• 17.01 "Кәҗүл читек" спектакле. Кариев театры. 13.00
  • 24.01 Рафинә Ганиуллина концерты. Казан. Филармония.
  • 27.01 Кариев театрының юбилей кичәсе. 18.00
  • 31.01 Закир Шаһбан иҗат кичәсе. Казан. "Туган авылым" комплексы. 19.00.
  • 18.02-20.02 "Казан" бию ансамбле концерты. Камал театры, 19.00
  • 02.03-04.04 Фирдус Тямаев "Җиде малай идек". Уникс. 17:00
Туган көннәр
  • 16 Гыйнвар Гөлназ Солтанова
  • 16 Гыйнвар Шиһабетдин Мәрҗани (1818-1889)
  • 16 Гыйнвар Мөнир Вафин
  • 17 Гыйнвар Илнур Закиров
  • 17 Гыйнвар Чулпан Шакирова
  • 17 Гыйнвар Ләйсән Төхвәтуллина
  • 17 Гыйнвар Раиф Усманов
  • 17 Гыйнвар Барлас Камалов
  • 17 Гыйнвар Аяз Гыйләҗев (1928-2002)
  • 18 Гыйнвар Риман Гыйлемханов
  • Татар гаиләсенә Совет районында (Строительная фирма Тектоник тукталышы) 2 бүлмәле фатир озак вакытка арендага бирелә. Трамвай һәм автобус тукталышы йорт янында гына, янәшәдә мәчет, мөселман балалар бакчасы, Пятерочка, Мегастрой кибетләре. Т.: 89272437185
  • Казан шэхэре малые дербышкида ике этажлы ой сатыла.(участок мунча) бэясе 4000000. Собственник. Документлар эзер. Барлык сораулар буенча телефонга шалтыратыгыз 89625557187
  • Ямашев 25 адресы буенча моселман гаилэсенэ 2 булмэле фатир озак вакытка тубэн бэягэ арендага бирелэ. собственник. 89869175115
  • Казан шәһәре Мавлютова урамында (тулай торак) 18 кв.м.лы бүлмә озак вакытка арендага бирелә. Бүлмәдә диван, шкаф, холодильник бар. Бәясе аена 10 мең. Мэтрога 5 минут юл. Тел: 89274406462
  • Җиңел машина тәгәрмәчләрендә йөк ат арбалары сатыла, алмашу мөмкинлеге дә каралган. Фотографиесен телефонга җибәрә алабыз. Телефон +79534087690
  • Оренбургский тракт 140г урнашкан ор яна йортта яна жиhазлары белэн 1 булмэле фатирны озак вакытка арендагы бирэм. Бэясе 14 мен+коммун. 89274095375
  • Яр Чаллыда тулай торакта булмэ сатыла 13кв м. Бэясе килешучэ.89503149538
  • Казань ак губкина урамында совет районы зур балконлы булме сатыла 18 кв. 89509469991
  • актанышта газель сатыла яки 2баш угезгэ алыштырыла.89600883971.89534870674.
  • Р.Зорге 57/29 йортында 2 булмэле квартираны озын срокка сдавать итэм.Барлык унайлыклар да бар.собственник. 21мен. Т.89046623197

 

 
Архив
 
 
27.10.2017 Мәдәният

Хәмдүнә Тимергалиева хәзер интернеттан чыкмый

Хәмдүнә апабыз фонограммага җырлаучыларга каршы көрәш игълан иткән. “Татар радиосы”ның 16 еллыгына багышланган зур тамашада әнә шундый хәбәр җиткерделәр. Бу сүзләрне мәзәк итеп сөйләсәләр дә, олуг җырчының тәкъдименә бик күпләр кушылырга тора. Ашлыкны чүптән араларга вакыт. Татар җырының бүгенгесе турында Президент та борчыла.

Татарда фәлән кадәр җырчы бар диләр. Ничәү икәнен төгәл генә беркем әйтә алмас. Хәтта меңгә җиткән, дигән сүзләр дә ишетелә. Нишләмәк кирәк, моңлы халык без, җырлый белмәүчеләр бик сирәк арабызда. Сәхнәдә дә урын түрдән. Тик анда һәркем чыга башлагач, җырның кадере китә башлый. Матур концерт алдыннан әнә шундый фәлсәфәгә бирелергә узган атна башында Татарстан Президентының “Татар радиосы”на кунакка баруы сәбәп булды. Рөстәм Миңнеханов белән татар җырының бүгенгесе һәм киләчәге турында да сөйләшкәннәр. “Минем аңлавымча, республика башлыгы татар эстрадасының бүгенге хәленә зур игътибар бирә һәм аның өчен борчыла, – диде очрашудан соң “Барс-медиа” җитәкчесе Камил Гәрәев. – Бүген эстрада системага салынмаган. Һәм без моны Президентка да аңлатырга теләдек. Бу эштә дәүләт, шәхси компанияләр, татар интеллигенциясе катнашырга тиеш. Вакыт җитте – артистлар күп, материал күп, аларны дөрес юлга кертеп җибәрергә кирәк”.
 
Тик коммерция белән милләт юллары кайда тоташа? Бу сорауга тизрәк җавап табасы иде. Әмма заманында йөзләгән кешене сәхнәгә чыгарып, “йолдыз” ясау эшен конвейерга салган ширкәт вәкилләренең бу рәвешле фикер сөреше күңелгә моңлы өмет өсти. Бүген барыбызга да кирәк андый өмет. Үзебезчә җырларга вакыт. Көненә 300дән артык җыр әйләндерүче “Татар радиосы” да үзенең 16 еллыгын “Пирамида”да җанлы концерт оештырып, билгеләп үтте. Җырчылар шул ук “Барс-медиа”ның инструменталь ансамбленә кушылып, тансыкка әйләнгән тере тавышка чыгыш ясады. Оештыручылар әйтүенчә, концертка бары хит, ягъни халык арасында иң танылган җырларны гына сайлап алганнар. “Юбилей елын зурлап үткәргәч, быел тере тавышлы концерт оештырырга булдык. Концертта олы буын артистлары белән яшьләрне сәхнәгә чиратлаштырып чыгарырга тырыштык” , – ди концертның алып баручысы һәм сценарий авторы Гөлназ Сәфәрова. Сүз уңаеннан, алып баручылар дүртәү булды. Гөлназдан тыш, тамашачы кәефен Камал театры артисты Искәндәр Хәйруллин, радионың баш редакторы Айваз Садыйров һәм заманында “Голос” телетапшыруы финалына чыгып танылу алган Эльмира Кәлимуллина да күрде.
 
“Татар радиосы”н көненә 150 мең кеше тыңлый. Шуңа күрә концерт узган “Пирамида” залында бер генә буш урын да  калмаган. Моңланырга ярата безнең халык. Өлкәннәр дә, яшьләр дә җитәрлек. “Чаллыдан кодагыем килде. Балалар билет бүләк итте”, – ди Казанда яшәүче Гөлсем ханым. Профессорлар, министрлар, аларның урынбасарлары, район башлыклары да күренде елына бер мәртәбә оештырыла торган “Татар җыры”на тиң концертта. Барысын да моң берләштерә. Тамашачы хозурына Эльмира Сөләйманова, Иркә, Ландыш Нигъмәтҗанова, Айгөл Рәхимова, Азалия Зиннәт, Мөнир Рахмаев, Идрис Газиев, Илмира Нәгыймова, Ришат Фазлыйәхмәтов, Ләйсән Гимаева, Артур белән Марат, Зөһрә Шәрифуллина, Айдар Галимов һәм башкалар чыкты. Исемнәр төрле, беркем дә битараф кала алмый.
 
“Татар радиосы” гына түгел, татар җырчылары да заманадан артта калмаска тырыша. Берәүләр кием белән алдырырга маташса, Хәмдүнә Тимергалиева хәзер интернеттан чыкмый икән. Үз сүзен кистереп әйтүе белән дә танылу алган олуг җырчыбыз фонограммага авыз кыймылдатып торучыларга каршы көрәш ачкан. Алып баручылар шулай дип игълан итте. Шаяру булмасын да, аңа башкалар кушылсын иде! Хәмдүнә апабыз исә үзенең “Җомга”сын башкарды. Хит менә шундыйрак була! Һәрхәлдә, яшь җырчыларга кушылып җырлаучы күренмәде. Ә Хәмдүнә, Зөһрә, Идрис һәм Салаватларның дәрәҗәсен чамалар өчен алар янәшәсендә Айгөл, Илмира, Ринат һәм Мөнирләр дә булырга тиеш. Чама гына югалмасын. “Халык тыңлый бит”, – дип каршы төшүчеләр дә булыр. Кушканны гына тыңлаучылар да күп шул. 
 
Бер сулышта узган концертта Хәния Фәрхине дә искә алдылар. Күзләр яшьләнде, күңел моңсуланды. “Андый җырчы тагын чыгар микән?” – дип пышылдаштылар. Эльвин Грэйны да онытмадылар. Үзе чыгыш ясамаса да, исемен берничә тапкыр телгә алдылар. Нишләмәк кирәк, шоу-бизнес шулай куша. Бу кичәдә тагын бер гадәт бозылмады: иң соңыннан сәхнәгә Салават чыкты. Сүз уңаеннан, аңа һәм “мишәр брэнды” Фирдүс Тямаевка гына ике җыр башкарырга мөмкинлек бирелде. Хәерлегә булсын!
 
Концерт тәмамланганда телефонга хәбәр килде. Мәктәптә әти-әниләр җыелышы уздырырга җыенып йөриләр икән. “Татар теле дәресләре бетәргә охшаган. Кирәк икән, гариза язарга туры киләчәк. Аның урынына рус теле һәм математика сәгатьләрен укытачаклар. Безгә дә башкалар кебек эшлисе булыр инде. Татар теле дип баш ватасы юк”, – дип киңәш биргән бер баланың әнисе. Мондый киңәш белән яшәсәк, фәлән елдан татар концертына йөрүче булырмы? Җавап озак көттермәде: “Бүген дәресне алалар, иртәгә исемне алмаштырыйкмы?” Ә концерт тәмамлангач, “Пирамида” каршысында бер төркем татар халык җырын суза иде. Чыннан да, авыз тутырып үзебезчә җырларга вакыт!

Илнар ХӨСНУЛЛИН
Ватаным Татарстан
№ --- | 26.10.2017
Ватаным Татарстан печать

 
comments powered by HyperComments

Фикерләр

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Идел
Өмет
Диләфрүз
Татарстан Язучылар берлеге
Кариев театры
Түгәрәк уен
Татарстан китап нәшрияты