|
|
Бүген кемнәр туган
|
|
Архив
|
01.08.2018 Сәясәт
Мәскәү татарлары Штабы Ринат Закировны 70 яше белән тәбриклиБүген Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Ринат Зиннур улы Закировка 70 яшь тулды. Шул уңайдан Мәскәү татарлары иҗтимагый оешмасы - Татар Штабы Ринат Закировны олы юбилее белән тәбрикли: Хөрмәтле Ринат Зиннур улы!
Ике меңнән артык татар һәм Татарстаннан килеп Мәскәүдә яшәүчеләрне берләштергән Татар Штабы Сезне зур юбилеегыз белән тәбрик итеп, алга таба да милләтебез өчен армый-талмый эшләргә көч-кодрәт теләп кала. Бүген Сез татар милләте вәкилләре өчен лидер да, аксакал да, укытучы да. Шушындый юбилейны милләт өчен хезмәттә каршылавыгыз безнең өчен дә, Сезнең өчен дә зур бүләк.
Бөтендөнья татар конгрессын Сез җитәкләгән чор һичшиксез татар тарихына төбәкләр белән элемтәләрне ныгыту, татарларны Казанга якынайту, татар оешмалары эшен җайга салу, Сабантуйлар аша Россиядә татарны саклау, таныту казанышлары белән кереп калыр.
Сез татар халкы өчен диннең мөһимлеген аңлап, ислам кыйммәтләрен торгызуда зур хезмәт куйдыгыз.
Нәкъ тә Сезнең җитәкчелектә милли тормыш белән ислам дине якынайды. Имамнар форумы моның ачык чагылышы. Бу гына да тугел, Сез татарның барлык катлауларына игътибар бирдегез. Шул нисбәттән милләтебезне саклау өчен югары дәрәҗәдә яшьләр, хатын-кызлар, эшмәкәрләр, тарихчылар җыеннары уздыруны традициягә әйләндердегез. Болар үз нәтиҗәсен киләчәктә тагын да күбрәк бирер әле.
Ринат Зиннур улы, Сез төбәкләрдә татар тормышын җайлауда зур эш башкардыгыз, күп тапкырлар татар оешмалары белән очраштыгыз. Алга таба Мәскәү татарларына да игътибарыгызны арттырсагыз иде. Башкалада милләтне саклау механизмнарын булдыруда без аксакал киңәшләренә мохтаҗбыз.
Сезнең алга таба да Милли шура рәисе Васил Гаяз улы Шәйхразиев белән милләт эшен дәвам иттерүегез Россия татарларына буләк булды. Сезнең тәҗрибә, киңәшләрегез татар конгрессы эшченлеген тагын да югары күтәрер.
Сезне тагын бер тапкыр олы юбилеегыз белән котлыйбыз! Сезгә гаилә бәхете, нык сәламәтлек, тыныч тормыш, эшегездә уңышлар теләп калабыз.
Ихтирам белән, Мәскәү татарлары Штабы лидеры Рөстәм Ямалеев.
--- |
Иң күп укылган
|