• 24.05 Россиянең атказанган сәнгать эшлеклесе, композитор Илгиз Мәҗитовны искә алу кичәсе. Казан, Филармония
  • 24.05 Айдар Галимов концерты. Казан. Тукай ис. филармония. 18:30
  • 26.05 Милли "KAZAN" шоу. Казан, "Туган авылым". 18:00
  • 11.06 Международный фестиваль "Шаляпин. Нуриев. Казань". ТГАТОИБ им. М.Джалиля. 18:00
Туган көннәр
  • 22 Май Ринат Шәмсетдинов
  • 22 Май Разил Камалов
  • 22 Май Нәзифә Кәримова
  • 22 Май Фәрит Мөхәммәтшин
  • 23 Май Илгиз Зәйниев
  • 23 Май Фасил Әхмәтов (1935-1998)
  • 23 Май Айзат Шәймәрданов
  • 23 Май Хәбил Бикташев
  • 23 Май Гамил Афзал (1921-2003)
  • 24 Май Фидаил Мәҗитов
  • Продам 2ух комнатную квартиру в Авиастроительном районе города Казани. Площадь 45кв. Цена 1950000. Риэлторы мимо. 89172603269 Мунир.
  • Продам телефон за 9500. Куплен в январе 2018г. Документы имеются. В хорошем состоянии. 89872610067
  • Салават күперендә бер бүлмәле фатир татар гаиләсенә арзан бәягә (7.500) арендага бирелә. 89033052264
  • Актаныш. Костюм-чалбар, бер тапкыр да киелмәгән, 50 размер, 2000 сум, бераз киелгән, 50 размер, 1300 сум. Сатулашу – мөмкин. 8 903 318 72 87
  • Биектау узэгендэ вакытлыча яшэп тору очен тэртипле гаилэгэ 2 булмэле яна фатир тапшырыла.Фатир жиhазландырылмаган, яшэргэ кереп торучылар уз жиhaзлары hэм техникалары белэн кученэ ала. Жиhaзландыру момкинлеге дэ бар. Фатир 9 катлы йортнын 5 катында. Белешмэ очен телефон: 89272465094
  • Сдам однокомнатную квартиру в новом доме со всеми условиями Авиастроительный район. 15+ку. 89172525401
  • Бәрәңге сатыла. 15 капчык. Актаныш. 89274768863.
  • Актаныш районында суган орлыгы (сөенчек) сатыла. Бәясе 40 сум/кг. 89196255266
  • Казанда Совет районында ремонт ясалган балконлы булмщ сатыла 18 кв м. 89274412220
  • Казанда Г.Кайбицкая урамында 1 бүлмәле фатирга кертәбез. Уңайлыклар бар. Т.89196307461.

 

 

 
Архив
 

               

23.12.2016 Җәмгыять

«Татфондбанк»тан акчаларын ала алмаган кешеләргә нишләргә?

Татарстанда эшкуарлар – ТФБ клиентларына ярдәм күрсәтү өчен махсус эшче төркем төзелде. Зыян күргән вкладчыларга 26 декабрьдә акча түли башлаячаклар.

«Татфондбанк» вкладчыларының дәүләт тарафыннан гарантияләнгән кертемнәрен 100 процент күләмендә (әмма 1,4 миллион сумнан да артык түгел) кайтаруга бәйле проблемалары булмаячак. 26 декабрьдә алар конкурс нигезендә сайлап алынган 5 банк-агентка мөрәҗәгать итә алачак. Алар: «Саклык банкы», ВТБ 24, «Россельхозбанк», «ФК Открытие» һәм «АК БАРС» банклары. Вкладчыларны конкрет банк-агентларга бүлү, алардан гаризалар кабул итү вакыты һәм урыны турындагы мәгълүмат җомга көнне, 23 декабрьдә кичкә таба АСВ (www.asv.org.ru) сайтында урнаштырылачак. Өстәмә мәгълүматны АСВның «кайнар линия» телефоны (8-800-200-08-05) буенча да алырга мөмкин.
 
Вкладчыларга акчаларын алу өчен түбәндәгеләр кирәк:
 
1. 23 декабрьдә АСВның  www.asv.org.ru сайтында вкладчыларны конкрет банк-агентларга бүлү, гаризаларны кабул итү вакыты һәм урыны турындагы мәгълүматны белешергә.
2. Банк-агентка паспорт күрсәтергә, шулай ук билгеләнгән тәртиптә акчаны кайтару турында гариза тутырырга. Гариза бланкларын банк-агентларның бүлекчәләрендә алырга һәм тутырырга мөмкин.
3. 26 декабрьдә банк-агентка паспорт белән килергә һәм гариза тутырырга. Гаризалар мораторий гамәлдә булган вакытта (өч ай дәвамында) кабул ителәчәк.
4. Гариза тутырганнан соң банк-агентта закон нигезендә акчаны кайтару өчен өч көн вакыт бирелә. Акчаны шунда ук кулга бирәләр яки алар вкладчының счетына күчереләчәк.
 
ЭШКУАРЛАРГА НИНДИ ЯРДӘМ КҮРСӘТЕЛӘЧӘК?
 
Акчаларын «Татфондбанк»та саклаучы эшкуарлар белән кайбер кыенлыклар килеп туарга мөмкин. Чөнки аларга декабрь ахырында хезмәткәрләренә эш хакы, салымнар түләргә һәм штрафка тартылучылар исемлегенә эләкмәскә кирәк. Татарстанда аларга ярдәм күрсәтү өчен ТР Президенты Рөстәм Миңнеханов күрсәтмәсе белән махсус эшче төркем төзелде, ул ТФБ клиентларының проблемаларын хәл итү белән шөгыльләнәчәк.
 
22 декабрь көнне Хөкүмәт вәкилләре белән очрашуда эшкуарларга түләүләр буенча салымнарны кичектерергә, күзәтү органнары тарафыннан хәерхаһлык күрсәтергә, 8-9 процентка кадәр киметелгән ставкалар буенча микрокредитлар бирергә һәм ташламалы шартларда яңадан финансларга вәгъдә иттеләр.
 
– Эшче төркем бизнесменнардан аерым эш итмәячәк. Без уртак эшчәнлек алып барачакбыз. Бездә эшкуарларның аерым категориясе бар, аларга хәзер, декабрь ахырында, хезмәт хакы, салымнар түләргә һәм штрафка тартылганнар исемлегенә эләкмәскә кирәк. Шуңа күрә салымнар буенча да махсус комиссия эшли. Әгәр акчалар түләнгән һәм исәп-хисап счетында булса, вәзгыять аерым каралачак, – дип вәгъдә итте эшкуарларга ТР икътисад министры Артем Здунов.
 
Хөкүмәттә һәр очракны аерым тикшерергә, ял көннәрендә һәм соңгы клиент проблемасы хәл ителгәнчегә кадәр эшләргә вәгъдә иттеләр. Рефинанслау мәсьәләләрен хәл итү өчен «АК БАРС» һәм ВТБ 24 банклары җәлеп ителәчәк, акчалар еллык 11 процентка кадәр ставка белән түләнәчәк. Эшкуарларга килгән зыянның гомуми күләме кабул ителгән барлык мөрәҗәгатьләрнең нәтиҗәләре буенча ачыкланачак. Республиканың башка банкларында акча түләүне туктату аркасында зыян күргән эшкуарларга да ярдәм күрсәтеләчәк.
 
Хәзерге вакытта Татарстан Хөкүмәте тарафынан «Татфондбанк»ның хәлен яхшырту өчен барлык чаралар да күрелә. ТР Президенты каршындагы ватандашлар эшләре советында ТР Дәүләт Советы Рәисе Фәрит Мөхәммәтшин әнә шулай дип белдерде.
 
– Безнең өчен бу көтелмәгән хәл булды. Әлеге банкның директорлар советы рәисе булган Премьер-министрны да бу вәзгыять борчуга салды, – диде парламент башлыгы.
 
Аның сүзләренчә, бүгенге көндә республикада әлеге кыен хәлдән чыгу өчен тиешле барлык чаралар да күрелә.
 
ЭШКУАРЛАР ӨЧЕН – «КАЙНАР ЛИНИЯ» ТЕЛЕФОННАРЫ
 
Моннан алдарак «Татфондбанк»ның эшкуар-клиентлары белән Татарстанның бизнес-омбудсмены Тимур Ногманов та очрашкан иде. Инстаграмдагы үз сәхифәсендә ул прокуратураның банк тирәсендә барган вакыйгаларны контрольдә тотуын искәртте.
 
– Республика прокуратурасы өчен төп өстенлек – гражданнарның, шул исәптән эшкуарларның мәнфәгатьләрен кайгырту. АСВ тарафыннан банкның хәленә бәя бирү төгәлләнми торып, прокуратураның да, башка хакимият органнарының да вакытлы администрация эшенә тыкшынырга хакы юк. Шуңа да карамастан, ТР прокуроры Илдус Нәфыйков Татарстанның барлык район һәм шәһәр прокурорларына кыен хәлдә калган эшкуарларга карата хәерхаһлык күрсәтү бурычын куячак, – дип ассызыклады Тимур Ногманов.
 
Бизнес-омбудсмен шулай ук эшкуарлар өчен мәгълүмати линия эшли башлавы хакында хәбәр итте: (843) 203 29 08.
 
Моннан тыш, 22 декабрьдә Татарстанда эшкуарлар – операция эшчәнлеген туктаткан банк клиентлары мәсьәләләре буенча «кайнар линия» ачылды. Эшкуарларга үзләрен борчыган сорауларга  (843) 524-90-90 телефоны буенча аңлатма биреләчәк. Телефон 2016 елның 31 декабренә кадәр көн саен 8.00-20.00 сәгатьләрдә эшли.
 
Иминият акчаларын түләү тәртибе турындагы өстәмә мәгълүматны шулай ук АСВның «кайнар линия» телефоны (8-800-200-08-05) буенча һәм АСВ сайтындагы «Страхование вкладов/Страховые случаи/ «Татфондбанк» (ПАО)» бүлегендә алырга мөмкин.
 

---
Интертат.ру
№ --- | 23.12.2016
Интертат.ру печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Себерке
Өмет
Диләфрүз
Татарстан Язучылар берлеге
comments powered by HyperComments