28.09.2017 Мәдәният

Җырчыларга кыйммәтле клиплар гына уңыш китерәме? (ВИДЕО)

Бүгенге тамашачыны матур кадрларга гына корылган, “каенга сөялеп” төшкән клиплар белән гаҗәпләндереп булмый. Аерым тарих, кечкенә фильмнар итеп эшләнелгән клиплар игътибарны күбрәк җәлеп итә алуы - факт. Уйлап табу гына түгел, шул идеяны профессиональ төшереп һәм монтажлап экраннарга чыгаруны чын сәнгать дип атарга мөмкин.

Музыкаль каналларда күрсәтелүче күп клиплар PIXELFILMS PRODUCTION кинокомпаниясе эшләре. Танылган җырчыларның да, яшь башкаручыларның да иҗат җимешләре әлеге профессиональ команда белән төшерелә.

“Клип – ул фильмның анонсы. Кыска гына вакыт аралыгында музыкага салынган эчтәлек. Без дә клипны теоретик яктан ачып, аның чишмә башында булган принципларынатуры китереп эшлибез һәм тамашачыга тәкъдим итәбез.Вакыт узу белән җырчылар аңа үзгәреш кертеп, танылу максатыннан, сюжеттан кала үзләрен дә күрсәтә башладылар. Ауропа, Америка илләрендә әле клипның төп төшенчәсенә тугры калып җырга гына сюжет җыялар. Без исә, уртаклык табып, максималь дәрәҗәдә тормышчан һәм халыкка уйланырга нигез бирә торган клиплар төшерәбез. Эчтәлеккә һәм сюжеткабасымясау белән безнең компания аерылып тора да инде. Безнең төркемдә профессиональ белем алган һәм тәҗрибә туплаган режиссер һәм операторлар хезмәт куя, шуңа күрә без тамашачыга кызыклы булган профессиональ видеоклипларны тәкъдим итә алабыз”, - дип белдерәкинокомпания җитәкчесе Айдар Шәймәрданов.

Клип төшерү генә түгел, PIXELFILMS PRODUCTION кинокомпаниясе,артистларның хезмәтләрен һәм тырышлыкларын игътибарсыз калдырмыйча, “Манзара” музыкаль премиясен оештырып, ел саен тамашачыларга зур бәйрәм тәкъдим итә. Быел “Манзара” музыкаль премиясен тапшыру тантанасы 25 нче ноябрьдә “Пирамида” күңел ачу комплексында узачак. Сыйфатлы концерт программасы гына түгел, тамашачы алдында профессиональ спортчылар да чыгыш ясаячак һәм чарада PIXELFILMS PRODUCTION кинокомпаниясең эш нәтиҗәләре – яңа клиплар да тәкъдим ителә.

---
Gong-TV
№ --- | 27.09.2017