|
|
Бүген кемнәр туган
|
|
Архив
|
13.03.2010 Җәмгыять
ӘЙТЕРГӘ МИКӘН?(Беренче сандагы язмага кайтаваз) Арча Ләйсәненә Интернет җавапларын мин дә зарыгып көттем. Чөнки инде студент (студентка түгел!) булсам да (1курс), үзем дә Ләйсән хәлендәмен. Группабыздагы ...гә күзем төште. Җебегән малай булмасам да, әйтергә куркам, чөнки ул матур гына түгел, кыю кыз да. Киемнәре дә модный һәм кыю. Ул бөтен нәрсәне дә башкача аңлыйдыр кебек.
«Интернет апалар», сез ниләр генә язып бетермәгәнсез, ләкин анда «Әйтергәме?»гә җавап кына юк. Боларны укыгач, Ләйсән үзе дә, их, монысын да бозаудан гына сораган булсамчы, димәде микән? Сез матур әйберләр дә язгансыз, ләкин болар бүтән замандагылар бит. Мәхәббәт хәзер андый түгел бугай шул. Берәр атна гына булса да студент общежитиесендә яшәп карасагыз иде сез. Татарча «тулай торак» була бит инде. «Тулай ятак» түгел микән дип шикләнәм.
Мин кышкы семестрдан соң общежитиедән киттем. Туганнарымда яши башладым. Чөнки, анда калсам, минем хыялларым пылт итеп сүнәчәк иде...
Кыю мәхәббәт мәхәббәт була микән ул?
Мин ...не хәзер аудиториядә генә күрәм инде, һәм монда миңа аның йөзе дә, тавышы да матуррак булып тоела...
Мин нәрсәнедер белмим, нәрсәнедер аңлап җиткермим бугай, ләкин миңа безне киләчәккә алып барган көймәнең җилкәне ак түгелдер кебек тоела.
Мансур.
|
Иң күп укылган
|