• 21.03 Язгы солянка. УНИКС. 18:30
  • 28.03 Айгөл Сагынбаева. Филармония. 18.30
  • 28.03 "Шәй-бу! Шай-бу! премьера. Кариев тетары. 18.00
  • 30.03 Әнвәр Нургалиев "Бәхет сере". УНИКС. 14:00
  • 01.04-02.04 Зинира һәм Ризат Рамазановлар концерты. Филармония. 18:30
  • 01.04-02.04 Данир Сабиров концерты. УНИКС. 18:30
  • 06.04 Сиринә Зәйнетдинова һәм Рөстәм Насыйбуллин концерты. Филармония. 18.00
  • 11.04 Булат Нигъмәтуллин концерты. Филармония. 18:30
  • 13.04 Дуслык күпере. Пирамида. 17:00
  • 17.04 "Мунча ташы" театры. Филармония. 18:30
Туган көннәр
  • 19 Март Татьяна Водопьянова
  • 19 Март Роман Еременко
  • 20 Март Илгиз Кәлимуллин
  • 20 Март Сәләм Алишев
  • 20 Март Фәридә Сафина
  • 20 Март Марсель Мәхмүтов
  • 20 Март Лилия Заһидуллина
  • 20 Март Рәзинә Исмәгыйлева
  • 21 Март Булат Нигъмәтуллин
  • 21 Март Булат Сәләхов
  • Сдаю 2 комн.квартиру на ул. Спартаковской 88Б,хороший ремонт,мебель,бытовая техника.т.89276766077
  • 1 булмэле фатир Жк Салават Куперендэ тэртипле гаилэгэ арендага бирелэ.собственник. 89509488227
  • Әлмәт шәһәрендә бер бүлмәле квартираны сдавать итәбез, кыйбат түгел 9274897219
  • Казанда Бертуган касыймовлар урамында 6 йортта 12кв м булмэ сатыла. Булмэдэ пластик тэрэзэ, тимер ишек. Барлык жихазларны калдырабыз(холодильник, плита, стенка, остэл, диван)тел 89274283223
  • Молодая пара(20 лет) снимет квартиру до 15вв, своевременную оплату, чистоту и порядок гарантируем. 89961212519
  • Продается деревянный дом (бревно 34 диаметр). 300кв.м. От Казани 6км. Мамадышский тракт.Пестречинской район.Званка. Отличная инфраструктура. 26000000. тел.89534958107
  • Прочные, бесшовные. Морозостойкие. Экологичны и пожаробезопасны. Можно наносить роспись или фотопечать. Вы можете записаться на бесплатный замер по тел 3-25-26, 8-927-489-51-08. 8-950-947-00-40. Наиль.
  • Актаныш болын печэне сатыла тубэ астынды 89874227660
  • Авиатозелеш районында метродан 10-15мин ераклыкта булмэ озак вакытка арендага бирелэ.Бэясе 10 000. булмэдэ душевая кабина,раковина(булмэ итеп буленгэн)кух зона бар,шулай ук телевизор,холодильник,жэелэ торган диван хэм 1 кешелк карават та бар,булмэ якты,ремонт белэн. 89600399621 Рэмзия.
  • 1 булмэле фатир ор яна мебель белэн озак вакытка арендага бирелэ. Адрес Оренбургский тракт 140г.Собственник. 15 мен все включено. 89274095375

 

 
Архив
 

19.03.2010 Шоу-бизнес

ИЛЬВИНА: «СӘХНӘ ӨЧЕН ГАИЛӘМНЕ КОРБАН ИТМӘМЕН»

Җырчы Ильвина Габделхакова татар эстрада сәхнәсенә 2007 елда «Артларымнан йөрмә» җыры белән килеп керде. Әлеге җыры белән ул «Йолдызлар фабрикасы»нда җиңү яулап, «Татар җыры» Халыкара эстрада фестивалендә катнашты. Ильвина күп кенә яшь җырчылардан табигый көчле тавышы белән аерылып тора. Хәзерге вакытта җырчы «Барс-Медиа» компаниясе белән хезмәттәшлек итә. Ә күптән түгел генә Ильвинаның «Моңнар ява» дип исемләнгән тәүге альбомы дөнья күрде. Җырчы кыз – «Intertat.ru» газеты кунагы.

– Ильвина, кечкенә чагыңда әниең сине музыка мәктәбенә йөрткән, синең артист булуыңны теләгән. Ә үзеңдә җырчы булу теләге бар идеме?

 

– Әйе, мин үземне белә башлаганнан бирле музыкага тартылам. Иҗат кешесе булып туганмындыр инде, күрәсең. Җырчы булуыма үкенмим, киресенчә, бу өлкәдә тырышып эшлим. Чөнки җырчы булу өчен бик күп көч һәм финанс яктан зур мөмкинлекләр кирәк.

 

– Тавышың бик тә үзенчәлекле, кайчан джаз стилендә җырлый башладың?

 

– 3 яшьтән бирле ансамбльдә җырладым. Ләкин табигатем белән лидер булгач, аерым җырлау теләге көчле иде. Тик үземә туры килердәй укытучы таба алмадым. Ул миңа бары 12-13 яшемдә генә очрады, шул вакытта мин профессиональ рәвештә җыр сәнгате белән шөгыльләнә башладым. Башта рус һәм инглиз телләрендә җырладым, чөнки татарча җырларга өйрәтүче укытучыны табу кыен булды. Ә мин Татарстанда яшәгәч, өйдә дә татарча аралашкач, миллилекне күрсәтергә, татарча җырларга теләдем. Мәктәпне тәмамлап, Казан дәүләт мәдәният һәм сәнгать университетына кергәч кенә татарча җырлый башладым. Хәзерге вакытта мин Россиянең атказанган артисты, Татарстанның халык артисты Салават Фәтхетдинов җитәкчелегендәге татар театраль эстрада кафедрасында Татарстанның халык артисты Римма Ибраһимовада белем алам. Ул миңа милли моң төшенчәсен, аның каян килеп чыгуын аңлата алды. Аның ярдәме белән мин татарча җырларга өйрәндем. Эстрадага исә джаз стилендә җырлаучы буларак килеп эләктем.

 

– Татар халык җырларын башкарасыңмы?

 

– Халык җырларын бик нык яратам, тик алай ук оста башкара беләм дип әйтмәс идем. Кечкенәдән үк татар көйләрен тыңлап, татар җырларын җырлап үскән булсам, тагын да яхшырак башкара алыр идем бәлкем. Татар мелизматикасын миндә Римма Ибраһимова ярты ел эчендә чыгарды. Ул элек тә булгандыр, чөнки әти-әнием дә моңлы итеп җырлыйлар. Бер урында таптанып тормыйм, хәзер дә тавышым өстендә бик нык эшлим. Артист бит ул гомер буе үз өстендә эшли, көн саен үзендә яңалык таба.

 

– Сиңа килгәндә, үзеңдә нинди яңалыклар ачтың?

 

– Театраль эстрада кафедрасында укыгач, төрле образлар тудырырга туры килә. Башта үземне лирик актер буларак ачкан булсам, соңгы семестрда юмор өлкәсендә осталыгым барлыгы ачыкланды. Мин үземне җитди кеше дип саный идем, әмма яңа образ үземә дә ошады, башкаларга да кызык булып тоелды. Юмор өлкәсендә эшләүчегә булган комплексларын онытып, үзен ничек бар шулай күрсәтергә кирәк икән. Мин моны булдыра алдым дип саныйм.

 

– Синеңчә, джаз җырлаучының татар эстрадасында киләчәге бармы? Югалып калмасмы ул?

 

– Беренче чиратта, бу җырчының үзеннән тора. Кагыйдә буларак, халык артист артыннан барырга тиеш булса, бездә шуның киресе, ягъни артистлар халык артыннан бара. Безнең җырчылар Ауропа һәм Россия җырчыларыннан үрнәк ала, алар кебек киенергә, чәчләрне ясарга, бизәнергә тырыша. Чөнки ул җырчыларның образы төймәсенә кадәр уйланып башкарылган. Сүз дә юк, аларның финанс мөмкинлекләре дә башка төрле. Бездәге артистларның яртысы шулардан үрнәк алса, икенчеләре миллилекне сакларга тырыша. Әлбәттә, миллилекне саклау кирәк. Ләкин сүз ул хакта түгел, ә сәхнәдә үзеңне тоту турында бара. Миллилек булырга тиеш, әмма миллилек дип үзеңнең кыяфәтең турында онытырга ярамый.

 

– Кием дигәннән, белүемчә, син һәр костюмыңны үзең тегәсең.

 

– Әйе, мин бервакытта да бер киемнән сәхнәгә чыкмыйм. Озын күлмәкләргә өстенлек бирәм. Күптән түгел генә тагын ике күлмәк тектердем. Тамашачы концертка синең җырыңны тыңларга гына түгел, ә сине күрергә дип тә килә. Халык акчасын жәлләмичә билет алып, концертка килгән икән, аның өметен аклый белергә кирәк.

 

– Син һәрвакытта да тере тавышка җырлыйсыңмы?

 

– Мин һәрвакыт үзем җырларга тырышам. Өч «Татар җыры»нда катнаштым, өчесендә дә тере тавышка җырладым. Спектальдә уйнаучы актерлар беркайчан да фонограммага эшләми. Без дә бит шундый ук артистлар, без дә тере тавышка җырларга тиеш. Шуңа күрә бездә татар эстрадасы түбән дәрәҗәдә дип әйтәләр дә инде. Татар милләтеннән булгач, минем өчен бу сүзләрне ишетү авыр. Бу проблеманы бер җырчы гына хәл итә алмый, моның өстендә барысы да эшләргә тиеш. Артистларны сүгеп әйтүем түгел, чөнки ул проблема миндә дә бар. Монда артистларның гаебе юк, чөнки аларны өйрәтмәгәннәр. Сәхнәдә үзеңне тоту, киенү, бизәнү осталыгы артсын иде. Тере тавышка килгәндә, чын–чынлап көчле тавышлы җырчылар татар эстрадасында да бар. Мәсәлән, Алинә Шәрибҗанова, Раяз Фасыйхов, Илшат Вәлиев, Салават Фәтхетдинов. Саный китсәң, бик күп алар.

 

– Актерлар әзерләүче бүлектә укыкач, актер булып китүең ихтималы бармы?

 

– Анысын әйтә алмыйм, ләкин үземне кинода сынап карау теләге бар. Ә әлегә мин «Барс-Медиа» компаниясе төшергән «Мәхәббәт сынавы» фильмында гына уйнадым. Шуны әйтә алам, кинода төшү бик авыр эш.

 

– Ильвина, синең чыгышларың бик үзгә килеп чыга. Җырларыңны күңел биреп башкарасың...

 

– Залда утыручы һәр тамашачыны да күреп бетереп булмый, чөнки гадәттә залда караңгы була, яисә утлар комачаулый. Концертларда мин туганымны, яисә әти-әниемне эзләп табып, яки залдан берәр кешене сайлап алып, шуңа карап җырлыйм. Әмма аудиториянең дә төрлесе була, кайвакыт тамашачы белән элемтә табу кыен. Бер үк концерт белән төрле төбәкләрдә чыгыш ясарга туры килә. Ләкин һәр шәһәрдә шул ук тамашаны төрлечә кабул итәләр. Кайвакытта концерт сизелмичә дә үтеп китә, ә кайвакыт бик авыр һәм озак бара. Бу залга да, көненә дә бәйледер бәлки.

 

– Башкарасы җырларыңны ничек сайлыйсың?

 

– Тормышыма туры килмәгән җырларны башкара алмыйм. Тәкъдим ителгән җырның көе ошаса да, сүзләре туры килмәскә мөмкин. Андый вакытта җырның текстын үзгәртәбез. Киресенчә, көе туры килмәгән вакытлар да бар. Шуңа күрә альбомымны да озак яздым, 2,5 ел вакыт узды. Үзем дә шигырьләр язам, ләкин минем сүзләргә язылган бер генә җыр чыкты. Ул «Син миңа кирәк» дип атала.

 

– Дискотекаларда еш кына Эмиль Айзатулла белән дуэт башкарасың. Гомумән, дуэтларга мөнәсәбәтең ничек?

 

– Мөнәсәбәтем уңай. Яңа альбомга Салават Миңнеханов, Раяз Фасыйхов, Алинә Шәрибҗанова белән яңа дуэтлар яздырырга телим.

 

– Балаларга музыка да укытасың икән әле үзең?

 

– Әйе, Казанның 22нче музыка мәктәбендә инде дүртенче ел рәттән балалар укытам. Монысы соңгы елдыр инде, чөнки ардырды. Хәзер балалар елдан-ел үзгәрә, алар белән эшләү кыенлаша. Бәлки тәрбиягә бәйледер, ә бәлки заманына... Балаларга гына түгел, ата-аналарга да аңлату авыр, барысы да балаларының йолдыз булуын тели. Әмма моның өчен рухи көч һәм бик күп тырышлык таләп ителүенә төшенмиләр. Мин үзем дә һәрвакыт тырыштым, беркайчан да артка чигенмәдем, үз дигәнемә ирешә белдем. Артымнан этеп йөрүче дә булмады, акчасын да үзем таптым. Мәктәптә укыганда ук эшли идем инде.

 

– Иҗат кешесенең буш вакытымы буламы?

 

– Шәхсән миңа бик тими ул. Быел менә соңгы елымны укыйм, аннан соң читтән торып Казан дәүләт технология университетында дизайнер белгечлегенә дә укыйм бит әле. «Планета Фитнес»ка бассейнга йөрим. Өйдә дә эш җитәрлек. Үземнең идеяларым бар, шуларны гамәлгә ашыру өстендә эшлим.

 

– Ә тормышта син нинди?

 

– Иҗат кешесе тормышта да матурлык ярата, матурлыкка омтыла. Өйдә табын әзерләгәндә дә ул тәлинкәләрне матур итеп куярга тырыша. Башкалар ничектер, ләкин мин үзем шулай эшлим. Аннан соң мине күбесе усал карашлы, кырыс дип уйлый, чынлыкта мин андый түгел. Эчке дөньям бик нечкә минем.

 

– Ильвина, һәрвакыт чыгышыңнан соң сиңа бер кочак кызыл розалар бүләк итәләр. Аларны һаман бер үк кеше бирәме?

 

– Әйе, бу кеше минем һәр чыгышымны карый, минем иҗатым белән кызыксына һәм хәтта гастрольләргә дә ияреп бара.

 

– Синең өчен гаилә мөһимрәкме, әллә сәхнәме?

 

– Мин бервакытта да сәхнә өчен гаиләмне корбан итмәмен. Өеңдә тынычлык булмаса, син эшли алмаячаксың. Шуңа күрә, минемчә, хатын-кыз өчен гаилә беренче урында булырга тиеш. Әмма күп кенә хатын-кыз хуҗалык эшләренә чумып, үзе турында уйларга оныта. Чөнки ике эшне берьюлы алып бару авыр. Бу очракта йә син матур хатын-кыз, яисә яхшы хатын буласың. Сүз дә юк, яхшы хатын булу мөһимрәк. Ләкин теләсә, хатын-кыз һәр эштә өлгерергә сәләтле.

 

– Серләреңне кемнәргә сөйлисең, проблемаларыңны кемнәр белән уртаклашасың?

 

– Әниемә һәм якын дустыма. Аларның икесенең дә исеме Роза. Әни белән гомер буе дус булдык. Аның белән мин теләсә нинди темага сөйләшә алам. Мәхәббәт өлкәсендә дә, иҗат буенча да әни белән киңәшләшәм. Ул бервакытта да миңа басым ясамады, ирегемне кысмады, сүкмәде, «ярамый», «юк» дигән сүз әйтмәде. «Ярамый»ны әни мисалда, ниндидер вакыйгаларда аңлатып бирә иде, ә мин шуннан соң үземә нәтиҗә ясый идем. Әнием һәрвакыт «теләгәнеңчә эшлә, әмма соңыннан мине гаепләрлек булмасын» дип әйтеп килде. Мин шуны аңладым, әни сүзен тыңларга кирәк, кире очракта, бер эшең дә уңмаячак.

 

 

 

1

 

 

2

 

 

3

Эльвира ШАКИРОВА
Интертат.ру
№ |
Интертат.ру печать

comments powered by HyperComments

Фикерләр

№27 (48195) / 23.06.2010 12:58:38

макта, җәлке что-ли? берәү дә каршы килми.

№26 (48194) / 23.06.2010 12:54:30

Акыллы кыз. Бөтен яклап килгән. Үзе чибәр, үзе сәләтле. Җырлавы ошый, сәхнәдә артыгын кыланмый. Алда аны бары уңышлар көтсен!!!

№25 (42793) / 28.04.2010 11:40:43

Үзе матур,җырлары мәгънәсез...

№24 (39757) / 23.03.2010 15:49:05

Ботен тел бистэлэре бары тик жырчыларнын интервюлары хэм эстрада турында гына фикер йортэ белэн ахры монда. ижтимагый хэм сэяси темаларга беркем дэ юньлэп фикер эйтмэгэн, никтер!

№23 (39713) / 22.03.2010 15:21:17

сейлэмэ инде эелпе хазер 2яштэн ансамбелдэ җырлый башладык диярлэр инде .. тулке бик эллэ кем каян чыкканын белми , кая яшэгэнен белми , мин минлек куп ..да энисе бик торышты инде , бетен булган рэхмэте энисенэ булсын узеннэн булмас иде .. алга барыш ...

№22 (39704) / 22.03.2010 14:35:27

*Тупой вопрослар*, тузга язмаган сораулар - журналист тарафыннан болар барысы да бирелергә тиеш.Шул мәгънәсез, яки акыллы сорауларга җавапны белгәч кенә, дөрес нәтиҗәне чыгару җайлы була, сәхифә батырына карата.

№21 (39687) / 22.03.2010 10:09:59

Барслар ни өчен тупой сорау бирә. Чөнки башка чара юк. Гаилә хәлләре язарга, кешегә кызык якларын ачарга ярамый бит.

№20 (39686) / 22.03.2010 10:07:27

Гэбдрэхим дэ тупой сораулар биреп утыра эле. Ана карап барыбер яраталар.

№19 (39684) / 22.03.2010 09:37:06

Данил Сәфәров үзе үк Барс-медиада эшләп киткән кеше. Аны талантсыз дип әйтә алмыйм.

№18 (39683) / 22.03.2010 09:33:56

Күзеңне ачып кара, интертат.ру Эльвира Шакирова диелгән. Ә син Барс-медиа журналистларын хурлап утырасын. Кайда эшләвенә карамый ул,талантлы кеше талантлы, талантсызы талантсыз инде аның. Бер җүнле сүз яза белмичә әллә каяутырганнары да бар. Ә монда мин гел талантсызлар димәс идем. Талантлылары килә бара, үз юлын табып яхшырак өлкәләргә китә бара.

№17 (39593) / 19.03.2010 21:50:54

халыкчан телгә күчеп кайбер газетлар укчыларын югалтып баралар инде.
халыкчан урам мәзәкләренә, сәрхүшләр турындагы анекдотларга күчик әйдәгез!
3 хәрефле сүзләр тутырып китап яза башладылар. халыкчанлык түгел бу Мансур ага, камилләшергә теләмәү!
\"Халыкчан\" җырларны кибет артында да тыңлап була!
ә хәләл акчаңа билет алган көйгә... гафу ит агай! Әнә Низамов чиләгенә!

№16 (39592) / 19.03.2010 21:44:02

нормал сораулар! синеңчә җырчыдан Ванкувердагы одимпиадага мөнәсәбәтен сорарга идемени? Яисә булачак пезидентка карашын?
креатив дигән булалар инде,мөгез чыгарасылары килсә! Гадилек белән алдырырга кирәк. кеше күңеленә гади генә нәрсәләр дә бик әйбәт керә.

№15 (39591) / 19.03.2010 21:43:57

күке, халыкчанлык - язучы өчен начар сыйфат түел ул!

№14 (39590) / 19.03.2010 21:22:15

а вот язган журналистка бер дэ профессионал булып тоелмый. тупые вопросы. хотя кайчан инде барс медиада тупой вопрослар бирмэгэн журналисткаларнын эшлэгэне бар? пиарчыларында да, журналистларында да - урысны копировать иту, креативнын исе дэ юк.

а Илвина эйбэт жырлый, чыннан да

№13 (39588) / 19.03.2010 21:11:14

`һава:сатып алдылармы?

№12 (39585) / 19.03.2010 20:53:23

ЧИБӘР ҺӘМ ТЫРЫШ! МУЛӘДИС!

№11 (39582) / 19.03.2010 20:48:04

алларым диям сине дә,
гөлләрем диям сине!
Бу бит халык чыгарган такмаклар Мансур абый!
әллә нинди сүзтезмәләр очрый халык җырлары арасында да.

мин профи.ларны күздә тотып әйтәм. тел канунын белеп язырга тиеш,шагыйрь дигән исем аласы килсә.

әле тагын берсе суза, әни турында:
нурлар чәчеп яшә әле әнкәй,( әллә нәрсә тагын оныттым)... килсен картлыклар дип!. Картлык берлек санда гына мәңгегә дип килә бит килгәндә.

№10 (39577) / 19.03.2010 20:31:20

күке,әмма шул ук халыкның вәкилләре болайрак та әйтә:" алларыма килеп тезләндең син...", "алларым диям, сине, гөлләрем, диям сине...". Болар "сагынмаган кая ул!", "кая инде безгә андый хөрмәтләр..." кебек, Сез дә, мин дә "кайсы кагыйдәне кулланырга?" дип баш вата торган очраклар. Бәлки берәр тел галиме ярдәмләшер? Күп бит алар монда.

№9 (39573) / 19.03.2010 19:56:30

//Ж,ырчыларнын адвокаты булам инде ахрысы.//
Давай, давай, профессияжне югалтма, Кире, мэкалэ язып кына юрист булып булмый ул!

№8 (39571) / 19.03.2010 19:24:21

Укытучы табу - ж,инел эш тугел шул. Купме сэлэтле баланын тавышын сындыралар бит. Бер кызны белэ идем, тавышы чишмэ кебек матур, ж,ырларны бормалап ж,иренэь ж,иткереп ж,ырлый иде. Монын сэлэтен сизеп алып вокалный студиягэ чакырдылар. Бер ел эчендэ академический вокалга тартабыз дип бормаларын да бетерделэр, опера ж,ырларлык кочле тавыш та юк иде, югыйсэ, шул бормалары белэн матур иде тавышы.Хэзер нечкэреп беткэн колоратурный сопрано белэн турыга гына сиптерэ татар халык ж,ырларын. Нормальный кешенен башына каба торган инде. Ж,эл..

№7 (39569) / 19.03.2010 18:38:16

дөрес сүз Зелпе! Кайчандыр Гүзәл Маликова (3 яштән алып) балаларга җыр студиясе ачкан иде.кече яштән өйрәтергә мөмкин баланы,гаҗәпләнәсе юк.

№6 (39567) / 19.03.2010 18:29:26

Артларымны озын күлмәк б/н каплыйм дигән түгелме соң.Зелпе б/н килешмичә мөмкин түгел.

№5 (39565) / 19.03.2010 18:23:02

3 яшьтән бирле ансамбльдә җырладым. Ләкин табигатем белән лидер булгач, аерым җырлау теләге көчле иде. Тик үземә туры килердәй укытучы таба алмадым. Ул миңа бары 12-13 яшемдә генә очрады,..

Скоро тугыйнча 3 ел алдан ансамбльдә җырладым дия башларлар инде. Кеше ы ш а н м а с т ай ны чын булса да сөйләмә диләр халыкта. Азрак чаманы белү кирәк балалар!

№4 (39561) / 19.03.2010 18:09:26

тавышы шәп.Халык җырларына җитәрлек иркен. Тик " Артларымнан йөрмә" җырын аңламыйм. кешенең ничә арты бар соң? -Арттан йөрмә әле! ди иде элек халык.

№3 (39557) / 19.03.2010 17:47:05

Ж,ырчыларнын адвокаты булам инде ахрысы. Ник ул интервьюда узен хурларга тиеш мени?

№2 (39555) / 19.03.2010 17:34:18

Матурлык чамалы икән!Мактанчык та икәнбез.

№1 (39552) / 19.03.2010 17:20:23

Авариядән соң исән-сау калуың мине бик шатландырды.Аллаһе сиңа иминлек бирсен.
Булдырасың Ильвина,яхшы теләкләрең тормышка ашсын!!!!
Уңышлар сиңа!!!

▲ Өскә

www.work-zilla.com

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Түгәрәк уен
Татарстан китап нәшрияты
RAFINA/D