|
|
Бүген кемнәр туган
|
|
Архив
|
13.03.2017 Матбугат
Гөлүсә Закирова яңа эшкә керешкән"Татмедиа" оешмасы нәшер итүче "Гаилә һәм мәктәп" журналы әле берничә ел гына чыгып килә. Ул элеккеге "Мәгърифәт" газетасы нигезендә оешкан иде. Шушы көннәрдә аның баш мөхәррире Гөлүсә Закирова яңа эшкә керешкән. Дөрес, әлегә "Гаилә һәм мәктәп"тән бөтенләй китеп бетмәгән ул. Әмма бу вакытлыча, булса кирәк. Чөнки Гөлүсә Закирова "Идел" журналына баш мөхәррир урынбасары булып күчкән. Радик Сабиров җитәкчелегендәге әлеге басмада "Әдәби суд" дигән кызыклы гына сәхифә чыгып килә. Яшь һәм бик үк яшь булмаган шагыйрьләрнең әсәрләрен сүтеп җыялар. Чын мәхкәмәдәге сыман яклаучы, гаеп итүче, хөкемдар һәм протокол бар монда. "Әдәби суд"ның берсе Гөлүсә Закирова иҗатына багышланган иде. Сүз уңаеннан, әле бер-ике ай элек кенә Линар Закиров "Гаилә һәм мәктәп" журналында баш мөхәррир урынбасары булып эшли башлады, дип язган идек. "Матбугат.ру"га билгеле булганча, Линар бик аз вакыт эшләгән әлеге редакциядә. Хәзер ул Татарстан Дәүләт Советының матбугат үзәгендә тир түгә. Менә шундый хәлләр.
--- |
Иң күп укылган
|