• 25.04 Мунча ташы - "Чамаламадык". Казан. Ленин ис. мәдәният сарае. 18:30
  • 17.05 Элвин Грей концерты. Казан. Спорт сарае. 19:00
Туган көннәр
  • 23 Апрель Гадел Галләмов (1919-1978)
  • 23 Апрель Руслан Сафин
  • 23 Апрель Рәис Гыймадиев
  • 23 Апрель Шәфәгать Тәхәветдинов
  • 23 Апрель Эльнар Сабирҗанов
  • 24 Апрель Усман Әлмиев (1915-2011)
  • 24 Апрель Илсур Метшин
  • 24 Апрель Чулпан Хәйруллина
  • 25 Апрель Асия Галиева
  • 25 Апрель Тимур Акулов
  • Казан шәһәренең Авиатөзелеш районы, Молодежная урамында (ашыгыч рәвештә!) 18 кв.метрлы бүлмә сатыла. Яхшы ремонт, суы бүлмәдә. Янәшәдә генә балалар бакчасы, мәктәп. 89196447691
  • Продаю задний мост Т-40. Находится в Заинском районе. Возможен варианты обмена. + 9872079780
  • Теләче районы Колбагыш авылында (Старый Карбаян) 2 бүлмәле (46м кв) йорт сатыла. 40 сотый җире дә бар. Уты, суы кергән. 89179113219
  • Продаю 2-комнатную квартиру на 2/3 этажного дома в Арске. Площадь 86,60 кв.м. Просторная, уютная квартира с удобной планировкой. Свое газовое отопление. Квартира очень теплая, высокие потолки. Чистый и теплый подъезд. Дом находится в спокойном и красивом районе города. Удобные подъездные пути, Развитая инфраструктура: магазины, аптека, детский сад, остановка общественного транспорта, жд. вокзал Все это в шаговой доступности. Тел. 89272479845 Альфия
  • Хундай гетц сатып алам. 1.4, механика. 2008-2010 елгы. Казан. 89274107709
  • Актаныш куплю цемент. 89600766391
  • Сдаётся 1 комнатная квартира на улице Адоратского, г.Казань 10+ ку 89377737007
  • Апас районында йорт сатам. 89061108949
  • Сдаётся 1комнатная квартира на длительный срок на улице Адоратского, г.Казань. 10 тыс+ку 89625483773
  • Татар телендә оригиналь фәнни эшләр, диплом, курс эшләре. 8-917-885-45-12

 

 

 
Архив
 

               

29.05.2017 Интернет

90 көндә 1 млн сум эшләргә җыенган Раил Гатауллин 1нче айга нәтиҗә ясый (10 КИҢӘШ)

Раил Гатауллинның 90 көндә 1 млн эшләргә җыенуы турында "Матбугат.ру" язган иде. Шушы марафонның икенче ае башланып китте. "Бу эксперимент мине үзгәртте. Гәрчә, кесәдә миллионнар булмаса да", - диде ул хәбәрчебезгә. Махсус "Матбугат.ру" өчен үзенең 10 киңәшен дә бирде:

1. Мин максатларымны барладым һәм аларны төгәлрәк итеп язып чыктым. Шул рәвешле, тормыш юлыма корректировкалар керттем. Кая баруымны, кем булачагымны һәм күп кенә башка моментларны хәзер күпкә ачыграк күз алдына китерәм. Якындагы 1, 5, 10 елга максатларымны язып чыктым. Шушы 1 ай дәвамында кайбер максатларыма ирешә дә башладым инде.

 
2. Вакытны элек тә дөрес планлаштыра идем, хәзер аны тагын да төгәлрәк планлаштыра башладым. Хәзер көненә шул ук 24 сәгать эчендә 1,5 - 2 тапкыр күбрәк эш башкара һәм планнарымны тизрәк тормышка ашыра башладым. Кем әйтмешли, "производительность труда" артты.
 
3. Үземне яратырга, үземә дөрес бәя бирергә өйрәндем. Элек нахак сүзләргә бик гарьләнә идем. Ничек инде алай - күпме яхшы эш эшлисең, файдалы эшләр башкарасың, ә сиңа әллә нинди мәгънәсез нахак сүзләр әйтеп тап төшерәләр... Хәзер шуны аңладым, бу кешеләр - үзләре шундый "таплы" кешеләр. Алар дәрәҗәсенә аска төшеп, аларның мәгънәсез нахак сүзләренә игътибар итеп утырырга хәзер минем вакытым юк. 
 
4. Бизнес, маркетинг, финанслар, рухи ныклык һәм уңышка ирешү турында шактый күп мәгълүмат (китаплар, аудио, видеоязмалар) белән танышып чыктым, бизнес-тренингларда булдым. Тормышта күп кенә хаталар җибәргән булуымны аңладым. Хәзер башкаларга карыйм да, башка кешеләрнең дә шундый ук хаталар җибәрүләрен күреп сәерсенеп куям. Ничектер аңлатасым, булышасым килә. Әмма күп кешеләр үзләренә өске планка - барьерлар куялар һәм шуннан ары китә алмыйлар. Күбрәк укырга, белемле булырга, алдыңа киртәләр куймаска, булган барьерларны бетерергә кирәк!
 
5. Бу айда бизнесмен, эшмәкәр дусларым, танышларым саны шактый артты. Аларга хәзер ярдәм итә башладым. Бизнесны ныгыту, клиентлар санын арттыру өчен минем хәзер IT-инструментарий бар. Әгәр үз бизнесыгыз бар һәм клиентларны арттыру мәсьәләсе алдыгызда тора икән - минем белән элемтәгә керегез.
 
Үземнең компаниямнең ("Белем.ру" компаниясенең) дә клиентлар саны арта бара. Бизнесны зурайта барырга исәп. Үз яныма ышанычлы, яхшы, белемле, чая, эчкерсез, гадел берничә хезмәткәрне эшкә алырга планлаштырып торам.
 
6. Гади компания булып кына зур акчалар эшләп булмавын аңладым. "Налаженный" зур бизнес кирәк, инвестицияләр белән шөгыльләнергә кирәк. Хәзер бу юнәлештә планнарыма корректировкалар кертәм. Сер түгел, марафонның беренче аенда 230 меңлек заказлар башкарып чыгарга дип алындым. Хәзер бу гамәлемнең әллә ни дөрес булмавын аңлыйм. Бу заказларның күбесе - нигездә мин генә башкарып чыга ала торган заказлар. Эшче яллап аңа эш куша алмыйм. Нәтиҗә - соңгы арада юньле йокы күргән юк. Юньләп акчасы да әле кесәгә кергән юк. Эшләргә дә эшләргә кирәк...
 
Сезнең дә андый хәлдә калганыгыз бардыр. Гаиләнең тамагын туйдыру өчен кайвакыт көн-төн ялсыз, йокызысыз берничә эштә эшлисең дә эшлисең. Нәтиҗәсе - тормышка җитәрлек кенә акча эшләп таба алу. Шуңа күрә дә марафонның киләсе айларында акыл беләнрәк, инвестицияләр юнәлешендә эш алып барырга, пассив керем булдырырга планлаштырам. Бу юнәлештә инде бераз эшли башладым, нәтиҗәсе дә күренә башлады. Зур проектларны, яңа идеяләрне тормышка ашыру өчен якын көннәрдә партнерлар, дуслар эзләргә планлаштырам. Әгәр сезнең дә "ныгытып торып аякка басарга" планнарыгыз бар икән - эндәшегез, кунакка килеп чыгыгыз!
 
7. Уңышсызлыкларны җиңел кичерергә өйрәндем. Нидер килеп чыкмый икән - димәк кайдадыр хата ясыйм. Тиз генә анализ ясыйм да, төзәтмәләр кертеп гамәлемне янәдән кабатлыйм. Борчылмагач, негатив уйлар башка кермәгәч - акыл яхшырак эшли, тизрәк фикер йөртәм. Борчылудан файда юк, зыян гына. Сез дә беркайчан да борчылмагыз! Шатланыгыз! Үз шатлыкларыгыз белән уртаклашыгыз, башкаларның шатлыкларына куана белегез. Бер шатлыгым белән уртаклашам - бу атнада минем "Дуслар кирәк" дип исемләнгән шигыремә язылган җыр Нәфисә Назарова башкаруында дөнья күрде. Көйне - Илдар исемле яшь, талантлы бер егет язды. Рәхәтләнеп тыңлый аласыз!
 
8. Спортка, сәламәт яшәү рәвешенә игътибарымны арттырдым. Сәламәтлек булмаса - тырышып эшләп алган миллионнарымның рәхәтен күрмәячәгемне аңлыйм. Лифтта сирәк йөрим, иртә-кич гимнастика ясарга тырышам. Йокы гына җитми... Көннәр бераз җылыткач иртәнге "пробежка"лар ясарга да теләк бар... Иртә таңнан төнгә кадәр эшләгәч, монысына әле вакыт юк.
 
9. Инглиз телен өйрәнүне дәвам итәм. IT-белгеч булгач, инглиз телен яхшы белү - аеруча отышлы. Ниндидер багны (программада хатаны) эзләп табып төзәтү өчен еш кына инглиз телендәге чыганакларны укырга кирәк була. Инглиз телен, башка телләрне күбрәк белгән саен - дөньяга карашың киңәя бара.
 
10. Бу көннәрдә бизнесны рекламалау серләрен тирәнрәк өйрәндем. Хәзер Яндекс.Директта да кампанияләрне дөрес, артык чыгымнарсыз оештыра беләм. Гомумән, бизнесны рекламалау темасы белән бик тирәнтен танышам һәм уңышларга ирешә барам.
 
Гади реклама инде эшләми. Ташламалар эшләми, диярлек. "Информацион мусор" бик күп.
 
Минем әлеге блогым да мәгълүмат чүплегендә югалып калмас, кирәкле кешесен табар, аның өчен файдалы булыр, дип ышанып калам.
 
Киләсе очрашуларга кадәр!
 
Раил Гатауллинның әлеге башлангычы турында аның блогыннан укып барырга була: http://belem.ru/bloglar/Rail_Gataullin
 

---
Матбугат.ру
№ --- | 29.05.2017
Матбугат.ру печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments