|
|
Бүген кемнәр туган
|
|
Архив
|
22.08.2017 Шоу-бизнес
"Данис акча сорамый, аның акчаны эшләп аласы килә"Ел башында Булат Җиһаншин һәм “Ziganshin production” “Йолдызлар фабрикасы” оештыру турында игълан иткән иде. Төрле яклардан күп кенә язмалар килгән. “Барысын да күп тапкырлар тыңлап чыкканнан соң яшьләр арасында чын татарча-башкортча матур итеп җырлаучылар бик күп икәненә инандым, - ди Булат. - Кайсыларын ничек сайларга да белми идем, тупикка эләктем дисәм дә була. Бу проект бит җиңүчене (яшь башкаручыны) сәхнәгә чыгарырга этәргеч булырга тиеш иде. Һәм бер көнне Данис исемле егетнең диктафонга язылган язмасын тыңладым. Данис тумыштан йорәген һәм үпкәсен алмаштыруга чиратта тора икән.
Шул чакта уйлап куйдым: бу проект әз булса да ярдәм китерсә – мин бик шат булыр идем!
Шуңа монда җиңүче итеп Данис Хәбибуллинны сайладык һәм аңарга альбом яздырдык. Даниска авыр булмасын дип янына килеп тавышын яздырып, аннан соң бу язмага студиядә музыка салып, матурлап, сыйфатлы мастеринглар ясап эшкәрттем.
Ә инде бу альбом Даниска һәм аның әти-әнисенә әз булса да ярдәм китерсен өчен альбомны интернетка куйдык”.
Альбомны шушыннан тыңларга була: https://vk.com/id304925159?w=wall7594217_11918
Ә https://vk.com/id304925159 - Данис белән монда аралаша аласыз, аңарга яңа дуслар бик кирәк.
Хөрмәтле укучылар, Даниска сәламәтлеген саклау өчен - аена 240 мең сумлык дару кирәк. Данис акча сорамый, аның акчаны эшләп аласы килә, шуңа күрә җырлары күңелегезне кузгата икән – күпме булдырасыз, шул кадәр акча җибәрә аласыз Данисның үзенә:
Сбербанк 63900262 9006633720 Данис Хабибуллин.
--- |
Иң күп укылган
|