• 22.11-25.11 Российский Форум Маркетинга 2017. г. Москва, ул. Веткина, д.4, Ювелирный Дом «Эстет».
  • 24.11 Илһам Вәлиев концерты. Казан, БКЗ. 19.00
  • 25.11 Elvin Greyның 3D-шоулы концерты, Казан - Боз сарае. Башлана 19:00.
  • 27.11-28.11 SYNERGY GLOBAL FORUM. Бизнес-форум года. Москва. СК Олимпийский.
  • 28.12 "Школа волшебников". Новогодний мультимедийный спектакль. КСК "Уникс". 15:00, 18:00.
Туган көннәр
  • 23 Ноябрь Дәрдемәнд (1859-1921)
  • 24 Ноябрь Григорий Панин
  • 24 Ноябрь Дилбәр Фәиз
  • 25 Ноябрь Габделбәр Ризванов
  • 25 Ноябрь Ильяс Әүхәдиев (1904-1968)
  • 25 Ноябрь Роберт Туктаров
  • 26 Ноябрь Финзия Газизова
  • 26 Ноябрь Фирдания Садриева
  • 26 Ноябрь Шәриф Хөсәенов (1929-1999)
  • 26 Ноябрь Рөстәм Галиуллин
  • Кышкы каникуллар якынлаша. Мәктәп балалары өчен Казан һәм җөмһүрият буйлап сәяхәтләр оештырганда тәҗрибәле экскурсоводларга мөрәҗәгать итегез. Тел 89375232525
  • Туй, юбилей,туган көн бәйрәмнәренә,һөнәри бәйрәм уңаеннан, билгеле даталарга, корпоратив кичәләргә оригиналь котлаулар язам. 89871726162
  • Зимняя и летняя РЕЗИНА из Европы, б/у, разных размеров и производителей. В наличии. Вся резина проверена. Шиномонтаж. Тел.89274283360 Марат.
  • Буаз тана сатыла.Әтнә.88436936179
  • Тана ите сатыла. Ал, арт сан. Телэгэн санны сайлап ала аласыз. Балтач. 89178802154 Марсель
  • Занятия логопеда, дефектолога. Константиновка, Самосырово. 89003232578
  • Сдаётся 2хкомнатная квартира посуточно на проспекте Альберта Камалеева 89625483773
  • Меняю дом в экологически чистом районе на квартиру в Казани 89061108949
  • Продается автомагнитола LG модель LAC-M3600R в рабочем состоянии - 600 руб. +79872079780
  • Ищем девушку на подселение 89625483773

 

 

 

 

 
Архив
 

               

07.02.2017 Мәдәният

Лилия Муллагалиева: “Безнең балалар иҗатка караганда спортка күбрәк тартылган” (ИНТЕРВЬЮ)

Татарстанның атказанган артисткасы Лилия Муллагалиеваның чыгышлары сирәгәйсә дә тамашачылар социаль челтәрдәге фотолардан аның тормышын дикъкать белән күзәтеп бара. Бүгенге көндә бәләкәй уллары белән мәш килгән арада Лилия Муллагалиеваның яңалыкларын белештек.

— Өченче баланы алып кайту сәбәпле сәхнәдән бераз читләштегезме?
— Мин гаилә кешесе. Без Айгөл Бариева белән бергә эшлибез, тик соңгы арада, чыннан да,  концертларны да сирәгәйттек, бәйрәмнәрдә дә артык еш чыгыш ясамыйбыз.  Тамашалар булмый торганда үз-үземә урын таба алмыйча йөрим дип әйтмәс идем. Бу минем төп хезмәтем булса да, иң беренче чиратта мин иремә һәм гаиләмә таянам. Иҗаттан кала ландшафт дизайны белән мавыгам һәм чәчәкләрдән рәсемнәр да ясыйм. Яшь вакытта шул юнәлеш буенча укырга киткән булсам, миннән яхшы дизайнер чыгар иде дип уйлап куям кайчак, чөнки күлмәк тектергәндә дә тукыманың төсен, аның тегелешен һәм бизәкләрен алдан ук күз алдыма китерәм, эскизны ясыйм һәм аннары гына тегүчегә илтеп тапшырам. Өйдә ремонт ясаган вакытта да обойларның, җиһазларның, хәтта чынаякларның да нинди буласын күзаллый идем. Кемдер төзелеш кибетендә югалып кала, сайлап азаплана, ә мин нәрсә кирәген белеп йөрим. Ул яктан сәләт бирелгән. Хәтерлим, капкаларны чуерташлардан ясаганда, барысын да бөртекләп җыеп утыргач, тезләр һәм куллар калмый иде, кояш астында арып бетсәң дә башлаган эшне тәмамларга  Ходай көч бирде. Авыр булса да андый эшне канәгатьләнү хисе белән башкарам.
— Сәхнә кешесе булгач һәрвакыт үз-үзеңне карап тору кирәктер?
— Дөньяга чыгып керү, сәхнә кешесе булу, әлбәттә, үзеңне формада тотарга сәбәпче була. Бигрәк тә телевизор экраны аша кимчелекләрне бәяләргә мөмкинлек туа. Хатын-кызның да төрле вакыты була бит, балалар туганда үзгәрәсең дә. Минем гомер буе диетада утыруым беркемгә дә сер түгел. Формада булу өчен үз өстемдә бик каты  эшләргә кирәк. Спортзалга да йөрергә, ашау ягыннан да чикләүләр кертергә туры килә. Авырлы вакытта мин, әлбәттә, теләгәнемне ашадым, хәзер исә җәйгә кадәр үземне элеккеге формага кайтару максаты куелган.
— Гаилә өчен камыр ризыклары да пешерми тормыйсыз. Шул чакта тәмле ризыктан баш тартырга ихтыяр көче җитәме?
— Ул яктан мин көчле кеше. Тыелып тору өчен ихтыяр көче җитәрлек. Мин үз гомеремдә бик көчле итеп ике тапкыр ябыктым: студент вакытта унбиш килограммны югалтсам, аннары бәби тапкач утыз килога кадәр авырлык белән хушлаштым. Әйткәнемчә, бала күтәргән вакытта мин үземне чикләмим. Бүгенге көндә исә белгеч ярдәме белән төзелгән махсус диетада утырам. Ул миңа көндәлек меню юллап тора.
— Улыгыз хоккей белән шөгыльләнә, ә кызыгызның мавыгулары нинди? Балалар иҗатка тартылганмы?
— Улым дүрт яшеннән үк хоккейга йөри башлады. Ул инде әлеге спорт төре белән ун ел шөгыльләнә. Кызым Илвина белән исә күптән түгел концертта бергәләшеп чыгыш та ясадык. Балаларда иҗатка артык кызыксыну бар димәс идем, алар күбрәк әтиләре кебек спортка тартылган. Кызым нәфис гимнастикага йөрде, ә  хәзер без спорт гимнастикасы белән шөгыльләнәбез. Алга таба колга белән сикерүгә күчәргә исәп бар. Илвинага нәкъ шундый спорт төрләре ошый. Иҗатка килгәндә, улымның гармунда уйнавын теләр идем, чөнки балачактан әтинең гармун көйләрен тыңлап үстем. Тормыш иптәшем дә гармунда уйнасын дигән хыялым бар иде, Аллага шөкер, ирем ул яктан сәләтле. Шушы гадәт буыннан-буынга күчсен иде. Иптәшем дә уналты яшендә генә уйный башлаган, бәлки, улым да тартылыр әле.
— Балаларны спорт түгәрәкләренә кем йөртә?
— Бу эш күбрәк  әтиләре өстендә. Үзем дә кул кушырып утырмыйм. Данил әтисе белән хоккейга киткән арада, без Илвина белән гимнастикага юл тотабыз. Әтиләре спортсмен булганлыктан, ул алар белән шөгыльләнә, ел буе тиешле витаминнарны биреп тора. Алар спорт белән шөгыльләнгәч ризыкларны да туклыклырак итеп әзерләргә тырышам.
— Нәрсәнедер үз вакытында эшләмичә калдым дип үкенгәнегез булдымы?
— Андый мизгел булмады. Үкенергә язмасын да. Тормышны ничек бар, шулай кабул итәргә кирәк. Кайбер артистлар айлар буе гастрольдә йөри, мин аларга сокланып карыйм, чөнки бу бик авыр хезмәт. Ир белән хатын бергә эшләгәндә җиңелрәк, тик гаиләне, балаларны калдырып кайдадыр чыгып китү бик авыр. Моны артист кеше генә аңлый, тамашачы, бу хезмәтне татып карамагач, бар авырлыгын тоя алмый, ләкин җырчы кешегә тамашачы каршында чыгыш ясап тору һава кебек кирәк.
— Социаль челтәрләргә гаилә фотоларын куеп барасыз. Күз тияр дип курыкмыйсызмы?
— Барысы да үз энергетикаңнан тора. Мин Ходайга бик ышанам, шуңа да начар уйлы кешеләрдән сакласын дип телим. Яхшы күңелле кешеләр барыбер күбрәк бит бу дөньяда. Тормышка оптимистик күзлектән карарга һәм бу карашымны башкаларга да җиткерергә тырышам. Психологик яктан мин яндагы кешене яхшы тоям, сөйләшкәндә дә әңгәмәдәш белән нинди темага сүз алып барасын, сүзләрне ничек кабул итәсен чамалыйм.
— Тәвәккәл кешеме сез?
— Миндә икеләнү, гомумән, юк. Кибеттә берәр нәрсә ошаса мин шунда ук сатып алам. Кайдадыр ял итәргә барырга кирәк икән, мин башкаларны үгетли алсам да, алмасам да барып юллама алам. Тик соңгы арада самолетта очарга курка башладым, чөнки Салехард шәһәреннән гастрольдән кайтканда самолет Мәскәү өстеннән төшә алмыйча бик азак очты, Чиләбегә Сабантуйга очканда бөтенләй яшенле вакытка туры килдек, төрле һәлакәтләрдән соң бигрәк тә курку хисе көчәйде. Элек очышларны шундый җиңел генә кичерә идем, тик хәзер үземне җиңә алмыйм.
— “Мәхәббәт, кәҗә һәм башкалар” музыкаль комедиясендә үзегезне актриса буларак сынап карадыгыз. Бу күптәнге хыял идеме?
— Мин спектакльләрдә мәктәптә генә уйнадым, ә театральләштерелгән тамашаны оештыру уе күңелдә йөри иде. Җитди роль башкарасым килсә дә,  комик образ миңа күбрәк килешә диләр. “Мәхәббәт, кәҗә һәм башкалар” тамашасын да бөтен җирдә күрсәтеп бетерә алмадык,  чөнки ул бик чыгымлы проект. Аның реквизитлары да бик күп булды. Дөрес, сәхнәдә җырчылар уйнагач, тамашачы аны концерт дип кабул итте, ләкин Раушан Шәриф аны музыкаль комедия итеп язды.
— Бу сезонда сез “Кызлар рулят” тамашасын тәкъдим итәсез. Аның эчтәлеге нидән гыйбарәт?
— Без ел да тамашачыга кызыклы театраль концерт тәкъдим итәргә тырышабыз. Башыннан ук җырчылар да, биючеләр дә, уен коралларында да кызлар гына булыр дип оешкан идек, тик аннары барыбер егетләрсез булмый икән дигән нәтиҗәгә килдек. Тамашада Гүзәлия исемле музыкант, биюче һәм җырчы кызыбызны кияүгә бирергә булдык. Концертка сценарийны Зәмирә Рәҗәпова белән Фәрит Галиев язды. Фәритне аннары программага кияү егете итеп катнаштырырга да булдык. Башында бер егет тә алмабыз дип тотынган идек, ахырына таба барыбер ирләрсез дөнья бармый икән дигән сүзгә инандык, ләкин кызлардан гына торучы тамаша “фишка”сы исемдә чагылыш тапты.
 


Фотолар шәхси архивтан алынды.

 

Гөлшат МИНГАЗИЗОВА
Gong-TV
№ --- | 07.02.2017
Gong-TV печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments