500дән артык җыр язган Фирзәр Мортазин: "Заказга эшли белмим, сатам дип йөрмим"

— Дөресен әйткәндә, санаганым юк. Исәп өчен эшләмим, — ди Фирзәр абый. — Шигырь күңелемә ята икән, җыр үзеннән-үзе туа. Текст авторлары интернеттан иҗат эшләрен җибәрә. Укыгач, ошаганнарына, кемнеке булуына карамастан, көй язам. Заказга эшли белмим, сатам, дип иҗат итмим. “Җыр алыгыз”, — дип йөрмим. Килеп тыңлыйлар, ошатсалар, алалар. Үзеңне мәҗбүр итеп язу эш түгел ул.

 

 

— 60 яшьлек юбилейны әллә зур, шатлыклы вакыйга, дип беләсезме (көлә)?! 

 

 

— Юк ла. Әле үземне 20 яшьлек егет кебек хис итәм (көлә). Ул яктан зарланмыйм... 

 

 

 

— Мин — “Татарстанның атказанган артисты”. Бернәрсәне дә сорап йөрмим. Бирсәләр дә, бирмәсәләр дә, хөкүмәт үзе белер. Ул хакта уйлаганым юк. Тормышым яхшы. Эшем, гаиләм белән бәхетлемен... 

 

 

 

— Быел — юбилейлар елы. Үземә — 60 яшь, гаилә корганга августта 40 ел була. 20 яшьтә өйләндем. Наиләне йөргән егетеннән аерып алдым бит. Димәк, өстән шулай кушылган. Туй да ясамадык. Хикмәт андамыни?! Атна буе туй үткәреп тә, бер ел да яши алмаганнарны беләм. Бик матур гомер итәбез. Наиләм — алтын. Кәефе, сәламәтлеге шәп! Дусларым килсә дә, йөзе ачык, һәрчак кайнар ризыгы әзер. Искиткеч уңган. Үз авылыбыз кызы ул. Туган йорты — бәрәңге бакчасы башында гына. Артта инеш ага. Инеш буеннан гына барабыз. 

 

 

— 40 еллыкта кеше җыймыйбыз. 50 ел булса, бу хакта уйларга мөмкин. Быел августта, планнар барып чыкса, Наилә белән икәү Төркиядә ял итеп кайтырбыз, дим. 

 

 

 

— Без бер елгы. Ләкин ул ике сыйныф түбән укыды. Мине мәктәпкә — 6, аны 8 яшьтән биргәннәр. Әмма бер җирдә белем алсак та, ул мине күрмәгән, бар дип тә белмәгән. Армиядән кайткач, клубта эшли башлагач кына якыннан таныштык...