|
|
Бүген кемнәр туган
|
|
Архив
|
06.12.2017 Мәдәният
Татар дәүләт филармониясенең 80 еллыгына багышланган чираттагы күчтәнәч (ФОТО)Филармония музеенда сакланучы бәһасез гармуннар бар. Татар көен дөньяның төрле кыйтгаларында яңгыраткан, мәшһүр музыкантларыбызның кул һәм йөрәк җылысын сеңдергән татар гармуннары ул. 1.Татар музыканты, аккордеончы Мостафа Сәләхетдинов гармуннары. Музыкант Татар филармониясендә 1968 – 1973 елларда эшләгән. Гармуннарын ул заманында музыкант Люция Камаловага бүләк иткән булган. 2017 елның июлендә Люция ханым аларны филармония музеена тапшырды.
2. Татарстанның халык артисты, композитор Ганс Сәйфуллин гармуны. Гармунны музыкант филармония музеена 2016 елның февралендә алып килде, анда «Каз канаты» көен уйнады һәм музейга бүләк итеп китте. Вафатына берничә атна кала (Ганс Сәйфуллин 2017 елның 10 маенда вафат булды) кабат музейга килде, гармунын кулына алды, ләкин уйнамады...
3. Татарстанның халык артисты Кирам Сатиевның Саратов гармуны. Музейга 2017 елның февралендә атаклы гармунчы үзе тапшырды. Гармун янында хат та бар. Анда: «Аллага тапшырдык. Г.Тукай исемендәге Татар дәүләт филармониясе музеена Саратов (Сарытау) гармунын (төсе кызыл-сары, диапазоны 10х3) истәлеккә бирәм. Бу уен коралы халкыбызга, милләтебезгә шактый хезмәт итте...
Әдәбият-сәнгатьне яратучыларга, җыр-моң сөючеләргә иң изге теләкләр белән, Татарстанның халык артисты, халыкара конкурслар лауреаты, китаплар авторы – Кирам Сатиев.
"Мин дә бит сезнең арада
Канат үстергән бала...
Кайларга гына китсәм дә
Йөрәгем (гармуным) сездә кала...
6 февраль 2017 ел. Казан шәһәре" дип язылган.
4. Кирам Сатиев кулы белән язылган хат.
5. Татарстанның халык артисты Рөстәм Вәлиевнең гармуны. Гармунны музыканттан 50 яшьлек юбилеен уздырганда филармониядә күргәзмә ясау өчен сорап алганнар (2011 ел). Юбилей узгач Рөстәм Вәлиев аны музейга бүләк итеп калдырган.
6. Музыкант, озак еллар Татар филармониясендә эшләгән, күп татар җырчыларына уйнаган, вак гармуннарда аерым номерлар башкарган Люция Камалова аккордеоны. Музейга 2017 елның җәендә тапшырылды.
--- |
Иң күп укылган
|