Кечкенә Тимурга безнең ярдәм кирәк

Казанда яшәүче 4 яшьлек Тимур яхшы күңелле кешеләр ярдәменә мохтаҗ. Малай сөйләшә алмый. Башкалар кебек кирәкле әйберне дә, теләгән ризыгын да сорый алмый, авырткан җирен дә әйтә белми. “Улыбызны ничек тә аякка бастырасы килә. Табиб­лар да өметләндерә”, – дип әнисе башкалардан ярдәм сорый.

 “Улым дөньяга сау-сәламәт бала булып килде. Ике яше тулыр алдыннан бер прививка ясаткан идек. Әнә шуннан соң күзләре кылыйланып китте. Үз-үзен тотышында үзгәрешләр күренә башлады. Кирәксә-ки­рәкмәсә йөге­рә, сикерә, башын бәрә. Сөй­лә­шүен­нән туктады, күп кенә га­дәтләнгән эшләрен онытты. Без аптырашта калдык, – дип сөйли әнисе Ми­ләүшә. – Табибларга йөри башладык. Баштарак алар: “Әле бит ул кеч­кенә. Бераз үскәч, бар да җай­ланыр”, – диделәр. Ә мин исә, аның үз-үзен тотышында үз­гәрешләрне күреп, өйгә психиатр чакырттым. Әлеге табиб ханым бездә озак утырды. Ә аннары: “Балада аутизм”, – диде. Бу –  психик авыру. Тикшерелә башлагач, аның диагнозы чынлап та дөреслеккә туры килде. Улыбызны Мәскәү табибларына күрсәтеп торабыз. Алар  исә баланы дә­валау буенча махсус программа төзи. Казанга кайтып, шуның буенча дәвалануны дәвам итәбез”.
 
Баланы Йошкар-Ола табиб­ларына да күрсәтеп караганнар. Алар, башына томография ясагач, сул як ярымшарында шеш барлыгын күрә. Әгәр ул үсеп китсә, Тимурның күзе начараерга, анда эпилепсия авыруы да башланырга мөмкин икән.  “Гел тикшеренеп тора алмыйбыз. Барысына да акча кирәк бит. Баланы дәвалар өчен дә акчабыз көчкә җитә”, – ди Миләүшә.

Әти-әнисенә Тимурны тәр­бияләү  җиңел түгел. Бар ашаганы – чәй белән клиндер. Бүтәнне ашамый. “Нидер борчыса, кычкыра башлый. Хастаханәгә бару үзе бер җәфага әверелә. Кай җире авыртканын аңламагач, кирәксә дә, кирәкмәсә дә табибка мөрәҗәгать итәргә туры килә. Аның белән чират торулары бик авыр”. Баласы авырый башлагач, әти-әнисенең тормышы да нык үзгәргән. “Туганнар, дуслар белән дә аралашкан юк. Бөтен вакытыбыз Тимур белән уза, – ди әни кеше. – Интернет сәхи­фә­сендәге төркемгә яңа дуслар чакырам. Әзме-күпме акча килеп тора. Озакламый дәваланырга барачакбыз. Безгә тагын 340 мең сум акча җыярга кирәк. Ирем үзе генә эшләгәч, тормыш җиңел түгел. Улыбызны ничек тә аякка бастырасы килә. Табиблар да өметләндерә. Әмма дәвалану өчен мөмкинлегебез җитми. Шу­ңа күрә мәрхәмәтле кеше­ләрдән ярдәм сорарга булдым”.

Тимурга булышыр өчен исәп-хисап реквизитлары:
 
Карта Сбербанка
5469 6200 1916 7723
(Милеуша Мунировна К.)
Qiwi +7 987 422 80 93
PayPal:
kostromina-mm@yandex.ru
Билайн +7 904 669 69 55
МТС +7 987 422 80 93
vk.com/timyr_kostromin