|
|
Бүген кемнәр туган
|
|
Архив
|
15.10.2017 Мәдәният
Тинчурин театры кызыклы акция оештыра (ВИДЕО)Тинчурин театры бөек драматург, актер, режиссер Кәрим Тинчуринның тууына 130 ел тулу һәм театрның туган көне уңаеннан, "Хәзинә тап" акциясен игълан итә. Кәрим Тинчурин әсәрләре буенча куелган спектакльләргә чакыру билетлары, махсус конвертка салынып, Казанның драматург исеме белән бәйле урыннарында яшереләчәк. Билетның кайсы урында яшерелүе турында мәгълүмат видеоязмалар рәвешендә сайтыбызда, шулай ук социаль челтәрләрдәге рәсми төркемнәребездә урнаштырылачак. Сезгә исә, шуларны карап, чакыру билетын иң беренче булып табып өлгерергә кирәк. Акция шартлары буенча билетны тапкан кеше рәсми төркемебезгә фото яки видеоотчет җибәрергә тиеш була.
Бу юлы без 18 октябрьдә булачак "Сүнгән йолдызлар" спектакленә чакыру билетын Тинчурин театры бинасында яшердек. Димәк, видеоязманы карыйбыз, Рөстәм Гайзуллинны тыңлыйбыз һәм билетны табабыз! Башладык! Акция октябрь ахырына кадәр дәвам итәчәк!
--- |
Иң күп укылган
|