Айсылу Лерон: "Без эшлибез, ә акчаны башкалар ала, кайда гаделлек? дип җитәк­челектән сорагач, безне эфирдан читләштерделәр"

 

– Мин әле декрет ялында, өч бала белән мәш килеп киләм. Ялга чыкканчы “Татар радиосы”нда PR менеджер булып эшләдем, эфир да алып бардым. Алган акчамнан ка­нәгатьмен, миңа җитә. Ә гаи­ләне алып барырга ирем тырыша, аңа рәхмәт. Шундый очрак булды. Без күбрәк эшлибез, ә башкалар бездән аермалы артык көч дә куймый, ә акчаны күпкә күбрәк алганны белгәч, “Кайда гаделлек?” дип җитәк­челектән сорадык. Әмма арттыру да, акчаны тигезләү дә булмады, безне, берничә кешене, эфирдан ике айга вакытлыча читләштерделәр.

 

 

– Мин канәгать. Аллаһ биргәнен күпсенмәсен, булганына бәрәкәт бирсен дип телибез. Акча җитү-җитмәү, күп түләү-түләмәүгә килгән­дә, барысы да чагыштырмача.  Әгәр кеше комсыз булса, күпме алса да, үзен хәерче итеп тоюдан туктамас. Тик зарури әйберләр бар бит –  туклану, киенү,  яшәү урыны, дарулар... Әгәр  кешенең шуларга акчасы җитми икән, бу бик  начар. Соңгы арада бө­тен җирдә мактанып фә­лән кибет мохтаҗ­лар­га ипи өлә­шә дип яза. Чынында бу – хурлык. Мәсә­лән, минем хатын балалар бакчасында эш­ли, хез­мәт хакы   фатирга түләү һәм балалар бакчасы белән мәктәпкә түләүгә генә җитә. Мәчеттә имамлык итүче­ләр­не хөкүмәт тә, халык та тәэмин итми, мәчеткә кергән саен акча санап утыралар дип сөй­ләп кенә йө­риләр.

 

 

 – Гомергә акчага табынмадым. Әби дә, әти-әни дә булганына шөкер итеп яши­ләр иде, акча беркайчан да җитми. Кайчак байлыкка чумып, бу дөнья оҗмахында яшәүчеләр турында укып, ишетеп, күреп кызыгып куйган да буласың. Әмма кү­ңелгә шундук икенче уй килә: туплаган малны үзең белән алып китеп булмый. Рухи байлыкны өстен күрәм. Зыялы, зирәк, рухи яктан бай кеше­ләр беркайчан да зарланмый. Яшь вакытта ам­би­ция­ләр югары була, тормыш корганда акча күп ки­рәк. Ә барысы да җайлан­гач, ул икенче планга күчә. Гому­мән, кеше профессиональ икән, аның хезмәте югары бәялә­нергә тиеш. Яхшы җи­тәкче моны аңларга тиеш.  

 

 

– Укытучының хезмәт хакын югары дип булмый инде. Соңгы елларда күпме­дер яхшырту омтылышлары сизелде. Тик барыбер лаеклы хез­мәт хакы өчен күп сәгать­ләр алырга туры килә, өстәмә вазыйфалар йөкләнә, күп кеше репетитор булып йөри. Аеруча катего­рияләре һәм ква­ли­фикация­ләре булмаган яшь­ләргә авыр, хезмәт хакы аз чыга.Чит илдәге хәлләрне карап барабыз, аларда хез­мәт хакы күләме бездән күп­кә зуррак. Укытучы җәм­гыять­тә хөрмәткә дә ия, лаеклы тү­лиләр дә.