• 25.04 Мунча ташы - "Чамаламадык". Казан. Ленин ис. мәдәният сарае. 18:30
  • 17.05 Элвин Грей концерты. Казан. Спорт сарае. 19:00
Туган көннәр
  • 25 Апрель Асия Галиева
  • 25 Апрель Тимур Акулов
  • 25 Апрель Лия Заһидуллина
  • 25 Апрель Халисә Мөдәррисова
  • 26 Апрель Ильяс Халиков
  • 26 Апрель Римма Бикмөхәммәтова
  • 26 Апрель Ләззәт Хәйдәров
  • 26 Апрель Габдулла Тукай (1886-1913)
  • 26 Апрель Илшат Хәбибуллин
  • 27 Апрель Зөһрә Сәхәбиева
  • Казан шәһәре Бертуган Касыймовлар урамы 22/7 йортта (тулай торак) 18 кв.м.лы бүлмә озак вакытка арендага бирелә. Бүлмәдә диван, шкаф, телевизор бар. Кухняда шкаф һәм өстәл һәр бүлмәнең аерым. Коридор чиста, күршеләр тыныч. Бәясе аена 10 мең. Йорт янында медучилище һәм автотранспортный техникум. Шалтыратыгыз 89274406462
  • Плитка ябыштыру. Ванна булмәсе "под ключ". Казан. Тел.89372896918.
  • Актаныш. Сатам.Костюм-чалбар, бер тапкыр да киелмәгән, 50 размер, 2000 сум, бераз киелгән, 50 размер, 1400 сум. Сатулашу – мөмкин. 8 903 318 72 87
  • Казан шәһәре Ю.Фучик урамында барлык уңайлыклары булган бүлмә арендага бирелә. (коммуналка) 89272415575
  • Мед.колледж янында урнашкан (Мавлютова, дер.Универсиада янында) 2 булмәле фатирга подселениега татар кызы эзлибез. Айга 4700 сум). 89274312228) 10 майдан күчәргә була)
  • Продам 2-ух комнатную квартиру в авиастроительном районе города Казани. Площадь 45кв метра. Цена 1950000. Есть небольшой торг. Риэлторы мимо. Собственник. 89172603269 Мунир.
  • Сезнең размерлар буенча проф.трубадан чыдам теплицалар. Кулай бәя. Апас, Кама Тамагы, Тәтеш, Буа, Кайбыч. Китереп бирү, урнаштыру бушлай. 89370049868
  • 1991 елгы т 40 АМ тракторы, арба 2 птс4 (документсыз)+ запчастьлар. Бәясе 160 000 тел.8917 224 42 79 Тукай районы
  • Тентлы яңа Газель Некст бн йөк ташыйм. Биеклеге 2.20, озынлыгы 4.20. Телефон:505-10-10. Рөстәм.
  • "Семерка" машинасы сатыла, 2007 елгы тел- 89274810123

 

 

 
Архив
 

               

07.02.2017 Матбугат

«Татарстан яшьләре»н 100 мең тираж белән чыгарган журналистлар хәзер кайда? (ФОТО)

90нчы – 2000нче елларда «Татарстан яшьләре» татарда иң популяр газета иде дисәк, һич арттыру булмас. Анда эшләү дәрәҗәле иде, хезмәткәрләренә фатирлар бирәләр иде, хезмәт хакы югары иде. «ТЯ» дигән аббревиатураны белмәгән татар булмагандыр. Газета гаилә саен килә иде. Кемдер аның 100 мең, кемдер 130 мең, кемдер аннан да зуррак тиражын хәтерли. Ул чактагы «ТЯ» журналистлары хәзер кайда? Шуларны барларга булдык.

 
 
 
 
 
 
Миңназыйм Сәфәров
 
Миңназыйм Мәүлетович «Татарстан яшьләре»ндә баш мөхәррир урынбасары иде. Журфакта да укытырга вакыт табу сәбәпле, шуннан талантлырак студентларны «ТЯ»га чүпләп ала иде. Хәзер инде шактый еллар «Ватаным Татарстан»ны җитәкли.
 
 
Мансур Мортазин
 
Мансур әфәнде төрле матбугат чараларында эшләде. «Шәһри Казан»да баш мөхәррир булган чагын да хәтерлисездер. Хәзер ул китаплар чыгару белән мәшгуль. Дуслар, туганнар өчен хәләл мәҗлесләр, никахлар да алып бара.
 
 
Әлфия Самат
 
Әлфия апа – үз көнен үзе күрүче журналист. Китап чыгару өлкәсендә дә эшли. Күптән түгел авыл хуҗалыгы, фермерлык буенча китабы чыкты, дип беләбез. Казанда яши. Диндә. 
 
 
Риман Гыйлемханов
 
Риман абый «Ватаным Татарстан»да эшли. Язмаларын газета битләрендә даими күреп була. Шулай ук берничә ел элек Габдулла Тукай фондын оештырды ул. Шушы фонд белән Тукай эзләре буйлап дөнья гизә.
 
 
Рәис Насыйбуллин
 
Рәис абый «Татарстан яшьләре»ндә икътисадый темаларга яза иде. Хәзер кайда нишләгәнен белмибез. Бизнес өлкәсендә тир түгә дип ишеттек. Фейсбукта да утыра.
 
 
Флюра Низамова
 
Гадел Низам һәм Зөләйха Кыдашева да ул. Аның язмаларын һәрвакыт көтеп алалар иде. Хәзер дә шулай. Тик Флюра апа бик сирәк яза. Башкортстанда туган авылында салмак кына яшәп ята. Дөнья хәлләрен интернеттан белә, шунда аралаша. Әллә нигә бер Флюра апа Казанга килеп китә. Торт күтәреп «Татарстан яшьләре» редакциясенә кереп чыгарга җай таба. Торт ашарга һәм Флюра апаны күрергә бөтен этаж җыела.
 
 
Раиф Усманов
 
Раиф бүген берничә газета чыгара. Шуларның иң зурысы – «Ирек мәйданы». «ТЯ»да «Журналист буласың килсә» дигән бәйге бар иде. Югары сыйныф укучылары мәкаләләр язалар да, иң кызыклы язма авторы журфакка имтихансыз керә. «Мин каникулымны ничек үткәрдем» ише бала-чага язмалары арасына берзаман берәр полоса, икешәр полоса сәяси мәкаләләр белән Раиф Усманов килеп керде. Һәм бу бәйгенең бернинди мәгънәсе калмады. Мәктәп баласы язган «Россиянең сәяси диңгезе кораблары кемнәр алар?» дигән аналитик мәкалә күпләр өчен шок булды. 
 
 
Лилия Сөнгатуллина
 
Лилия дә ире Айдар белән берничә газета чыгара. Гайбәт, гыйбрәт, тормыш, авыл, ир белән хатын мөнәсәбәтләренә багышланган басмалар шактый тираж җыя. Бүген алар Питрәчтә яшәп яталар, балалар үстерәләр.
 
 
Илфак Шиһапов
 
Илфак матбугат битләрендә күренми тормый. Газета ача һәм яба, кибет ача һәм яба, җырчыларны продюсерлый, Гөлнара Сабировада «Шәһри Казан»да да эшли, мәкаләләр яза. Кайчандыр үзе дә «Татарстан яшьләре»нә бик күп язган Илсөя Бәдретдинова белән күптән түгел аерылыштылар.
 
 
Гөлнара Сабирова
 
Гөлнара Ильясовна бүген «Шәһри Казан»да “башмөхәррирлек” итә. Сугыш барган Чечня дисеңме, иң куркыныч җинаятьчеләр утырган «Черный дельфин» төрмәсе дисеңме - «Татарстан яшьләре»ндә эшләгән вакытта аның йөрмәгән җире калмады. «ТЯ» заманыннан ул бер яраткан шөгылен саклап калды: әле дә шигырьләр, җырлар яза. Берничә елга бер иҗат кичәсен уздыра.
 
 
Ләйсән Хәйруллина
 
Ләйсән Вәлиева ул хәзер. «Татарстан яшьләре»ндә эшләгән иң яшь кыз. «Ничек шулай яшь килеш алдылар аны?» - дип аптыраучылар да бар иде ул вакытта. Ләйсән соңыннан «Седьмое небо» реклама оешмасында, журналистикада, пиар өлкәсендә эшләде. Хәзер Биектауда яши, балалар үстерә. Диндә. Яулык киде.
 
 
Данил Сәфәров
 
«Татарстан яшьләре»ндә штатта булмады. Әмма берничә ел дәвамында даими рәвештә «Тамаша» рубрикасын алып барды. 20дән артык җырчы катнашулы суд эшләре дә булды «ТЯ»да чыккан язма буенча (редакция һәм автор җиңде). Данил 10 еллап «Барс-Медиа» оешмасында эшләде. Хәзер интернет-проектлар белән көн күрә.
 
 
Чулпан Фәттахова
 
«Татарстан яшьләре»ннән иң соңгы булып киткән кешедер. Узган елларга кадәр эшләде. Олуг язучы Нурихан Фәттахның кызы хәзер фрилансер, ягъни үз-үзенә эшләүче. Атна уртасында компьютер каршында булса, ялларны әнисе янында Нагорныйда үткәрә.
 
 
Фирдүс Гыймалтдинов
 
«Татарстан яшьләре»нә эшкә кергәндә ул да бик яшь иде. Зур пыялалы күзлеге белән ул бик күп кызыклы язмалар иҗат итте. Баштарак исеме астына «Буа районы, Югары Лашчы авылы» дип куя торган булса, соңыннан бу имзасы төшеп калды. Хәзер Фирдүс – Фирдүс Салихович. «Татарстан» дәүләт телерадиокомпаниясен җитәкли.
 
 
Искәндәр Сираҗи
 
Искәндәр «Татарстан яшьләре» редакциясенә шар ярып керә иде. Шул чактан берни үзгәрмәде. Редакция генә үзгәрде. Хәзер аның үз басмасы – 8 меңләп тираж белән чыгучы «Сираҗи сүзе». Матбугат мәйданында үз куышын булдырганчы «Акчарлак»та, «Безнең гәҗит»тә эшләп алды.
 
 
Айгөл Гыймранова
 
Айгөл хәзер Америка килене. Шунда яши. Яңа фамилиясе – Лион. Сирәк кенә матбугат өчен яза да. Аралашуы күбрәк Фейсбук аша.
 
 
Марат Кәбиров
 
«Татарстан яшьләре»ндә актив басылган Марат Кәбиров язучылык эшен ташламый. Язмалары күбрәк «Шәһри Казан»да чыга. Блогер дисәң дә була аны. Социаль челтәрләрдә калдырган постлары бик күп лайклар һәм комментарийлар җыя. Марат Кәбиров – татар язучылары арасында үз китапларын интернет аша сатуны көйләп җибәрә алган беренче кешедер.
 
 
Равил Сабыр
 
Бер-ике көн элек «Матбугат.ру»га «Равил Сабыр табылды» дигән язма элдек. Аны 1600 кеше укыды. Равил Сабыр язмаларын берникадәр вакыт элек «БИЗНЕС Online»да күреп була иде, ул бу матбугат чарасының Чулман аръягы бюросын оештырып шеф-редакторы булып эшләде. Хәзер бу басмадан киткән. Әлмәттә ул «Татнефть» оешмасына караган «Нефтяные вести» газетасын җитәкли. 
 
 
Нәсимә Садыйкова
 
Нәсимә апа «Татарстан яшьләре»ннән ерак 1991 елда ук киткән. «Шәһри Чаллы» газетасының баш мөхәррире урынбасары булып эшләгән, «Көмеш кыңгырау» балалар басмасын җитәкләгән. Хәзер шунда ук, Чаллыда яши. 
 
 
Сәмигулла Хәбибуллин
 
Бу псевдоним астына Вахит Шәрипов “яшеренгән” иде. «Татарстан яшьләре»ндә Сәмигулла Хәбибуллинның язмалары бик күп чыкты. Һәм шактый күләмле язмалар. Күпләр белми, Вахит әфәнде мәкаләләрен русча яза иде. «ТЯ»га тәрҗемә итеп бирделәр. Вахит әфәнде һәрвакыт бизнес тирәсендә йөрде, хәзер дә шулай, дип беләбез.
 
«Татарстан яшьләре»ндә тагын Рина апа Зарипова бар иде, урыны җәннәттә булсын. Кайбер даими авторлар исә штатта булучылардан да күбрәк язды. Зөлфәт Хәким, Абугали Галимов, Фәрит Вафин, Миләүшә Хәйруллина, Җәүдәт Харисов һ.б. һ.б. Бу язмабызда, бәлки, кемнәрнедер онытып та калдырганбыздыр, гафу итәрсез...
 
Ә сез «Татарстан яшьләре»ндә кемнәрне яратып укый идегез?
 
 

---
Матбугат.ру
№ --- | 07.02.2017
Матбугат.ру печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments