләкләр, ә кече төркемдә катнашкан һәр шәкертне  меңәр сум булган “Спортмастер” карталары белән бүләкләде.
 
Өйлә намазы вакыты ирешү сәбәпле, Ринат хәзрәт Аляутдинов моңлы иттереп азан әйтте һәм теләкләре булган кунаклар көрәш мәрәсе янында махсус түшәлгән келәмнәрдә намаз укыдылар.
 
 
Спорт өлкәсендә бай тәҗрибә туплап өлгергән авыл мәктәбенең физкультура укытучысы Рөстәм Хайретдинов бәйрәм мәйданының бер почмагында балалар һәм яшүсмерләр белән милли уеннар һәм турникта тартылу буенча ярышлар уздырды. Милли уеннарда катнашучыларның һәркайсы шунда ук махсус призлар белән, ә турникта җиңү яулаучылар ахырда сәхнәдә медальләр белән бүләкләнделәр. 
 
Һава торышы бигрәк эссе булганга, оештыручылар  бәйрәм кунакларына суны көч-хәл белән ташып өлгерттеләр.
 
18 яшькәчә шәкертләр буенча авыллар саны күп һәм өстәвенә номинацияләр дә катлаулырак булганга күрә, бәйрәмнең икенче өлеше озаккарак сузылды. Биредә шәкертләр вәгазьләр сөйләп, тормыштан алынган төрле гыйбрәтле сәхнә күренешләре белән дә чыктылар. Бу юлы инде яшьләр бар талантларын куеп, үзләренең төптән үк яхшы дини белем алуларын ачык чагылдырдылар. Чыгышлар арасында тәнәфесләр эшләнгәндә Илдар хәзрәт үзе дә авыл һәвәскәрләре белән берлектә гарәп һәм татар телләрендә матур иттереп мөнәҗәтләр башкарды.
 
 
Өлкән төркемдә сәламләү һәм викторина буенча Сафаҗай, Пашат һәм Карга, сәхнә күренешләрендә Карга, Пашат һәм Зур Рбишча, вәгазь буенча Мәдәнә, Чүмбәли һәм Шөбиле призлы урыннарда чиратлаштылар. Үгет-нәсыйхәтләр номинациясендә Зур Рбишча алга чыкты, Карга белән Суыксу икенче һәм өченче урыннарны алдылар. Биредә дә бүләкләү процессы кече төркемдәгеләрнекечә узды, ә өстәмә итеп аерым тагын бер велосипедка иң күп җиңүләр яулаган Карга шәкертләренең остазы Дамир хәзрәт Каюмов лаек булды.
 
Шул ук вакытта мәрәдә көрәш тә гөрләде. Бу милли спорт төрендә 10 үлчәм категорияләрендә  катнашырга 70 тән артык көрәшче язылган иде.
Көрәштә дә, башка төрләрдәгечә, баш судья итеп Рөстәм Хайретдинов билгеләнде, аның янында билбаулар белән көрәш буенча ике тапкыр дөнья чемпионы Марат Усманов бил алышуларны күзәтеп утырды. Мәрәдә судьялыкны Илдар Мусин алып барды.
 
 
Оста алымнар белән кызу һәм озак иттереп көрәшүнең нәтиҗәсендә абсолют авырлыкта чемпион исеменә Сафаҗайның сабантуй батырлары династиясеннән булган Ришат Сәбитов лаек булды, ә аның авылдашы Азым Алимов белән Кече Рбишча егете Азат Усманов 2 һәм 3 урыннарны бүлделәр. 
 
Шунысын да әйтеп үтәргә кирәк, җиңү һәм җиңелүгә дә карамастан, биредән беркем дә махсус бүләксез китмәде.
 
Ришат РАМАЗАНОВ.
 
«Шәкертләр бәйрәме»ндәге көрәштә призлы урыннарны алучылар исемлеге белән газетабызның  “Одноклассники” һәм “ВКонтакте” социаль челтәрләрендә таныша аласыз.
 

---
Туган як
№ --- | 02.08.2018
Туган як печать

 
comments powered by HyperComments

Фикерләр

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Диләфрүз
Татарстан Язучылар берлеге
Түгәрәк уен
Татарстан китап нәшрияты