• 25.04 Мунча ташы - "Чамаламадык". Казан. Ленин ис. мәдәният сарае. 18:30
  • 17.05 Элвин Грей концерты. Казан. Спорт сарае. 19:00
Туган көннәр
  • 22 Апрель Гөлнара Сабирова
  • 22 Апрель Әлфис Кыямов (1960-2004)
  • 22 Апрель Илнар Сәйфиев
  • 22 Апрель Илсур Сафиуллин
  • 22 Апрель Гөлназ Гыйниятова
  • 22 Апрель Руслан Айсин
  • 22 Апрель Марат Әмирханов
  • 23 Апрель Руслан Сафин
  • 23 Апрель Рәис Гыймадиев
  • 23 Апрель Гадел Галләмов (1919-1978)
  • Апас районында йорт сатам. 89061108949
  • Сдаётся 1комнатная квартира на длительный срок на улице Адоратского, г.Казань. 10 тыс+ку 89625483773
  • Татар телендә оригиналь фәнни эшләр, диплом, курс эшләре. 8-917-885-45-12
  • Казанда бакча участогы сатыла. Җәйге өе, мунчасы, базы бар. Участок сетка бн әйләндереп алынган. Калганы телефон аша. 89503242217
  • Яр Чаллыда бер булмәле фатир сатыла 89600749356
  • Казанда яңа бик матур сандык сатыла. т.89872219128
  • Диплом эшләре язам. 89179171857
  • Казанда Бертуган Касыймовлар урамында 18 кв.м. бүлмә сатыла яки арендага биреп торам. Тел. 89003243810
  • Актаныш. Ике булмәле фатир сатыла. тел.8-987-414-88-75
  • Апас районы Каратун снанциясендә бер булмәле фатир сатыла. Бәясе 550 мең. Балалар бакчасы, мәктәп, кибетләр якында гына. Балконы да, су кергән, чыккан. Белешмә өчен телефон 89274264525

 

 

 
Архив
 

               

26.12.2017 Авыл

Үсешкә омтылган авыл

Авыл администрациясе белдерүенчә, Петрякста бүген меңнән артык кеше яши, шуның 70 проценты диярлек авыл хуҗалыгында һәм социаль учреждениеләрдә хезмәт итә. Калганнары балалар һәм пенсионерлар. Соңгы елларда Петрякста авыллар киләчәгенә уңай йогынты ясаган иң мөһим шартлар – җирле күмәк хуҗалык үсеше һәм яшьләрнең туган җирләрендә төпләнеп калуы ачык күренә башлады.

Бу  турыда  җирле  администрациянең  төзекләндерү  һәм  торак  коммуналь хуҗалык  бүлеге  җитәкчесе  Ансар  Садретдинов  белән  очрашып cөйләштек.
 
-  Бүгенгә  авыл  яши,  Алла  кушса яшәр  дә.  Халыкның  төп  шөгыле, әлбәттә,  авыл  хуҗалыгы.  “Петряксинский”  СПКсында  йөздән  артык кеше  хезмәт  итә  һәм  бу  авылда иң  зур  эш  бирүче  предприятие. Эшчеләргә  лаеклы  хезмәт  хакы түләнә,  терлекләрен  ашатырга иген,  печән  бирелә.  Моннан  тыш, җирле  СПК  авыл  казнасы  өчен  иң зур салым чыганагы да булып тора. Безнең  администрациягә  кергән Петрякс  һәм  Калиновка  җирләрен эшкәртүче  фермерлардан  Хайсәр Закиров,  сафаҗайлы  Хасыл  Камалетдинов  һәм  Калиновка  егете Олег  Лукьяновны  билгеләп  үтәр идем.  Алар  җирле  бюджетка  салым түләүдән гайре, төрле чаралар оештыруда да ярдәм итәләр. Авылга  җирле  эшмәкәрләр  дә  актив  булыша.  Ә  “Петряксинский”  СПКсы, совет  чоры  колхозлары  кебек  үк, авылның барлык диярлек ихтыяҗын кайгыртып  эшчәнлек  алып  бара,  - ди Ансар әфәнде.
 
Петрякста  СПК  хезмәткәрләренә “Яшь  белгечләргә  торак”  програм-масы  кысаларында  йортлар  төзү актив бара. -  Җирле  хуҗалык  төзү  процессын тулаем  үз  өстенә  алса,  без,  авыл администрациясе,  барлык  документацияне  әзерлибез,  җир  бүлеп бирәбез.  Аллага  шөкер,  безнең авылда  төпләнеп  калучы  яшь белгечләр  елдан-ел  арта  бара. 
 
Берничә  егетебез  хәрби  бурычларын  үтәп  кайтты,  өйләнделәр  һәм авылда  төпләнделәр.  Шәһәрдән кайтучылар  да  бар.  Димәк, авылның  киләчәге  өметле,  -  ди әңгәмәдәшем. 
 
Петрякста  сөт  һәм  ит  җитештерү белән  шөгыльләнүчеләр  саны шактый  күп.  Һәр  йортта  диярлек кош-корт һәм мөгезле эре туар асрыйлар. Атлар үрчетүчеләр дә бар. Биредә  терлекчелек  халыкның  төп табыш чыганагы булып тора.
 
-  Безнең  авылда  яңа  гына эшен  башлаган  фермерлар  да, эшчәнлекләрен  киңәйткән  шәхси хуҗалыклар  да  бар.  Мәсәлән,  Рафаэль  Багаутдинов  30  гектардан артык  җирдә  иген,  печән  үстерә, уңышны  туарларына  ашата.  Бүген ул  15  баш  сыер  һәм  дистәдән артык  үгез  асрый.  Иң  мөһиме  – безнең  төбәктә  җитештерелгән сөтне  дә,  итне  дә  реализацияләү мөмкинлекләре  тудырылган.  Ике сөт  җыю  пункты  эшли,  итне  дә өйдән үк килеп алалар. Бу эш белән җирле  эшмәкәрләр  шөгыльләнә. 
 
Зур  шәхси  хуҗалыклардан  Рушан Сәбитов һәм Рушан Гильмановның эшчәнлеген  билгеләп  үтәр  идем. Сәбитовлар  20  баш  сыер  һәм үгезләр  асраса,  яшь  терлекче  Рушан  Гильманов  ат  үрчетеп  көн күрә.  Бүгенгә  аның  хуҗалыгында дистәдән  артык  ат  бар,  ә  ул җитештергән  сыйфатлы  казы  тирә-якта  “дан  тота”,  -  ди  авыл  админи-страциясе белгече. 
 
Ике ел элек Петрякста авыл көтүе йөри булган. Аның юкка чыгуы терлек  саны  кимүдә  түгел,  киресенчә, туарларның  артуында  икән.  Элек һәр  йорттан  көтүдә  ике-өч  туар йөрсә,  бүген  алар  саны  дистәгә җитә, хәтта арта да икән. Нәтиҗәдә, халыкка  туарларын  үзләренә көтәргә  табышлырак  булып  чыга. Шатлыкка,  Петрякс  тирәсендә  болын киң. Бу, минемчә, авыл үсешен дәлилләүче тагы да бер факт.
 
- Әйе, бүгенгә авылыбыз чәчәк ата дияргә була. Юллар, суүткәргечләр әйбәт  хәлдә.  Авылның  нинди  генә почмагына барсагыз да, анда сезне каты катламлы юл итә. Асфальт яки вак  таш  һәр  урамда,  һәр  тыкрык-та  бар  диярлек.  Авылда  участок хастаханәсе, урта мәктәп, балалар бакчасы, китапханә, кибетләр – ба-рысы  да  бар.  Социаль  объектлардан тыш, ветеринария үзәге, газ һәм электр  подстанцияләре  эшли.  Болар барысы да халыкны эш белән тәэмин  итә.  Гомумән  алганда,  со-вет  чорында  булган  объектлардан балалар  китапханәсе  генә  ябылды.  Ул  да  юкка  чыкмады,  ә  авыл китапханәсе белән берләштерелде. 
 
Без  социаль  объектларны  саклап кала  алдык  һәм  хәтта  яңаларын да  булдырабыз  -  заманча җиһазландырылган  хоккей  корды төзеттек, мәдәният йортында менә дигән фитнес үзәге халыкка физик сәламәтлек  өсти,  мәктәп  янында балалар  мәйданчыгы,  фонтан  һәм ял  итү  өчен  башка  уңайлыклар  ту-дырылган  сквер  булдырдык,  -  ди Ансар Хайдәр улы.
 
Авылларның  киләчәгенә  шикләнгән скептиклар бу мәкаләгә каршы күп  мисаллар  китерә  алыр.  Әйе, кечкенә  татар  авыллары  дачалар поселогына  әверелә  бара,  хәтта милли  район  үзәге  булган  Уразавылда  да  кайбер  учреждениеләр ябыла.  Ә  Петрякс  -  авылларны саклап  калу  гына  түгел,  аларны үсеш юлына бастыру үрнәге булып тора.  Ансар  Хайдәр  улы  уңышлы эшчәнлекнең кайбер нечкәлекләре белән  бүлеште.  Әлбәттә,  бу киңәшләр  авыл  башлыклары  кола-гына. 
 
-  Иң  беренчедән,  авылда  берьюлы  терлекчелек  белән  дә,  иген-челек  белән  дә  шөгыльләнүче күмәк  хуҗалык  булуы  мөһим. Икенчедән,  барлык  җирле  оеш-малар  җитәкчеләренең  бер  сүздә булып, туган җир, халык игелегенә җиң сызганып эшләве кирәк. Соңгы елларда  безнең  авылда  нәкъ  шун-дый  шартлар  тудырылды,  нәтиҗә буларак, Петрякс чәчәк ата.
 
ФОРСАТТАН ФАЙДАЛАНЫП, авылдашларымны һәм барча якташ-ларымны киләчәк Яңа ел бәйрәме белән котлыйм! Яңа елда да шулай бергәләшеп туган авылларыбызның, районнарыбызның үсешен кайгыртып эшләрбез, яңа үрләр яуларбыз, дип ышанам.
 
Киләсе  елның  да  һәр  көне  безне  алга  илтеп,  бәхет-шатлык кына  китерсен.  Ил-көннәребез  тыныч,  гаиләләребез  имин,  саулыгыбыз нык булсын, - ди әңгәмәдәшем. 
 

Ринат СӨННӘТОВ
Туган як
№ --- | 26.12.2017
Туган як печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments