|
|
Бүген кемнәр туган
|
|
Архив
|
03.12.2009 Җәмгыять
БЕЗ – СССР БАЛАЛАРЫКүптән түгел Интернетта СССР заманындагы телевидениегә багышланган сайт барлыкка килде. Хәзер www.cccp-tv.ru адресы буенча кереп, совет власте вакытларында (1952 елдан башлап) төшерелгән кайбер тапшыруларны карарга мөмкин. Социологик тикшеренүләрдән күренгәнчә, Русиянең 52 процент халкы 1 Май демонстрацияләрен, сөт шешәләрен һәм 2 сум 20 тиенлек колбасаларны сагынып яши икән. Әлеге сайт нәкъ менә шул заманнарны сагынучыларны күздә тотып эшләнгән дә инде.
Яңа сайтка куелган тапшырулар арасында балалар өчен төшерелгәннәре, спектакльләр, спорт тапшырулары, комедияләр дә бар. “Клуб кинопутешественников”, “Международная панорама”, “Голубой огонек” ише тапшырулар, мөгаен, 35 яшьтән олырак буынга яхшы таныштыр. Кайберәүләрнең, бәлки, 1960 елда СССР белән Канада арасында булган хоккей ярышын карыйсы киләдер, ә икенче берәүләргә исә Брежнев, Горбачевларның партия съездларындагы докладлары, аларның теге яки бу илнең сәясәтчеләре белән очрашуларын карау кызык булыр.
Яңа сайтка Гостелерадио фондында сакланган шактый күп материал куелган. Барлык тапшыру һәм фильмнарны карау бушлай. Әмма сайтны эшләүчеләр дә “коры” калмаячак. Алар акчаны тапшырулар арасына реклама кертеп эшләргә җыена. Экспертлар фикеренчә, әлеге сайттагы реклама ярдәмендә елына 2 миллион доллар файда алырга мөмкин.
|
Иң күп укылган
|