|
|
Бүген кемнәр туган
|
|
Архив
|
14.02.2010 Җәмгыять
400 МИЛЛИОН ТҮГЕЛ 4 МЕҢ ДӘ ҖИТӘР ИДЕБүгенге көнгә чаклы Татарстан президенты Шәймиевнең абруе, аның башына нәрсә киюенә бәйле, башкаларның да шуны мода итеп алуларына чаклы үлчәнде. Президент янә яңа башлангыч белән чыкты – Болгар шәһәре туристларны җәлеп итәрлек дәрәҗәдә торгызылачак. Моның кирәклегенә Татарстан халкы арасында шикләнүчеләр аздыр. Әмма Татарстанның, татар халкының абруен күтәрәчәк әлеге матур үрнәк башкалар, бигрәк тә район хакимияте җитәкчеләре тарафыннан күтәреп алынырмы? Президентка теләктәшлек күрсәтеп, үз халкына ярдәм итүчеләр табылырмы? Халкыбыз тарихына бәйле Татарстан җирлегендә Болгардан тыш та 200гә якын борынгы шәһәр бар. Аларның сакланыш хәле Болгарныкыннан күпкә авыррак. Күбесен саклап калу түгел, урынында табу да мөмкин түгел инде... Әмма алар арасында тарихы Болгар шәһәре югарылыгында булучылары да юк түгел. Шундыйлар рәтенә Биләр, Суар, Җүкәтау, Борынгы Чаллы, Арча, Эчке Казан һәм башка дистәләрчә шәһәрләрне кертеп була. Әмма аларның борынгы шәһәрләр икәнен белдерүче игълан такталары да юк. Ә моның өчен 400 миллион түгел, 4 мең дә җитәр иде...
Әйтергә теләгән фикерем шул – Татарстан президентының үрнәген башка җитәкчеләр дә өлге итеп алсын иде. Аларның да китәсе бар... Соңрак аклануы да авыр булачак, мөмкинчелекләр күпкә кимиячәк бит.
Кемнең кем икәнлеге дә шунда күренер иде.
Арча Биләр
Болгар
Риваятьләргә әверелгән Балымәр шәһәрлеге
Борынгы Чаллы шәһәренең торгызыла башлап, ташланган кирмән капкасы
Нурулла ГАРИФ |
Иң күп укылган
|