• 23.10-24.10 "Хыялый" спектакле премьерасы. Тинчурин театры. 18:30 да
  • 25.10-28.10 Ришат Төхвәтуллин. УНИКС. 18:30
  • 26.10-27.10 "Сәлам, Актәпи!" спектакле премьерасы. Кариев театры. 13.00 һәм 17.00
  • 26.10-27.10 "Сәлам, Актәпи!" спектакле премьерасы. Кариев театры. 6+
  • 11.11-12.11 "Казан" бию ансамбле концерты. Камал театры. 19.00
  • 23.11 "Тәртип"радиосының 5 яшьлегенә багышланган концерт. Филармония. 18:00
Туган көннәр
  • 19 Октябрь Рәүф Игъламов
  • 19 Октябрь Рәсим Хаҗиев
  • 20 Октябрь Мостай Кәрим (1919-2005)
  • 20 Октябрь Александр Сладковский
  • 20 Октябрь Вахит Юныс (1930-2006)
  • 20 Октябрь Ленар Фәйзетдинов
  • 20 Октябрь Әсгать Сәфәров
  • 20 Октябрь Нәбирә Гыйматдинова
  • 20 Октябрь Алсу Каюмова
  • 20 Октябрь Георгий Ибушев
  • песоктан 50кг бушаган капчыклар сатабыз бик яхшы хэлдэ .КАЗАН 8950-314-35-17
  • Актаныш.Продается 1 комнатная квартира,есть погреб.В центре Актаныша,рядом парк,рынок,магнит,дом культуры ,детские сады и школы .Вопросы по тефону.Торг 850.тел.89375814252
  • Актанышта йорт сатыла .ут су газ кергэн.Белешмэлэр очен тел 89600697344
  • Актаныш.Продается 1 комнатная квартира,есть погреб.В центре Актаныша,рядом парк,рынок,магнит,дом культуры ,детские сады и школы .Вопросы по тефону.Торг 850
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Бергэ квартира снимать итергэ иптэш егет эзлим Казанда,89506660021
  • Тэртипле, начар гадэтлэре булмаган 1 кызга Гарифьянова урамындагы 2 булмэле фатирнын 1 булмэсен вакытлыча яшэп торырга бирэм. 8917 8738213 (ватсап)
  • 3 яклы карандаш бура 6 3 ле утын бэясеннэн бирэм арча районында бужа авылы 89869031182
  • Регпалата янында бер бүлмәгә кеше кертәм. 6 мең сум. 89172618276
  • Эш эзлим. Казан кызы. Югары белемем бар. 89625485476 Лэйсэн. Секретарь, офис эшлэрен белэм. Начар гадэтлэрем юк.

 

 

 
Архив
 

24.07.2018 Икътисад

Аның бер көнлек акчасын эшләп алу өчен 100 ел бил бөгәргә тиешбез

Үземнең кесә такыр булгангадыр инде, мине югары җитәкчеләрнең, депутатларның, сенаторларның һәм олигарх-байларның күпме алганнары кызыксындыра. Түбәндә мин кыскача аларның иң-иңнәрен күрсәтеп китәм. Бу саннарның берсе дә уйлап чыгарылган түгел, ә салым декларацияләреннән алынган.

Ике ел элек ВТБ банкы башлыгы А.Костинның көненә 4 миллион сумнан артыграк эшләве билгеле булгач, “вәт чирттерә бу” дип куйган идем. Былтыр “Газпром” һәм “Роснефть” җитәкчеләренең көненә 5 миллион сумга кадәр алуларын ишеткәч, “кемнең кулында – шуның авызында” дигән әйтемнең дөрес икәнлегенә тагын бер кат инандым.
 
Баксаң, аларның борыннарына чиртүчеләр бар икән әле. Быелның апрелендә игълан ителгән керемнәр декларациясеннән күренгәнчә, былтыр Дәүләт Думасының “Единая Россия” фракциясе депутаты Григорий Аникеевның көнлек кереме 12 миллион (!) сум (еллыгы 4,3 миллиард сум) тәшкил иткән. Шунысын да әйтү кирәк, аның җитәкчелегендәге 25 компаниянең 18е генә рәсми теркәлгән ди. Димәк, аның керемнәре 12 миллион гына түгел, ә тагын да зуррак.
 
Әле күптән түгел генә илдә минималь хезмәт хакы күләмен 11 мең сумга күтәреп куйдылар. Иренмичә санап карадым, минималь хезмәт хакы алучы кеше Аникеевның бер көнлек акчасын эшләп алу өчен 100 ел (!) бил бөгәргә тиеш булып чыга. Менә шундый әкияти илдә яшибез.
 
Президент аппаратындагыларның, хөкүмәт министрларының, депутатларның, сенаторларның барысының да еллык декларацияләре алты-тугыз нольлеләр. Хет берсенеке миллионнан ким булсын.
 
Хуш, аларның барысы да Мәскәү белән бәйле диик тә үзебезнең Татарстанга кайтыйк. Билгеле, безнекеләрнең керемнәре мәскәүләрнекенә караганда күпкә тыйнаграк, тик көненә миллион сум керемлеләр бездә дә бар. Шуны да әйтергә кирәк, республика, шәһәр-район җитәкчелегендәге ир-атларның күп очракларда үзләренә караганда акчаны хатыннары күбрәк эшлиләр икән. Җилнең кайсы яктан искәнлеген, ягъни аның нигә шулай икәнлеген бөтенебез дә ачык сиземлибез, шуңа аңа тәфсилләп туктап тормыйм.
 
Мин яшәгән Чаллыда да шундый җилләр исә. Түбәндә сүзем үзем 40 елга якын эшләп киткән КамАЗ турында булыр. Коммунистлар хакимлеге чорында цех җитәкчесе эшчегә караганда хезмәт хакын 2,5-3 тапкыр, ә завод (алар КамАЗда алты берәмлек) директоры 4-5 тапкыр гына артыграк ала иде, чөнки ул елларда чикләүләр бар иде. Ул хәтта КПССның Генераль секретаре белән хөкүмәт җитәкчеләренә дә кагылышлы иде. Хәзер андый чикләүләр юк, һәр җитәкче бүген үзенә-үзе күпме тели шулкадәр билгели. Шуңа да гади эшче белән җитәкченең хезмәт хаклары аермасы җир белән күк арасын хәтерләтә. КамАЗ эшчесенең бүген уртача хезмәт хакы 25 мең сум тирәсе, ә аның генераль директоры 9 миллион сум тирәсе (еллыгы 107,6 миллион тирәсе) ала. Аерма фантастик – 300 тапкыр.
 
Шушы урында халык артисты Олег Басилашвилиның патриотлыкка багышланган бер интервьюсыннан өзек китерүне кирәк дип саныйм: “Берәүләр очын очка ялгап яшәп ятканда икенчеләр миллиардларын оффшорларга чыгарып яшерәләр икән, гади халыктан илгә карата нинди патриотик хисләр көтәргә була ди? Байлар белән ярлылар арасында бүген тирән упкын һәм ул елдан-ел тирәнәя генә бара. Менә шушы хәл киләчәктә үткән гасырда булган фаҗигане, ягъни революция китереп чыгармас дип кем әйтә ала?!”
 
Мин дә аның белән килешәм, ә патриотлык хисенә килгәндә, бездә чын патриотларга караганда ялган ура-патриотлар күбрәктер дим. Элек ура-патриотлар җитәкче урыннарга үрмәләү нисбәтеннән КПСС сафларына кергән булсалар, хәзер икенче бер мәгълүм партиягә.
 
Май указында президент алгы планга хезмәт җитештерүчәнлеген күтәрүне куйды, ләкин эшче-крестьян моңа омтылмый, чөнки үзенең хезмәт җимешен сорыкортлар үзләштерәсен яхшы белә. Илдә кайчан хезмәткә гадел түләү системасы кертелә, шул вакытта гына хезмәт җитештерүчәнлегенең күтәрелүен көтәргә була.
 
Җәмәгатьчелек күптән керемнәрдән салым алу системасын үзгәртүне, ягъни күп керемлеләрдән салымны күбрәк алуны гамәлгә кертүне сорый. Депутатлар аңа һәрчак аяк чалалар, чөнки бу үзең утырган агач ботагын кисүгә тиң. Салым коммунистлар чорында да 13 процент иде, хәзер дә шулай. Ә менә алга киткән илләрдә салым керемгә карап алына: аз керемлеләр аннан бөтенләй азатлар, ә байларныкы ул 30-40 процентка җитә.
 
Сүземне түгәрәкләп шуны әйтәсем килә: ул керем декларацияләрен халыкның ачуын кабартып игълан итмәсәләр яхшырак булмас микән? Урлыйсы кеше барыбер урлаша, үзләштерәсе барыбер үзләштерә.
 
 

Абугали ГАЛИМОВ, Чаллы
Татарстан яшьләре
№ --- | 24.07.2018
Татарстан яшьләре печать

Фикерләр

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом
Татаркино