|
|
Бүген кемнәр туган
|
|
Архив
|
26.01.2018 Мәдәният
Баянчы Динар Бәдретдинов 400 меңлек баянда бияләй киеп уйный аламы?Гармунчы Динар Бәдретдинов “Сәйдәш” мәдәният үзәгендә эшли. Кулына гармунны нәни чагында ала. 6 яшендә музыка мәктәбенә йөреп, уйнарга өйрәнә башлый. Моннан тыш, Динар футбол ярата. — Башка юлдан китәргә уйласам, футболчы булыр идем, — ди гармунчы егет. — Спорт, бигрәк тә футбол өчен үлеп китәм. Атна саен футболга йөрибез. Әмма спорт дөньясына керү насыйп булмады, музыка юлыннан киттем.
— Динар, Русиядән читтә тугансың икән...
— Әйе, Чехиядә дөньяга килгәнмен. Әтием шунда Оломоуц шәһәрендә хезмәт иткән...
— Гаиләдә ничә бала үстегез?
— Үзем генә! Үскәндә, бәлки, бераз күңелсез булгандыр. Аның каравы шөгыльләнергә мөмкинлек, вакыт күбрәк иде...
— Баянда уйнау сәләте кемнән күчкән?
— Баянчылар әни ягында күбрәк. Ул үзе дә бераз уйный белә. Дәү әти тальянда оста башкара иде, күп конкурста катнашып, “Уйнагыз, гармуннар!”да җиңгән...
— Кайберәүләр, бияләй киеп тә уйнап була, ди. Син башкара аласыңмы?
— Моның авырлыгы юк. Төймәләргә бияләй аркылы да җайлы басып була. Уйнап караганым бар, әмма сәхнәдә түгел. Әллә берәр номер эшләргә инде?!
— Өеңдә ничә гармун һәм баян бар?
— Бер тальян, “Юпитерист” дигән кыйбатлы профессиональ гармуным бар. Төймәле аккордеоным җиңел. Күбрәк шуның белән чыгыш ясыйм. Аны үзең белән алырга, сәхнәдә күтәреп торырга җайлы.
— Бәяләре ничек?
— Гармуннар бик кыйбат, машина бәясе тора. Гомер буе шулай булды. Миндә иң кыйммәтлесе — 400 мең сум тирәсе. Еллар үтсә дә, баян бәясе төшми...
Лилия ЙОСЫПОВА |
Иң күп укылган
|