|
|
Бүген кемнәр туган
|
|
Архив
|
04.05.2017 Аш-су
«Матбугат.ру»дан Әфлисун суты РЕЦЕПТЫ (ФОТО)Сезнең әфлисун суты эшләп караганыгыз бар идеме? Минем юк иде. Бүген беренче тапкыр эшләдем. Сутны тәмләп карауга ук аны "Рецептлар" китабыма эре хәрефләр белән язып куйдым. Эшләп карасагыз, сез дә шулай итәчәксез. "Нишләп элегрәк очрамады икән бу рецепт?" диячәксез. Анысына 100 процентлы гарантия бирә алам! Кичә кич, ике зур гына әфлисунны юып, һәркайсын сигезәр кисәккә бүлеп, туңдыргычка куйдым. Иртән шуны алдым да, бераз эреткәч, иттарткыч аша үткәрдем. 6 литрлы мискә башта үткәрелгән әфлисунны, 2 чәй калагы лимон кислотасы, 2 стакан шикәр комы, 4 литр салкын су салып бутадым да читкә алып куйдым. 4 сәгатьтән соң, шикәре эреп бетүгә, вак тишекле сөзгеч аша сөздем. Тәмләп карасам... ммм... чак телемне йотмадым. Тәмледән-тәмле рецептлары белән бүлешкәне өчен Кадер авылыннан аш-су пешерү остасы Альбина Шәриповага мең рәхмәтлемен! Әфлисун суты рецептын ул әллә кайчан ук яздырткан иде. Шул гомер ник эшләмичә йөргәнмендер?! Тәмлелеген белмәгәнмендер инде... Белгән булсам, шул көнне үк эшләгән булыр идем дә соң. Ярый, әле дә соң түгел. Әле менә сезгә дә тәмләп-тәмләп шул рецептны язып утырам. Димәк, ул минем кулга юктан гына килеп эләкмәгән инде! Сез дә моның белән килешәсездер, шулаймы, аш-су пешерергә яратучы дусларым?!
Венера МӘҖИТОВА |
Иң күп укылган
|