|
|
Бүген кемнәр туган
|
|
Архив
|
10.04.2017 Шоу-бизнес
"Тамада-шоу" - язның иң грандиоз тамашасы!12 апрельдә Казанның Филармония концертлар залында "Тамада-шоу" фестивале узачак. Тамашада Лилиана Ирназарова, Гөлназ Шәрипҗанова, Салават Миңнеханов, Зөлфәт Зиннуров, Илшат Исхаков, Марсель Әхмәдуллин, Газинур Фәйзуллин, Марсель Мәхмүтов, Рафил Галимуллин, Айнур Сөләйманов, Раил Габдуллин, Җәвит Шакиров - барлыгы 12 алып баручы чыгыш ясар дип көтелә. - Фестивальнең максаты - алып баручының дәрәҗәсен күтәрү. Бәйрәм мәңгегә истә калсын өчен, аны үз эшенең осталары алып барырга тиеш. Шуңа күрә, беренче чиратта, фестиваль алып баручыларның абруен күтәрү, бәйрәм оештыруның төп асылын халыкка тәкъдим итү максатын күзаллый. Фестивальне елга бер тапкыр яз көне үткәрәбез. Быел ул тагын да кызыграк, күңеллерәк, шаккаткыч булачак. Кыскасы, бу - язның иң грандиоз чарасы! - дип сөйләде проектның авторы Замирә Рәҗәпова. - Һәр алып баручының - үз стиле, үз тамашачысы бар. Ә "Тамада-шоу"да барыбызның да тамашачысы бер залда җыелачак. Тамада һөнәре - җиңел түгел, ул - психолог та, артист та, юморист та, биюче дә, матур итеп сөйләүче дә... Тагын шуны әйтәсем килә: алып баручылар арасында ир-егетләргә күбрәк өстенлек бирәләр, чөнки алар бәйрәмне, чын-чынлап, "кыздыра" ала. Әмма хатын-кыз алып баручылар килен белән ана темасына йөрәккә үтеп керерлек итеп сөйли белә, - ди "Бал&май" бәйрәм оештыру агентлыгына нигез салучы Марсель Мәхмүтов. Шуны да әйтергә кирәк, "Бәби көтәбез әле" җырының клибында төшкән Лилия Муллагалиева, Гүзәл Идрисова, Замирә Рәҗәпова, Айгөл Шәйхетдинова, Гөлназ Шәрипҗанова "Тамада-шоу"да яңа җырның премьерасын тәкъдим итәчәк. "Бәхетле бул, балам" җырының көен Илназ Баһ, сүзләрен Эльвира Сафина иҗат иткән. Җырны артист кызлар өлкәнрәк балалары белән бергә башкара. Тиздән бу җырның клибы да дөнья күрәчәк.
--- |
Иң күп укылган
|