|
|
Бүген кемнәр туган
|
|
Архив
|
16.10.2017 Хатлар
40 яшьтә бала тапмагыз!Минем бу язмам күпләрдә килешмәү, бәхәс уятыр, мөгаен. Шулай булса да фикеремне языйм әле. Бу хатым 40 яшьтә бала табарга җөръәт итүчеләр турында. Үземнән чыгып әйтәм – бу начар идея. Менә мине әни 42 яшендә тапкан. Имеш, бала булса, әти әнине ташлап китмәячәк. Әмма аның өмете акланмаган – әти гаиләне ташлап китүен китмәгән, ул мәрхүм булган. Миңа ул вакытта 8 яшь тә тулмаган булган.
Ә хәзер бездә нинди хәлләр диярсез. Әни әтинең вафатыннан соң әле бер, әле икенче иргә барды. Берсе белән дә тора алмады. Хәзер аңа 72 яшь. Эчүгә сабышты. Тормышының асты-өскә килде, сукбайлар белән дуслашты. Фатирга керерлек түгел, пычрак. Акыра, көйсезләнә, миннән акча таптыра. Үз кубызына биетергә тырыша.
Мин кияүгә чыгып, ике бала таптым. Тик әни белән гаиләм арасында бәргәләнеп йөрүләремә түзә алмый ирем безне ташлап чыгып китте. Хәзер мин дә ике балалы ирсез. Шундый нәтиҗәгә килдем – 40 яшьтән соң хатын-кыз үзенә бала түгел, нянька тудыра икән. Хатын-кызлар, мәрхәмәтлерәк булыгыз әле – балагыздан картлыгыгызның заложнигы ясамагыз. Бу дөрес түгел.
Фәндәлия.
--- |
Иң күп укылган
|