|
|
Бүген кемнәр туган
|
|
Архив
|
29.08.2017 Спорт
Татар хоккейчысы Американы шаулатырга мөмкин«Карьерамны профессиональ хоккейчы буларак Төньяк Америкада дәвам итүемне түземсезлек белән көтәм һәм НХЛ җитәкчелегенә әлеге мөмкинлек өчен рәхмәтемне җиткерәм. Дөньядагы иң көчле лигада уйнау мөмкинлеге бирелсә дә, Спорт арбитраж суды аша исемене аклау эшен дәвам иттерәчәкмен», – дип белдергән Данис Зарипов. Билгеле булганча, Халыкара хоккей федерациясе допинг куллануда гаепләп, Данис Зариповка карат ике еллык дискфалификация карары чыгарды. Шуның аркасында ул КХЛда чыгыш ясый алмаячак. Җәй көне Зариповның Ак барска кайтуы турында игълан ителгән иде, дип искә төшерә «Ватаным Татарстан».
Данис Зарипов – Гагарин кубогына 4 тапкыр ия булган бердәнбер уенчы. Әлеге уңышка ул ике тапкыр “Ак Барс» (2009 һәм 2010 еллар), ике мәртәбә «Металлург» белән (2014 һәм 2016 еллар) иреште. Данис Зарипов исәбендә дөнья чемпионатының өч «алтын»ы (2008, 2009, 2014), «көмеш»е (2015) һәм «бронза»сы (2007) бар.
Фото: «БИЗНЕС Online»
--- |
Иң күп укылган
|