• 26.09 "Көзге моңнар" Казан шәһәр филармониясе концерты. ДК"Отары". 18.00
  • 28.09 «Бәрәңге җанашым» бәйрәме яки БӘРӘҢГЕФЕСТ. Г. Тукай әдәби музее һәм Юнысовлар мәйданы. 13.00-15.00. Керү түләүсез
  • 29.09 "Көзге моңнар" Казан шәһәр филармониясе концерты. ДК"Мирный". 17.00
  • 05.10 Илнар Ялалов. "Табышмак" юбилей концерты. Казан. Филармония. 17.00
  • 08.10 Илһам Шакиров ядкәре. Казан. Филармония. 18.30
  • 10.10 "Көзге моңнар" Казан шәһәр филармониясе концерты. ДК"Осиново". 19.00
  • 11.10 "Көзге моңнар" Казан шәһәр филармониясе концерты. ДК"Юность". 18.30
  • 15.10 Әнвәр Нургалиев. УНИКС. 18:30
  • 25.10-28.10 Ришат Төхвәтуллин. УНИКС. 18:30
Туган көннәр
  • 22 Сентябрь Шамил Рәкыйпов (1929-2005)
  • 22 Сентябрь Заһир Бигиев (1870-1902)
  • 22 Сентябрь Марат Гәрәев
  • 22 Сентябрь Вероника Кузнецова
  • 22 Сентябрь Мансур Мортазин
  • 22 Сентябрь Алия Исрафилова
  • 23 Сентябрь Булат Җиһаншин
  • 23 Сентябрь Илдар Сөләйманов
  • 24 Сентябрь Тимерҗан Кәлимуллин
  • 24 Сентябрь Вадим Усманов (1946-2014)
  • Ике татар кызы гостинка/студия эзли до 13 тыс. Даурская, м. Горки якларында. Только собственники! 89196455297- ватс ап
  • Бодай сатыла. 9 сумнан. Тел. 89270861527. Актаныш
  • Актанышта Мутина урамында кирпич йорт сатыла .89600697344
  • Актанышта арпа сатыла 89870627119
  • Сарыклар, суеп итләтә дә сатыла. Актаныш. т89063315104
  • Продаем пшеницу ( яровая). Тел. 8 909 307-07-38 Раиса. С.Федоровское, по цене договоримся, звоните! Есть доставка
  • Ямашев урамында 2 булмэле фатир озак вакытка гаилэгэ арендага бирелэ. Фатирда яшэр очен мебель бар. Собственник.89655846630
  • Тэртипле,начар гадэтлэре булмаган 1 кызга 2 булмэле фатирнын 1 булмэсен вакытлыча яшэп торырга бирэм, ДК Химиков куршесендэ 89272469637 шалтыратыгыз
  • 1 октябрьдән Актаныш технология техникумы базасында 1С программасына укыту башлана. Курс үткәннән соң, квалификация күтәрү турында таныклык тапшырылачак. Дәресләр атнага 2 тапкыр: сишәмбе һәм пәнҗешәмбе көннәрендә 17.00-19.00 сәгатькә кадәр үтәчәк, 6 ай дәвам итәчәк. Бәясе 12 000 сум (бүлеп түләү мөмкинлеге бар) Урыннар чикле. Белешмәләр өчен телефон: 89061225615
  • Бер булмэле фатир озак вакытка арендага бирелэ.ПОРТ,РКБ,ДРКБ янында.Собственник 89053772306.

 

 

 
Архив
 

25.02.2010 Җәмгыять

СОКЛАНМАГАН ТАТАР КАЛМАСЫН!

(Минтимер Шәймиевнең Татарстан Президенты вазыйфасыннан китүе уңаеннан "Озату хаты")

Хөрмәтле Минтимер Шәрип улы!

 

 Мин бу хатым белән Сезгә үз вазыйфагыздан китеп өлгергәнче барып җитәсем килә. 25 мартка кадәр матбугатта чыгып өлгерәсе иде. Хатымның Сезгә вакытында барып ирешүе бик мөһим. Югыйсә, Ленин бабай әйтмешли, "бүген – иртәрәк, иртәгә – соң" булып чыгуы мөмкин. 

 

Сез Президент булган чорда, ягъни 1991– 2010 еллар арасында, минем Татарстан мәгарифе, мәгърифәте, матбугаты, икътисады, хәтта табигате һәм җан-иман мохиты турында хатлар язганым һәм бастырып чыгарганым булды. Алар дөнья күргәннән соң тормышыбызда зур үзгәрешләр тойдым дип әйтмәс идем. Аннан Президент кадәр Президенттан язучының һәр төчкергәне өчен фәтва көтү, бәлки, дөрес тә түгелдер. Ничек кенә вазыйфалы, гайрәтле һәм көчле булмасын, патшаларның да патша вакытында үти алмаган, моның өчен шәхси шартлары җитешмәгән вак һәм зур мәшәкатьләре була. Сез Татарстан Президентлыгына үзегезне яңадан тәкъдим итмәскә булганнан соң, Зөя һәм Бөек Болгар тыюлыкларын аякка бастыру программасына җитәкчелек итәчәгегезне һәм Татарстанның сәяси тормышыннан китмәячәгегезне белдергәч, мин бик куандым. "Менә бу хикмәтле бурыч! – дип кычкырып җибәрдем. – Менә шушы була ул Президент чакта тотына алмаган, әмма гади гражданин сыйфатында хәл итәрлек илаһи мәшәкать! Менә кайда ул чын "Без булдырабыз!"

 

 Сез нинди авыр заманнарда Колшәриф мәчетен урынына кире кайтару буенча тарихи батырлык кылып, булдыклы икәнегезне расладыгыз. Без бит җимерүчеләр түгел. Без нәсел – тамырыбыз белән төзүчеләр. Минем кара исәпләүләрем буенча, СССР төзелешләренең һәр йөз тонна бетонының кимендә ун тоннасы татар кулыннан үткәндер кебек. Татарстан җирендә җимерек чиркәү дә, җимерек татар шәһәре дә, җимерек ферма да булмаска тиеш. 

 

Мин Сезне бу хатым белән Президентлыктан гади гражданлыкка таба озата барырга булдым. Мондый җаваплы чорда язылган хатымда әйтеләчәк кайбер киңәшләрем Сезгә, бәлки, ярап куяр дигән ышаныч та җылыта күңелне. Бездә, татарда, бер олыныкын, бер кеченекен тыңла, дигән әйтем барлыгын да онытмыйк. Әүвәлдә хат "Озата барам" дип исемләнгән иде. Аннан, без, сугыш чоры малайлары, "Озата барма" дигән тетрәткеч җырны җырлап үскән егетләр, аның хатын-кыз тарафыннан җырланганын искә төшереп, хатымны "Сокланмаган татар калмасын!" дип исемләргә булдым. Сез – татар телен, җырын үлеп яраткан милләттәш-бавырдашым, хәтерлисездер:

 

Урманнарга керсәң, сызгырып кер,

Селкенмәгән яфрак калмасын.

Кайда гына булсаң да, сыздырып йөр,

Сокланмаган кеше калмасын! – дип җырлап үскән идек без.

 

Мин бу юллардан бер генә сүзне – "кеше" дигәнне "татар"га гына үзгәрттем. Сокланмаган татар калмасын! Бу гыйбарә сезгә бик туры килә. Безнең барыбызга да милләтебезне сокландырып яшисе иде. Безгә, өлкәннәргә, бигрәк тә. Чөнки гомеребез кимүгә бара. Яшерен-батырын түгел, күпләребезнең гомере халык йөрәгенә туры юл саласы урында бу йөрәк тирәли әйләнгәләп йөрүдә узды.Мин моны үз язмышымнан да беләм. Аннан бездә, Русиядә, урыс булмаган халык вәкилләренә туган милләтенең йөрәгенә туры юл салу – авыр, ай-һай авыр хезмәт. Еш кына рәсми бүләкләрдән, татлы ризык, мал-мөлкәттән мәхрүм итә, җәзалый һәм газаплый торган хезмәт. Татарстан сыман катлаулы республиканың Президентыдай зур вазыйфалы кешеләргә халыкның шәрә йөрәгенә турыдан юл салу аеруча авыр – моның өчен инә күзеннән әүвәл дөяне үткәрергә кирәк. Сез мондый дөяләрне байтак үткәргәләдегез. Инде сезнең өчен инә күзеннән аерым дөя генә түгел, дөяләрнең кәрван арты кәрванын үткәрү мөмкинлеге, милләт йөрәгенә турыдан-туры юл ачыла. Бу нинди бәхет!..

 

 Аллаһтан төшкән шундый бер һидаят бәхет итеп мин, Минтимер Шәрипович, бүгенге чорда авыр хәлдә калган татар матбугатын коткаруны санар идем. Сез Татарстанның сәяси офыгыннан китмәячәгегезне белдергәч, мин беренче итеп менә шул хакта уйландым. Сезнең белән киңәшмичә Татарстанда яфрак та селкенмәячәк. Минем ышануымча, Сез Татарстанның яңа Президентының иң якын, иң хәбәрдәр, иң төпле фикерле киңәшчесе булачаксыз. Менә шул киңәшләрнең берсендә, озын-озакка сузмыйча, татар матбугатының хәлен кискен, катгый үзгәртү буенча бер программа кабул итү мәсьәләсен күтәреп булмас микән? Ничек итеп? Менә шул хакта киңәшәсе иде!.. Билгеле булганча, Федераль үзәк безнең милли матбугатны гына түгел, урыс телендәге матбугатны да "автономлаштырды һәм оптимизацияләде". Без, татар акылы – төштән соң, дигәндәй, милли матбугатсыз, хәтта милли радио-телевидениесез торып калуыбызны әле шушы көннәрдә генә аңладык. Кыскасы, бүген мин, Чаллы язучысы, Чаллы шәһәренең татар телендә чыккан "Шәһри Чаллы" газетасында хәтта бушка да мәкалә, шигырь, хикәя бастыра алмыйм. Мин генә түгел, һәрбер каләм тибрәтүче моны эшли алмый. Чөнки газетаның беренче һәм соңгы битләре генә урындагы дәүләт органнарының рәсми материаллары һәм реклама, үлгән-киткән кешеләр турындагы некрологлар өчен калдырыла да (Татарстанның барлык йөз газетасы бүген шундый хәлдә!) , калган эчке ун-унбиш бите югарыдан, Казаннан, '"Татмедиа" дигән оешмадан әзерләп төшерелә. Анда черки дә борынын тыгалмый. Моннан ике ай чамасы элек мин бу хакта "Звезда Поволжья" газетасында язып чыккан идем. Язар алдыннан "Тамедиа"да булып, шул эчке битләрне әзерләүче ханымнар белән очрашкан идем. Баксаң, татар авылларында район яңалыкларын көтүче Гөлбикә апалар, Мансур бабайларга ниндидер Гусман, Собчак дигән "йолдызлар"ның ничәнче хатын, ничәнче ирдән аерылулары турындагы мәкаләләрне менә шушы ханымнар Казанның үзеннән генә штампка салып утыралар икән.

 

 Кем әйтмешли, кычыткан җирне, ничек кенә теләмәсәң дә, кашымый торып булмый. Гаҗәп, әмма татар матбугат органнарында язучы каләмкярьларга хәләл каләм хакы түләү түгел, алардан матбугатта үз әсәрләрен бастырган өчен үзләреннән акча түләтү модасы да тамыр җәя башлады. "Кризис" имеш. Безгә дигәндә. Аларга дигәндә, "госзаказ". Мин, матбугат органнарында илле биш ел эшләгән, төрле жанрларда язылган иллегә якын китап чыгарып, хәлдән килгәнчә туган әдәбиятны баетырга тырышкан ветеран-язучы, Сезгә, хөрмәтле Президент, әле эшегездән китеп барганчы "чиновник малайларга": туктагыз, җегетләр, чамасын белегез дип, бармак селкеп өлгерсәгез иде димәкчемен.

 

Мин "кризис" битлеге астында мәрткә киткән татар матбугатын ничек итеп, хәтта ки җиңел генә юл белән бу хәлдән чыгару юлын уйлап таптым бугай. Нинди юл ул? Ошбу юл турында киңәшкә керешкәнче, татар матбугатын системалы юл белән мәрттән чыгару өчен аның турында системалы фикер булдырырга кирәктер дип уйлыйм. Чөнки һәлакәтне, катастрофаны, чирне бәяләр, төзәтә башлар өчен аның масштабын билгеләү мөһим.

 

Менә безнең алда халык санын алу мәшәкатьләре тора. Быелгы кампаниянең үзенчәлеге шунда ки, анда "милләт" дигән графа юк, әгәр үз кулың белән тутырмасаң. Безнең татарда күпләр язар микән үз милләтен, әгәр сорап яздырмасалар? Биш миллионнан күпме калырбыз? Бу бит уен эш түгел. Бу тематика белән минем телефоным кызган: Уфа тарафларыннан көн-төн чылтыраталар. Анда теге 2002 елдагы халык саныннан исән-сау үтә алган татарларны башкорт итеп язуны тәмамлау бурычы куелган. Уфа хакимияте моңа әзерләнүне сигез ел буе алып барды: "Без башкортлар икәнбез бит, моңа кадәр белми генә йөргәнбез", – дип шәҗәрә бәйрәмнәре үткәрелмәгән һәм резолюцияләр кабул ителмәгән авыл калмады. Без исә һаман да "толерантлык" уены уйнап йокладык. Хәзер без милләтебезгә "Татар булып калыйк!" дигән чакыру ташлар идек, әгәр татарча һәм урысча бер 500 мең тираж белән татарча-урысча чыга торган хет бер генә басмабыз булса. Ләкин, кызганычка каршы, андый басма юк. Байларыбыз, миллиардерларыбыз күп. Дәрдмәндләребез генә юк. Татарстанда татар матбугатына ясалган оптимальләштерү нәтиҗәсендә газета-журналларыбызның тиражы кискен кимеде. Әле безнең шушы хатыбыз басылган һәм республикада иң күпсанлы исәпләнгән "Татарстан яшьләре" газетасы да нибары утыз өч мең данәдә генә чыга. Ә бит аның 280 мең данәдә чыккан көннәре бар иде. Заманында ярты миллион данәдә дөнья күргән "Сөембикә" бүген 10 мең генә тарала. Кайчандыр 250 меңгә барып җиткән "Казан утлары" бүген 5 мең абүнәчегә ия. Аларның да яртысы  – китапханәләр. Бу тиражлар да бит "бүген өзеләм, иртәгә өзеләм" дип торган җептә бәргәләнәләр.

 

Менә шушылардан чыгып, хөрмәтле Минтимер Шәрипович, мин татар матбугатын коткару – милләтне коткаруга тиң  глобаль мәсьәлә  дип уйлыйм. Бу – күләгәгә куып кертелгән милләтеңне дөньяның кояшлы ягына алып чыгу белән бер. Бу – турыдан-туры, бернинди арадашчылар ярдәменнән башка, туган милләтеңнең йөрәгенә юл яру дигән сүз. Минем фикеремчә, татар матбугатын коткару Русия Федерациясенең  халыкара абруен, аның демократик өскормасын, рухи-әхлакый кыйммәтләрен яклап, барлык прогрессив кешелек хакына саклап калуга тиң. Моның шулай икәнлеген Русия Федерациясе Президенты да яхшы аңлый. Бу хакта ул минем аңа 309-нчы Закон буенча милли телләрдә укытуны тыюга кагылышлы хатыма биргән җавабында да ачыктан-ачык әйтә (2009 елның августында килгән бу хат минем шәхси архивымда саклана).Хәзер милли матбугатны коткару юлында мин тәкъдим иткән чараларга килик.Бәс, Русия Федерациясе татардан салымнар түләтеп, аның балаларын хәрби хезмәткә чакырып, шул ук вакытта татар милли матбугатына, мәдәниятенә, мәгарифенә акча бүлүдән баш тарткан икән һәм хәлсез милләтнең хәлсез матбугаты бүген-иртәгә бетәм дип тора икән, без, милләтнең әлегә анык акыллы балалары, табигый, бу өзеклектән чыгу өчен ниндидер чаралар эзләргә тиеш булабыз түгелме? Татарстанда эшләп яткан,  Татарстан җирләрен бозган, Татарстан суларын эчкән, Татарстан һавасын сулаган, Татарстан нефтен һәм газын яккан, бензинын яндырган "Оргсинтез", "Полимер", авиация һ.;б. дистәләгән бай вә урта бай заводларыбыз, оешмаларыбыз, КАПО, "Татэнерго", "Таттрансгаз", Түбән Кама "Нефтехим", "Татнефть", "КамАЗ" һәм башка без белмәгән берләшмәләребез чыгымнары алар  табышының 0,0000001 процентын алмаячак "Казан утлары", "Идел", "Сөембикә" , " Ялкын", "Татарстан" журналларын, "Ватаным Татарстан", "Татарстан яшьләре", "Шәһри Казан", "Сабантуй", "Мәдәни җомга" гәзитләрен үзләренә бүлешеп ала, хосусыйлаштыра, әгәр кирәк икән, акционерлаштырып, бернинди көчәнүсез милләт кадәр милләткә үз бурычларын кайтарып, аның милли матбугатын саклап кала алырлар иде. И, Ходаем, безнең гәзит-журналларыбыз да, күз өстендәге каш кебек, санаулы гына бит инде! Бу Җиңүнең 65 еллыгында фашизмны җиңүдә искиткеч зур өлеш керткән халыклар исемлегендә торган татар халкының матур батырлыгын тиешенчә бәяләү буларак та яңгыраган булыр иде...

 

Моның өчен чынлап та көчәнергә кирәкми. Бары тик теләк, ихтыяр гына кирәк. Предприятие җитәкчеләре дә бу ихтыяҗны аңлаячаклар, әгәр Президент Шәймиев кебек абруйлы шәхес әйтсә !    Аннан, предприятиеләрдән тыш, Татарстанда ничә миллиардер-олигарх бар! Йөзәр мең гектар җирләр сатып алган чергән байларыбызның татар алдында бурычлары юк микәнни? Алар белән сөйләшә генә белергә кирәк. Бу уңайдан бездә бик яхшы тәҗрибә дә тупланды. "Татнефть"нең күптән түгел ун еллыгын үткәргән "Рухият" нәшрияты үзенең шундый ук 0,000001 процент табышыннан татарга 20 гә якын сирәктән-сирәк хезмәтләр бүләк итмәде мени?

 

 Кайвакыт мин Сездән балаларча ак көнчелек белән көнләшеп тә куям. Читтән торып акыллы булу җиңел бит ул: их, мин әйтәм,  Шәймиев урынында булсам!.. Зөя кальгәсе һәм Бөек Болгарны торгызу буенча ачылачак фондларымда татар (әйдә, урыс та булсын!) матбугаты, татар мәдәнияте, татар мәгарифе буенча өч департамент булдырып, гәзит-журналлар тотар, мәдрәсәләр ачар идем. Милләтнең ярлыдан-ярлы язучыларына элеккеге патша заманындагы шикелле, язучының абруена, әсәрнең сыйфатына карап, алтын бәрабәрендәге гонорарлар түләр идем,  тарихыбыздагы икенче Бөек Татар Ренессансын булдырыр идем.

 

Булмас димик, шулай бит, Минтимер Шәрипович? Без булдырабыз! Бу бит инде Америка Кушма Штатлары президенты Барак Обамаларга кадәр билгеле. Татар җирнең кояшлы ягында яшәргә тиеш. Аның моңа тулы хакы һәм хокукы бар. Җитте безгә күләгәдә өшеп саргаерга!

 

 Сезгә озын гомер, алдагы хезмәтегездә уңышлар телим. Чынлап та, җырны аз гына үзгәртеп әйтсәк:

 

Кайда гына булсаң да, сыздырып йөр,  Сокланмаган татар калмасын! Татарның бәхетле язмышы аша безгә барлык дөнья соклансын иде! Татарстанның Президенты вазыйфасыннан китүегез уңаеннан язылган "Озату хаты"мны шушы урында тәмамларга рөхсәт итегез.

Айдар ХӘЛИМ
Татарстан яшьләре
№ 23 | 20.02.2010
Татарстан яшьләре печать

Фикерләр

№32 (38250) / 04.03.2010 12:05:18

Соры корт.
Һәрбер яңалык,искене искә төшерү.

Молодис,иллә дә яхшы булыр иде бу,уртак алфавит дигәннәре.
Уртак байлыгыбызны, татар-башкыртка бүлмичә,татау яшәр идек.

Бер ата-ана баласын,ике приемный гаиләгә биреп тәрбияләгәндәй,татар башкыртны көчләп аердылар.
Меә \"үсеп\" җиттеләр,ике брат арасында туганлык хисләре инде калмаган.\"Тәрбия\" шундай булган...

№31 (37641) / 28.02.2010 19:31:08

Айдар әфәнде татар һәм башкорт турында сүз башларга җай чыгарып яхшы эшләде,башка бер фикер килде:
Айдар әфәнде,Миңтимер агайдан татар һәм башкорт өчен уртак алфабит төзүче комиссияне сорыйсыгыз калган, татарча алфабиттан соң,башкортча уку кыенрак. Муса Акъегет чорында барлык төркиләр дә бер төрле грамматика куллангач аралашуы җиңел булган.(Муса Акъегетне татарлар да,башкортлар да,казахлар да үзләренеке дип саный)

№30 (37621) / 28.02.2010 17:15:07

Матбугатка акча бүлеп бирү аның контрольдә торуына китерә. Болайда инде артык бернидә әйтеп булмый, сәпсим авызны яптылар.

№29 (37557) / 27.02.2010 22:11:42

соры корт, 

№28 (37553) / 27.02.2010 21:57:32

Соры корт малаҗис!
Шуулаай кирәәк.
Тезгенне каты һәм кыска тот!
Айдар Хәлим оста язучы һәм гел юморсыз да түгел, хәтта мөселманга да ошап тора.
Нууу, әмма дә ләкин татар- башкорт мәсьәләсендә, һичшиксез, син хаклырак, билгеле инде әгәр дә миин ялгышмасаам.

№27 (37493) / 27.02.2010 13:38:23

Айдар әфәнде, \"Хатыгызны\" 3 тапкыр укып чыктым.Бик кирәкле, дөрес сүзләр, ләкин, \"сабаныгыз\" башка буразнадан сөрә бугай.(\"Өч аяклы ат\" иң яраткан әсәр булса да,Айдар әфәндегә карашым каршылыклы). Татар матбугатына акча бүлеп бирү аны берничек тә коткара алмый әлбәттә, сез әйткән %лар мәгърифәткә бирелсә (шайтан алгыры тегесе дә монсы да булмый бит инде),татар теле укытылуга тотылса, ЕГ балык Татарстан укучыларына татар телендә булса,барлык юридик затларның беренчел түәләренә ике дәүләт телен белү мәҗбүри булса, татар матбуатын богаулап та туктата алмас идең.
Айдар әфәнде, татар-башкортны аермасагыз иде, шул аеруларыгыз белән ике халыкка да Мәскәү түрәләренә караганда да күберәк зыян саласыз бит! Башкорт яки татар дип атасалар да без шушы ук ТӨРКИ халык. Менә себер татарлары татар дип аталсалар да,башкорт һәм татар теленнән ныгырак аерыла ды гуй.(Равил Айсаевичның докторлык диссертацисен кара)
Ә шулай да сез бик мөһим мәсәләне күтәргәнсез,РӘХМӘТ.http://matbugat.ru/smiles/sm10.gif

№26 (37427) / 26.02.2010 19:01:32

Шөпшә.

№25 (37420) / 26.02.2010 17:34:10

Адресатны үткән заман дип уйламыйм әле.Кайчакларда кешенең хезмәт урыныннан алда(должностьтан) исеме йөри. Исем алда йөрсен өчен кешегә бик күп көч куярга туры килә.
М.Шәймиев үзен күпкырлы эшчәнлеге белән таныта алды.Ул Татарстанда гына түгел, Рәсәйдә дә ,исемле кеше. Шуңа да, Айдар Хәлим белән мин дә М.Шәймиевнең илгә бик күп файдалы эш китерү мөмкинлегенә ышанам, шулай булуын бик телим.
Мәскәүдән һәм «үзебезнекеләрдән» булган зур басым астында эшне алып бара белү - кирәк бит әле ул!
Ә кулдан күп нәрсә килер иде ул. Шул исәптән татар матбугатын торгызу эше дә. Нинди фикер каралса да, эш акчага төртелә, хәтта басмаларны тарату мәсьәләсе дә. Татар матбугатын бәйсез итү кирәк, сүз иреге, тиешле гонорарлар…мөмкин эш бит бу!

№24 (37381) / 26.02.2010 13:01:22

А.Хәлим бөек шәһес,чын татар КЕШЕСЕ.
Ботенлэй килешэм!
Афэрин, Айдар абый!
Ташкент резиденциягызны саклаучы
Шариф

№23 (37322) / 25.02.2010 21:49:52

Шөпшә, Айдар Хәлимгә шәхес буларак, хәттә ки бу мәкаләсе бер ягы белән дә ошамаса да (эчтәлек дисеңме,интонация дисеңме, адресат-үткән заман), килешмәсәм дә, бернинди претензиям юк дияр идем дә, хәттә ки моңа хакым да юк.Аның да,минем дә үз фикерләребезне әйтергә хакы бар.

№22 (37314) / 25.02.2010 21:12:29

!!! дөрес әйтәсең.Шәймиев чоры ул үткән заман- матбугатнең түбәнгә тәгәрәү вакыты.Айдар ага сезнең теләкне бик аңлап җиткермәдем. Татар матбугатының хаман бер генә НӘСЕЛне мактап язуып торуын телисезме?

№21 (37276) / 25.02.2010 19:55:17

Сәхипҗамал, зур рәхмәт!
Айдар әфәндегә хас булган татарлыкның бездә чиреге
генә булса да, ни яхшы буласы иде! Үз арабызда тамыр
җибәргән начарлыкны тыяр әмәл табар идек, мөгаен.

№20 (37263) / 25.02.2010 19:22:16

Шөпшә тагын кул чабам!!!
Шәймиевнең,хуҗа вакытта,куллары \"богауланган\" иде.Бераздан ул безнең кеби кеше,куллары чишелгән,үз колган гамәленә үзе хуҗа.Обязанностей нет, одни права. Ул ирекле кеше хәзер.
Ашыкмагыз,раньше паровоза йөгермәгез!

Элек бил бөкәннәрнең чын йөзләрен күрә башлаячак.Любимчиклар качачк,кыерсытылганнар дус булырлар,как всегда.

\"АКЕЛА\" китте.Ярый ла МАУГЛИ булса....

А.Хәлим бөек шәһес,чын татар КЕШЕСЕ.Аныйлар хәзерге вакытта юк татарда.Өметсез шайтан!
Дөрес эшләгәнсең язып,Айдар әфәнде,туп каршы якка очты,җавап нинди булыр? Карарбыз.

№19 (37250) / 25.02.2010 18:52:53

Шәймиев матбугат өчен акча бирсә,татжурлар берсеннән-берсе, узыша-узыша тутырырлар иде җыен юк-бар "сары" полосалар белән ак гәҗит битләрен.Газета редакторлары җиз иләктән иләп тормыйча, бездарный журларның "чидибрррр"ларын бастыра барып, әдәм рәтле газеталарның дәрәҗәсен төшерә тора бит.

Айдар ага Хәлимнең күләмле мәкаләсен укыгач, күз алдыма капчык аскан, чабаталы хәерче малайның сыйныф бусагасында торган кыяфәте килеп басты. Шундый бер картина бар бит әле. Исемен оныттым.

№18 (37247) / 25.02.2010 18:35:04

Әйтәсе килә, иң беренче.
Айдар Хәлим, татарның бөек улларының берсе булып тарихка кереп калачак.
Монда аның язганнарын аңлау өчен йөз мәртәбә укып чыгарга, анализларга кирәк.Алай да, аңлап бетердем, дип әйтергә ашыкмагыз.А.Х. тирән - йөзә, биек - оча.
Истә калган ике юлын кабатлыйм (бәлки кемдер тулысынча язар):
Безне талап, алар баемады,
Хәер сорашалар, син күрсәң!
Бу шигырь унбиш-егерме еллар чамасы элек язылса да, мәңгелек!

№17 (37242) / 25.02.2010 17:56:53

"әгәр Президент Шәймиев кебек абруйлы шәхес әйтсә !"
Татар халкының үсешенә ярдәм итү түгел, юкка чыгаручыларына да ул ни эшлисез сез дип әйтмәде...
Элек әйтмәгәнне хәзер нәрсә әйтсен инде ул? Айдар абый сезгә хөрмәтем зур булмаса әйтер идем инде...
Утырасыз инде шунда, авторитетыгызны төшереп.
Онытыгыз, Шәймиев ул инде үткән заман...

№16 (37211) / 25.02.2010 16:03:27

Иркә, рәхим итегез...
«Айдар Хәлим китапларын күбрәк язса, укучылары булыр иде, ул да талантлы кеше.Хөкүмәт акчасы сыйфатнф яхшыртмый!!!!!!!! безгә яхшы сыйфатлы файдалы татар матбугаты кирәк»
Аңлавы авыр.Ярый, гафу үтенгәнсез, бу сезгә дәрәҗә өсти.
Ә бит, сыйфатлы итеп язар өчен күп белергә кирәк, күп белер өчен күп укырга, күп йөрергә, күрергә, күзәтергә, бәя бирергә…Сыйфатлы язма тиз тумый. Йөрәгендә кайнатып, рухи газаплар кичерә-кичерә язучы фикерләрен ак кәгазь битләренә тезә, шулай - күпләрнең үзәгенә үткән вакыйгалар яктыртыла.
Билгеле, андый язмаларга һәрчак ихтыяҗ бар! Димәк, күпне күрүче язучыларга да! Аларны заманның намусы дип тә атыйлар. Айдар Хәлим – шундыйлардан!
Тик, әлеге вакытта матбугатта гонорарлар ташкүлчим! Кәгазь хакын да кайтармый! Шулай булгач, язу эше кем «дешевый популизмга» мохтаҗ-шулар кулына күчә бара! Ә фикерле каләм әһелләре ипине башка өлкәдән эзләргә мәҗбүр. Татарда әлегә акчасын милли мәнфәгатькә тотарга ашкынып торучылар юк яисә андыйлар хакында ишеткәнем юк. Аз-маз бар инде ул, үз акчаларына авылларына кайтып сабан туйлары үткәрүче, зират өсләрен тотучы, мәчетләр төзетүчеләр, бар. Тик, алар әдәбияттан ераграк әлегә.

№15 (37207) / 25.02.2010 15:48:41

Шөпшә.

№14 (37206) / 25.02.2010 15:45:25

Айдар Хәлим әйтүенчә, безнең милләтнең төп фаҗигасы- АТ белән ИР аерылуда. (Ир-ат сүзе безнең телдә генә бар) Ярый, АТ ка мәхәббәт күпләребезнең канында, шуңа әлеге чагыштыру йөрәкләргә сары май булып ята икән ,хуп мәйлең.
Бу Айдар абыйның бөек фикерләренең берсе генә әлбәттә.
Хатындагы тәкъдим дә (матбугатка ниндидер, күпмедер акча бирү) проблеманы хәл итү юлы түгел.
Ә шулай да, аның кебек кешеләр бүген милләткә бик кирәк.

№13 (37204) / 25.02.2010 15:22:43

Айдар абыйга әфәрин! Бүтән сүзем юк!

№12 (37197) / 25.02.2010 13:47:43

Шөпшә, нинди мыскыл сүзе бар??????Конкретно????? Мин матбугат өчен акча сорауларын хупламыйм, кем әйтсә дә!!!Исемне бутаганым өчен гафу үтендем, наруш эшләнмәде. "Азатлык"та суд процессын яктыртканда исемнәре гел янәшә, фикерләре уртак иде, шунлыктан киткән. Әгәр кабат гафу үтенүемне теләсәгез, икесеннән дә гафу үтенәм. Икесе дә таланты кешеләр. Ләкин бу очракта мин Айдар Хәлим белән килешимим.Ну берничек тә!!!!Татар матбугатын юкка чыгарасыгыз килсә, буш акчалар бирегез....

№11 (37196) / 25.02.2010 13:41:10

и вообще конкрет "татар жур-сын, әдәбиятын алга җибәрергә..." белән шөгыльләнәбез төп эштән буш вакытта.Бушка ))))әмма буш эшнең кимчелекләре була инде. безгә хәреф-хаталарын, җөмлә чатаклыкларын гафу итсәгез шул җитә. Аларны төзәтеп утырсаң, төнлә йокламаска кирәк.Монысы физически мөмкин түгел)))ТНвда тучны үзгәрешләр сизәм. тик сетка - кичке программа ужас.... нәкъ шул утырып ял итеп ала торган вакытта әллә нинди урысча чит ил киналарын куялар ((((((

№10 (37195) / 25.02.2010 13:40:56

Иркә…
Сезнең кебек укыган кешедән татарның бер асыл шагыйре,
язучысы һәм җәмәгать эшлеклесе хакында мыскыллы сүзләр көтмәгән идем. Сез укыдыгызмы , язучы үзе турында «матбугат органнарында илле биш ел эшләгән, төрле жанрларда язылган иллегә
якын китап чыгарып, хәлдән килгәнчә туган әдәбиятны баетырга тырышкан ветеран-язучы» ди. Бу бит халыкка титаник хезмәт күрсәтү турында сөйли! Укыдыгызмы А.Хәлимнең соңгы елларда язылган «Хунбейвин» романын булса да? Тетрәндермәдеме сезне анда тасвирланган вакыйгалар?
Олуг язучыга карата гаделсез сүзләрне ничек тезеп була?
Әллә сезгә кеше хәтере чүп тә түгелме?
А.Хәлимгә әфарин! Милләт язмышына кагылган барча үпкә-рәнҗүләрен йотып,үзара аңлашуга өметләнеп
М.Шәймиевкә хат язган!

№9 (37194) / 25.02.2010 13:26:44

И вообще!, бушлай язып, дип тә өстәп куй!

№8 (37192) / 25.02.2010 13:17:43

И вообще!
Монда хәлләр,пирани балыклары яшәүе кеби,сөяккә калдырмаенча туктамыйлар.Сагырак бул,а то вааще юкка чыгарачаклар! ИЛ түзә әле,молодис!

№7 (37189) / 25.02.2010 12:48:31

Утырасыз , гафу тенәм, бук иләп. Бер язма чыкты икән, тотынасыз мыскалларга. Бик оста язучылар булгач, нишләп талантыгызны юкка эрәм-шәрәм итәсез. Алыгыз кулна каләм, и алга -- татар жур-сын, әдәбиятын алга җибәрергә...

№6 (37187) / 25.02.2010 12:38:57

Булдырасың Иркә. Матбугат ру спецкорын гафу итәрбез инде бу юлга.Башка вакытларда шундай ялгышлыклар җибәрсәң,встанет вопрос о соответствии....

Фәнзаманга да андый атака ярамас.

№5 (37181) / 25.02.2010 12:18:47

Ой, үләм икән, Айдар Хәлим, чынлап(((гафу үтенәм. Барыбер калганнары шул килеш кала. Айдар Хәлим китапларын күбрәк язса, укучылары булыр иде, ул да талантлы кеше.Хөкүмәт акчасы сыйфатнф яхшыртмый!!!!!!!! безгә яхшы сыйфатлы файдалы татар матбугаты кирәк. сыйфат спрос-предложение юлы белән генә яхшыра.халявный әйбернең сыйфатлы булганын күргән юк әле......

№4 (37179) / 25.02.2010 12:11:41

Иркә,причем монда Фәнзаман? 
син ваче буталасың, кысылмаган җирең юк, хет аңлап яз инде нәрсә язганыңны!

№3 (37177) / 25.02.2010 12:05:31

тагын әллә ниләр кайда хәзер? дип сорап тәмамланырга тиеш иде.

№2 (37176) / 25.02.2010 12:03:55

Әй Фәнзаман,Фәнзаман әфәнде! Мин сезгә хас юмор белән үткен әйбер язгансыз дип торам. Акча сорыйсыз икән тагын.... Налог түләүчедән дә сорагызчы.... Телиме алар татар матбугатына акча бирергә?????
Болай сезнең талант белән шәхси гәҗит ачып җибәрсәгез, акыллырак кешеләр хатын -гына да бастырсагыз яши алырлык акча эшләр идегез.Тукай да, Исхакый да, Мәһдиев тә хөкүмәт акчасына яшәгән кешеләр түгел. Хөкүмәт акчасына яшәгәннәрнең кая "Намус" романы, "Язгы җилләр" тагын әллә ниләр.....

№1 (37170) / 25.02.2010 11:37:47

Ай да Айдар! Ай да Хәлим абый!!!

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом