поиск новостей
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
  • 13.04 Яратам! Бетте-китте! Тинчурин театры, 17:00
  • 14.04 Полиционер. Тинчурин театры, 17:00
Бүген кемнәр туган
  • 29 Март
  • Шәкүр - җырчы
  • Рөстәм Абязов - дирижер
  • Илфат Фәйзрахманов - журналист
  • Мөхәммәт Сабиров (1932-2015) - дәүләт эшлеклесе
  • Айгөл Хәйри - җырчы
  • Ринат Хәйретдинов - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
27.03.2018 Мәдәният

Казанда Нәҗибә Ихсанованың юбилей кичәсе узды (ФОТО, ВИДЕО)

Кичә, 26 мартта, Камал театры Татарстанның һәм Россиянең халык артисты, Габдулла Тукай исемендәге дәүләт премиясе лауреаты Нәҗибә Ихсанованың юбилей кичәсен үткәрде.

Нәҗибә Ихсанованың үз юбилей кичәсендә сәхнә тутырып уйныйсы килүен һәр тамашачы тоеп торды. Әмма оештыручылар аның урынын сәхнә түрендә итеп билгеләгәннәр иде - ул сәхнә өстендәге тагын бер “сәхнәгә” куелган затлы кәнәфидә кунак булып кына утырды, елмаеп котлаулар кабул итте, урынын туры китереп кенә репликалар әйтеп куйды. Әмма тамашачы аның кайчан Камал театры билгеләгән “тәхетеннән” төшеп уйный башлаячагын көтте. Нәҗибә апа үзе дә бу “тәхеттән” риза булдымы икән?..
 
 
Татарстанның һәм Россиянең халык артисты, Габдулла Тукай исемендәге дәүләт премиясе лауреаты Нәҗибә Ихсанованың юбилей кичәсенә Камал театрына килгән тамашачы актрисаны аягүрә басып, алкышлап каршы алды. Кичә рәсми котлаулардан башланды. Татарстан мәдәният министры Айрат Сибагатуллин Президент Указы белән бирелгән “Татарстан Республикасы алдындагы казанышлары өчен” медален тапшырды һәм Татарстан Дәүләт Киңәшчесе Минтимер Шәймиев котлауларын укыды. Ә Минтимер Шәрипович күренекле актрисага театр тарихында калган рольләре өчен генә түгел, “милләтебез авазы булган” Туфан Миңнуллинның исемен мәңгеләштереп яшәве өчен дә рәхмәтләрен җиткергән иде. Азнакай районы җитәкчелеге бер зал халыкны Нәҗибә Ихсанованың юбилей кичәсен уздырырга районга чакырды.
 
 
Тамашачы, актрисаны котлауларны тыңлап һәм алкышлап, аның уйнавын көтте. Әмма сценарий буенча, рәсми котлаулар эстрада җырлары белән аралаштырылган иде. Нәҗибә Ихсанованың балачак хатирәләрен аның сеңлесе – актрисаның “шәхси имиджмейкеры”, театрның легендар тегүчесе Роза Байбикова сөйләде, ә инде авылдан чыгып киткән ике булачак артист тарихын Нәҗибә Ихсанованың сабакташы Әзһәр Шакиров ишеттерде. Шул ук тарихны без яшь шагыйрь Булат Ибраһимов шигыре аша да тагын бер кат күңелдән үткәрдек. Кечкенә генә авылдан чыгып китеп, татарның ике бөек артистына әверелгән ике сабакташ тарихын – Нәҗибә Ихсанова белән Әзһәр Шакиров турында белмәгән татар бармы икән?! Әмма бу тарихны театр тамашачы кат-кат тыңлый ала.
 
 
Хатирәләрне Нәҗибә апа катнашкан легендар спектакльләрнең видеоөзекләре алыштырды. Тамашачы “Әлдермештән Әлмәндәр”дәге Өммияне, “Әниләр һәм бәбиләр”дәге Гөлфинәне юксынды. Туфан Миңнуллинның легендар спектакле “Әлдермештән Әлмәндәр”ендә Әлмәндәр картның сүзләрен хәтерлисезме? “Ә мине кая куясыз? Мин исән бит әле”, - ди ул яшьләргә. Зал көлә, күз яшьләре белән көлә...
 
 
Тамашачы шушы халәттә иде. Нәҗибә апа каршыда утырган килеш, тамашачы экрандагы яшь Нәҗибәне күзәтте. Шул Нәҗибә аша үзенең яшьлеген сагынды. Нәҗибә Ихсанованың бәхетле картлыгына сокланды. Өстеңә кунган тузан бөртеген дә өреп төшерергә әзер торган кызыңның яныңда булуы бәхет түгелмени?! Нәҗибә Ихсанова белән Туфан Миңнуллиннарның бердәнбер кызлары Әлфия Миңнуллина җан сакчысыдай әнисе янында булды. Ул аның һәр хәрәкәтен кайгыртучан күзәтте. Туфан Миңнуллинның канаты астында аның музасы булып яшәгән Нәҗибә Ихсанова тамашачысына үзен бәхетле ана итеп күрсәтә алды. Ул үзенең символик образы – Миләүшәсе кебек (Туфан Миңнуллинның “Хушыгыз” спектакле героинясы) ялгыз түгел иде. Аның тамашачысы да, кадерле кызы да янында.
 
 
Әмма шушы “Хушыгыз” спектаклен яшьләр башкаруында күрсәтү кирәк булдымы икән? Оештыручлар Нәҗибә Ихсанованың алмашы бар, татар театры яши, ул тере организм дип күрсәтергә теләгәндер. 
 
 
Тик Нәҗибә Ихсанованы һәм аның сабакташлары-сәхнәдәшләре Әзһәр Шакиров белән Наил Дунаевны, шулай ук Фәрит Бикчәнтәевне Тукай премияле иткән “Хушыгыз” спектакленнән өзекне яшьләр уйнавын күргәч кыен булып китте. Миләүшә булып сәхнәгә чыккан Гөлчәчәк Хәмәдинурова - талантлы актриса. Әмма Миләүшәнең хушлашу сүзләрен Нәҗибә Ихсанова кебек беркем дә әйтә алмый. Бу да, Шәүкәт Биктимеровның Әлмәндәре кебек, кабатланмас образ.
 
 
Кичә тәмамланды. Тамашачы да, Нәҗибә Ихсанова үзе дә спектакль тәэсиреннән чыга алмады. “Бу – спектакль-хатирә. Шул кадәр бәгырьгә төшеп калган, яңартып куйсаң алай бармас иде кебек. Хәзер чыгып уйнармын кебек. Әллә уйныйбызмы?” – диде ул.
 
Нәҗибә Ихсанова театр яраткан татар тамашачысына рәхмәтләрен әйтте. “Тамашачының һәрберсе белән кочаклап саубуллашырга кирәк”, - диде ул күңелләргә үткән матур яңгырашлы тавышы белән. 
 
Тамашачы гардеробка ашыкмады. Аңа бүген Нәҗибә апа барыбер җитеп бетмәде...
 
Татар-информ, Рузилә Мөхәммәтова
 
 
 


---
Камал театры
№ --- | 27.03.2018
Камал театры печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»