• 25.04 "Казан" бию ансамбле концерты. Филармония. 18:30
  • 26.04 "Зур концерт" тамашасы. УНИКС. 18:30
  • 26.04 МакSим. Траттория на Минской. 20:00
  • 26.04 Зур концерт. УНИКС. 18:30
  • 04.05 Габделфәт Сафин, «Һаман яратам». Тинчурин театры. 17:00
  • 20.05-23.05 Элвин Грей. Пирамида. 19:00
Туган көннәр
  • 23 Апрель Эльнар Сабирҗанов
  • 23 Апрель Гадел Галләмов (1919-1978)
  • 23 Апрель Рәис Гыймадиев
  • 23 Апрель Шәфәгать Тәхәветдинов
  • 23 Апрель Руслан Сафин
  • 24 Апрель Илсур Метшин
  • 24 Апрель Миләүшә Сибгатуллина
  • 24 Апрель Чулпан Хәйруллина
  • 24 Апрель Усман Әлмиев (1915-2011)
  • 25 Апрель Халисә Мөдәррисова
  • Казаннан ерак түгел Биектауда дача сатыла. 10 сутый җире, өе, агач-куаклары бар 8-98-72-976-453
  • Апас районы Каратун станциясендэ барлык унайлыклары булган бер булмэле фатир сатыла .Бэясе 500 мен сум Якында гына мэктэп, балалар бакчасы, кибетлэр.Тулырак мэгьлумэт 89272488945 телефон номеры аша шалтыратып белешергэ була .
  • Казанда дубравная,проспект,горки,суконный,аметьево тирэлэрендэ бер булмэле квартир яки булмэ снимать итэм.(8000-12000сум га кадэр бэядэн)тэртипле татар кызы.эшлим.тиз арада собственниктан кирэк.89050393621риэлторлар борчымаса иде.
  • Казан, М.Гафури урамында урнашкан тулай торакта булмэ арендага бирелэ. Холодильник, кер юу машинасы, шкаф, диван, телевизор бар. Якында гына автовокзал, институт. Уртача бэя. 89172696290
  • Салават күперендә 1 бүлмәле фатир арендага бирелә, озак вакытка 89503281017
  • Казанда, Азинода 1 бүлмәле фатир арендага бирелә. Барлык уңайлыклар бар. Бәясе 15мең сум(коммуналь хезмәтләр кергән). Т.89196307461
  • Казаннын Салмачы бистэсе янэшэсендэ дача сатыла. 2 этажлы йорты. яна мунчасы.сарае. беседкасы. 6 сот бакчасы. Сатучысы собственник. докум эзер. Алырга телэучелэр шушы номерга шалтыратыгыз 89625521877
  • РКБ тирэсеннэн(портка якын) торырга булмэ яисэ гостинка эзлим.Риэлторлар борчымасын иде.89196978895
  • Кран-манипулятор установкасы сатыла, грузоподъемность-2тонна, бэясе 200000сум,тел.89172851990
  • Балык Бистэсе районы Яна Арыш авылында барлык унайлыклары да булган ой сатыла.Казаннан 80 км,капка тобенэ кадэр асфальт.Эйбэт куршелэр,урман,мэктэп,мэчет,мэктэп,h.б.Документлар эзер .Тел.89178990181

 

 

 
Архив
 

 

29.12.2009 Язмыш

ГОМЕРЕМНЕҢ ЧӘЧӘК КЕБЕК ВАКЫТЛАРЫ САЛКЫН ОКОПЛАРДА УЗДЫ

Татарстанның атказанган артисты, Бөек Ватан сугышы ветераны Җәваһирә Сәләхова сиксән дүрт яшендә арабыздан китте. Җәвәһирә апа авыр сугыш елларының ачысын да, сугыштан соңгы ачлык-ялангачлыкны да үз җилкәсендә татыган легендар җырчыларыбызның берсе иде.

Гомеренең соңгы елларын ул Мәскәүдә кызы тәрбиясендә үткәрде. Хөкүмәт тарафыннан әлләни кадер-хөрмәтләр күрмәсә дә, җырчы иҗат кешеләренең игътибар үзәгендә булды. Былтыр Г.Кариев исемендәге Казан Татар Дәүләт Яшь тамашачы театры Җ. Сәләхова һәм Р.Ваһаповның истәлеген мәңгеләштерү йөзеннән, Ринат Харис язган “Умырзая “ дигән пьесаны сәхнәләштерде. Үзенә генә бу сәхнә әсәрен кайтып күрергә насыйп булмады шикелле. Җәваһирә апа журналистлар белән аралашырга яратмаса да, мин аның белән моннан берничә ел элек әңгәмә оештыру бәхетенә ирешкән идем. Бу язмабыз батыр йөрәкле, ихтирамга лаек җырчыбызга дога булып ирешсен.

 

– Минем яшьлегем коточкыч авыр елларга туры килде, – дип башлады сүзен җырчы. – Музыка техникумының II курсында укый идем. Филармония Мәскәүдә узачак татар әдәбияты һәм сәнгате декадасына артистлар җыя. Хорда җырларбыз, дип иптәш кыз белән мин дә бардым. Тик сугыш башлану хәбәре планнарның астын-өскә китерде. Ул вакытта безне: “Сугыш ике айдан озакка сузылмаячак. Совет армиясе – дөньяда иң көчле армия!” – дип ышандырдылар. Әмма бу афәт 4 елдан артыкка сузылды. Сугышның тиз арада бетүен көтеп декадага барырга җыелган артистларны таратмыйча тордылар. Җиңүнең әле хәйран еракта икәненә төшенгәч кенә, концерт бригадалары оештырыла башлады.

 

Безнең ут эчендәге чыгышларыбыз 1943 елның февраль аенда башланды. 45әр көн урман аланнарында, нимесләрдән азат ителгән авыл, шәһәрләрдә концерт куя идек. Безнең төркемдә 10 кеше иде. Татарлардан – баянчы Гани Вәлиев белән мин. Солдатлар: “Где тут наши татары?”  – дип кадер-хөрмәт күрсәтә иделәр.

 

– Җәваһирә ханым, уналты яшьлек кыз баланы фронтның алгы сызыгында күз алдына китерүе бик кыен...

 

– Гомеремнең чәчәккә бөреләнгән чорын яу кырында, салкын окопларда үткәрергә туры килде шул. Элегрәк сугыш мизгелләре төшләремә кереп йөдәтә иде. Хәзер Аллага шөкер, онытылып бара... Машина әрҗәсен сәхнә итеп микрофонсыз җырлыйбыз. Шунлыктан тавышны көчәйтеп җырларга туры килә иде. Баш өстеннән снарядлар очып киткәли. Сискәнеп, ирексездән чүгеп куясың. Концерт караучы солдат-егетләр елмаешып ала. Лев Толстойның Ясная Поляна биләмәсендә булуыбыз аеруча истә калган. Нимесләрдән әле генә азат ителгән биләмә туздырылган, зират мәсхәрәләнгән иде.

 

Тагы нинди мизгелләр аеруча истә калды?

 

– Машина әрҗәсендә шинельгә төренеп бер-беребезгә терәлеп йоклый идек. Иртән өстебезгә.... кар явып киткән була. Шул суыкта билдән чишенеп юынучы солдатларга исем китә иде. Бер көнне Гани Вәлиев: “Кызлар, бүген кешечә йоклыйбыз. Безгә землянкада урын әзерлиләр. Салам түшәлгән урын-җир әзер!” – диде. И-и, сөендек тә соң. Тик иртәрәк куанган булып чыктык. Концертны тәмамлап землянкага төшкән генә идек, һавада гөрселдәп снарядлар оча башлады. Үлемем шунда икән, дип якты дөнья белән бәхилләшә үк башладым... Еш кына концерт барганда солдатлар төркем-төркем булып турыдан-туры атакага китә. Җырлап торган җиремнән боларның кайсылары исән-сау кайтыр да кайсылары ятып калыр инде? – дип уйлый идем. Икенче Белоруссия фронтының командующие, маршал К.Рокоссовскийны фронтның алгы сызыгында “тере килеш” күрүем дә күңелдә җуелмас хатирә булып саклана. Ул батыр солдатларга медальләр тапшырган иде.

 

Җәваһирә ханым, Сез легендар җырчы Рәшит Ваһапов белән татар профессиональ сәхнәсенә дуэт белән җырлауны алып килгән кеше дә бит әле

 

– Әйе, бу яңалыкны кертүдә Гани Вәлиевның тырышлыгы зур булды. Әлеге башлангыч кайбер җитәкчеләргә ошап та җитмәде бугай. Мәхәббәт турында күп җырлыйсыз дип тәнкыйтьлиләр иде. Ә менә Салих Сәйдәшев безнең бу яңалыкны бик хуплады. “Татар җырларын менә шулай башкарырга кирәк,” – дип сөендерә иде...

 

Сугыштан соң тормыш бераз җиңеләйгәндер инде?

 

– Кая инде ул! Өскә кияргә кием юк. Көзге пычракларда, кышкы бураннарда ат, йә үгез җигеп авылдан авылга йөрибез. Колхоз рәисләре, үч иткәндәй иң арыгын, иң хәлсезен бирә иде. Алар ике авыл арасында егыла, йә ятып ук кала. Клублар ягылмый, лампа яктысы астында җырлыйбыз. Моңга сусаган халык концерт карый, бияләен дә салмыйча кул чаба. Сәхнәдә җырлап чыккан соң аякларның сызлавына, утырып елый идем. Концерт барганда клуб парлана, түшәмнән тамчылар тама башлый. Көндезләрен колхозларга, мәктәпләргә шефлык иттек. Колхоз рәисләре халыкны төрле эшкә рухландыру, үгетләү өчен безнең катнашуыбызны сорый иде. Р.Ваһапов укытучы кеше булганлыктан, колхозчыларны без эшкә тиз арада “мобилизацияли” идек. Кырда салам җыйган, мәктәпләр өчен утын ярган чаклар да булды. Бүген мин, сугыш афәтләрен бүтән кабатланмасын иде дип, Ходайдан кат-кат сорыйм.

 

Татарстанның атказанган артисты Җәваһирә Сәләхова белән хушлашу 26 декабрьдә Г.Тукай исемендәге филармониянең концертлар залында узды. Олугъ сәнгатькәребезнең гүре нур булсын.

Мөршидә КЫЯМОВА
Интертат.ру
№ | 26.12.2009
Интертат.ру печать

comments powered by HyperComments

Фикерләр

№5 (31538) / 29.12.2009 22:16:06

Әзерәк шәхси тормышка кереп китү булса да әйтергә булдым әле.Улымның әтисе Казан җегете. Мин Җәвәһирә Сәләхованы аннан ишеттем беренче дисәм дә була. Ул заманнарда миңа бик ошамый да иде. Кая әле ул вакытларда, мин авылчарак булганмындыр инде. Менә аның исе китә иде:"Табигатьтән куелган тавыш аның!" - дип. Пластинкаларны элек кызуырак та әйләндереп була иде бит әле, менә шулай әйләндергәндә аның тавышы скрипка уйнаган кебек яңгырый дия иде. Бүтән беркемне аның кебек мактамады. Бик музыкаль кеше . Танышкач та татарча мин ишетмәгән дә, берсеннән берсе матур язмалар күп булуын күреп шаккаткан идем.Менә сиңа шәһәр татары, дип.

№4 (31518) / 29.12.2009 16:30:52

Кеше китэ, жыры кала!(М.Мэхдиев) сэнгатькэ кунелен биргэн кеше шундый була ул, хэзергелэрдэн аермалы буларак!!!

№3 (31505) / 29.12.2009 14:24:56

ни гомерләр җырлаган җырчы бары атказанган исеме белән генә калды шул.

№2 (31500) / 29.12.2009 13:12:54

Ул елларның авырлыкларын Аллаһе бер кемгә дә күрсәтсәсен.Сугыштан соң да тормышлар бик җиңел булмады,чөнки кеше ышанырлык түгел иде ул авырлыклар.Хәзер дә, өстәлдәге ипи валчыкларын җыеп,авызыма кабам.Ипинең валчыгын да әрәм итмәс идем,дигән вакытлар күп иде.
Укып күңелләр тулды.Рәхмәт Мөршидә ханым.

№1 (31499) / 29.12.2009 13:07:32

Спектакльне яздырып булса да, күрсәткәннәрдер аңа. Урыны җэннэттэ булсын. Талантлы кеше булган дип сөйлиләр.

▲ Өскә

www.work-zilla.com

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Түгәрәк уен
Татарстан китап нәшрияты
RAFINA/D
Милли Музей
Шаян