• 25.04 Мунча ташы - "Чамаламадык". Казан. Ленин ис. мәдәният сарае. 18:30
  • 17.05 Элвин Грей концерты. Казан. Спорт сарае. 19:00
Туган көннәр
  • 22 Апрель Гөлнара Сабирова
  • 22 Апрель Әлфис Кыямов (1960-2004)
  • 22 Апрель Илнар Сәйфиев
  • 22 Апрель Илсур Сафиуллин
  • 22 Апрель Гөлназ Гыйниятова
  • 22 Апрель Руслан Айсин
  • 22 Апрель Марат Әмирханов
  • 23 Апрель Руслан Сафин
  • 23 Апрель Рәис Гыймадиев
  • 23 Апрель Гадел Галләмов (1919-1978)
  • Апас районында йорт сатам. 89061108949
  • Сдаётся 1комнатная квартира на длительный срок на улице Адоратского, г.Казань. 10 тыс+ку 89625483773
  • Татар телендә оригиналь фәнни эшләр, диплом, курс эшләре. 8-917-885-45-12
  • Казанда бакча участогы сатыла. Җәйге өе, мунчасы, базы бар. Участок сетка бн әйләндереп алынган. Калганы телефон аша. 89503242217
  • Яр Чаллыда бер булмәле фатир сатыла 89600749356
  • Казанда яңа бик матур сандык сатыла. т.89872219128
  • Диплом эшләре язам. 89179171857
  • Казанда Бертуган Касыймовлар урамында 18 кв.м. бүлмә сатыла яки арендага биреп торам. Тел. 89003243810
  • Актаныш. Ике булмәле фатир сатыла. тел.8-987-414-88-75
  • Апас районы Каратун снанциясендә бер булмәле фатир сатыла. Бәясе 550 мең. Балалар бакчасы, мәктәп, кибетләр якында гына. Балконы да, су кергән, чыккан. Белешмә өчен телефон 89274264525

 

 

 
Архив
 

               

25.12.2016 Мәдәният

Илдар Әсхәтов: “Продюсер иҗат белән шөгыльләнергә мөмкинлек бирә” (ИНТЕРВЬЮ)

Илдар Әсхәтов татар эстрадасының яшь җырчысы, ләкин аның иҗади тәхәллүс (псевдоним) астында чыгыш ясаганын күп тамашачы белми. Башкаручының чын исеме — Илдар Насыров. «Әсхәтов» сәхнә исеме исә юкка гына алынмаган: Илдарның әтисенең исеме — Әсхәт. Шуңа да әтисе алдындагы хөрмәтен күрсәтү өчен, биргән тәрбиясе, керткән тырышлыгына рәхмәт йөзеннән, баглаган өметләрен аклау исәбе белән Илдар үзенә шундый исем сайлады. Һәркемнең иҗаты кемгәдер багышлана диләр бит.

— Илдар, синең исемең татар эстрадасында таныла башлады. Концерт сезоны гөрләгән арада тамашачыга нинди яңалыклар тәкъдим итәсең?
— Тиздән PIXELSOUND PRODUCTION продюсерлык үзәге белән “Син кояшым бер генә” җырына клип төшереп,  Яңа елдан соң тамашачыга тәкъдим итәргә ниятләп торабыз. Ул минем беренче язылган җырларымның берсе. Башында мин  җырларның кавер-версияләрен башкара идем. Без ул вакытта композитор Игорь Хан белән эшли башладык, ул үз җырымны яздырырга тәкъдим итте. Игорь минем күп җырларымның көй авторы, беренче ул музыка иҗат итә дә, аннары мин шуңа туры китереп шигырь язам. Дөрес, бу авыррак.  Мин Илфат Шаихов, Хәмид Мәткәримов һәм башка композиторлар белән дә эшлим.
— Синең беренче альбомың дөнья күрде. Икенче альбомга яңа җырлар туплыйсыңмы?
— Бүгенге көндә Хәмид Мәткәримов тарафыннан иҗат ителгән “Мин сине сөярмен” җыры өстендә эшлибез. Беренче альбом бары үзем иҗат иткән җырлардан гына тора, ә хәзер мин башка авторлар белән дә хезмәттәшлек итәргә тырышам. Әлеге җыр миңа башыннан ук ошады, чөнки мин дәртле җырларны бик яратам, моңсу җырларны сирәк очракта сайлыйм. Мәсәлән, репертуарымда “Туган җиремә” һәм “Бас җиргә, сеңлем” исемле җырлар гына салмак башкарыла.
— Белүемчә, “Бас җиргә, сеңлем” җыры синең туганыңа багышлап язылган җыр.
— Әйе, бу җыр минем өч туган апам Дәринә Фәхретдиновага багышлана, шуңа да җырны башкарырга бик авыр. Ул мәктәптә  укыган чакта баскычтан егылып аяксыз калды, аннары икенче тапкыр уңышсыз егылып, икенче аягыннан да мәхрүм булды. Тик ул бик көчле шәхес, аны күпләр сәләтле җырчы буларак беләләр. Дәринә иҗатны бервакытта да калдырмаячак.
— “Татар моңы” конкурсында күп лауреатлар берничә тапкыр катнашкач кына уңышка ирешә. Синең дә әлеге җыр бәйгесендә катнашырга  теләгең зур иде, нинди нәтиҗәләргә ирештең?
— Бу елны, лауреат исемен ала алмадым, ләкин барыннан да күбрәк Миңгол абыйның өметләрен аклый алмаганга борчылдым. Анда конкуренция дә көчле иде. Конкурска “Туган җиремә” һәм “Ай, кызлар” ретро  җырын әзерләгән идек, тик баянист Наил абый белән аларны башкарып чыга алмадык, шуңа чыгыш алдыннан гына җырны алыштырырга туры килде. Беренче тапкыр Салават Фәтхетдинов каршында чыгыш ясау да өстәмә дулкынлану өстәде. Миңгол абый моңсуланмаска кушты. Дөрес, ничәнче тапкыр катнашып та җиңүгә дүртенче, бишенче тапкырдан гына ирешүчеләр бар. Мин дә җиңеп чыкмыйча максатымнан кире борылмыйм.
— Шулай ук “Манзара”  музыкаль премиясен алырга да бик көчле теләгең барлыгын белдердең. PIXELSOUND PRODUCTION продюсерлык үзәге белән хезмәттәшлек итү сәхнәдә үз урыныңны табып, дәрәҗәле премияләр отуга зур адыммы?
— Профессиональ продюсерлык үзәге белән хезмәттәшлек итү мөмкинлеге  меңгә бер генә була, яшь җырчыга эстрадага чыкканчы бик күп каршылыкларны, оештыру мәсьәләләрен хәл итәргә кирәк. Беренче баскычта моны башкарып чыгу бик авыр, шуңа да күпләр бик тиз сүрелә. Ә продюсер шушы авырлыкларны үз өстенә алып, җырчыга вокал, иҗат белән шөгыльләнергә барлык шартлар тудыра. Чыннан да, мин “Манзара” музыкаль премиясенә лаеклы булу өчен бик күп көч куям, шуңа да бу максатыма ирешермен дип уйлыйм.
— Әти-әниең продюсерлык үзәге белән эшләү, Казанга күченү турындагы хәбәрне ничек кабул итте?
— Әнием башында мәктәптәге эшне, укыткан балаларны калдырып китә алмассың дигән иде. Бу сүзләре аның үзенчә кайгыртуы булды инде. Әти исә мондый мөмкинлекне кулдан ычкындырмаска кушты. Иң авыры мәктәптәге укучыларымнан аерылу булгандыр, алар хәтта елап калды. Тик нәкъ менә кәгазь эше өчен укытучылык хезмәтенә кире кайтасы килми, ә балалар белән эшләү бик ошый.


Фото: «Дубай» фотостудиясе.

Гөлшат МИНГАЗИЗОВА
Gong-TV
№ --- | 24.12.2016
Gong-TV печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments