|
|
Бүген кемнәр туган
|
|
Архив
|
31.10.2017 Мәдәният
Татар филармониясе архивыннан ФОТОЛАРФилармония музеенда кызыклы картиналар саклана. Аларның үз тарихлары бар... Шагыйрь Габдулла Тукай портреты. Авторы – Ш.Закиров. Язучы Рауль Мирхәйдәров тарафыннан 2003 елның 14 мартында бүләк ителгән. Киндер, майлы буяу. 2002 елда ясалган. Россиянең һәм Татарстанның халык артисты, Габдулла Тукай премиясе лауреаты Илһам Шакировның туган көнендә җырчының үзенә бүләк ителгән, соңыннан музейга тапшырылган картина. Авторы – Шамил Госман улы Шәнгәрәев. Киндер, майлы буяу. 2004 елның 15 февралендә тапшырылган.
Татарстанның халык артисты Әлфия Галимовага Мәскәүдә укыган чорында ясап бүләк ителгән портрет. Авторы билгесез. Филармония музеена 2014 елда җырчы үзе тапшырды. 2015 елда Әлфия Галимова вафат булды. Киндер, майлы буяу.
Татарстанның халык артисты Зиннур Нурмөхәммәтов портреты. Авторы – Надир Нагаев. 1999 елда җырчының фотосыннан күчереп ясалган. Филармония музеена 2017 елның 24 августында Зиннур Нурмөхәммәтовның хатыны Татьяна Романова тапшырды. Зиннур Нурмөхәммәтов 2003 елда вафат булды. Киндер, майлы буяу.
«Урман күле» («Лесная река») картинасы. Татар дәүләт филармониясенең 70 - еллыгы уңаеннан 2007 елда бүләк ителгән. Авторы – Н.Тарасов.
Киндер, майлы буяу.
«Кыллар тирбәлеше» («Вибрация струн») картинасы филармониягә Татарстан Республикасы халык уен кораллары оркестрының Көньяк Кореядагы гастроленнән соң рәссам Ли Ёнг Ран тарафыннан бүләк ителде. Традицион кореякәгазе, алтын порошок. 2015 елның 21 ноябрендә тапшырылган.
--- |
Иң күп укылган
|