|
|
Бүген кемнәр туган
|
|
Архив
|
11.12.2016 Мәдәният
Филармониядә Татарстанның халык артисты Зиннур Нурмөхәммәтовны искә алу кичәсе узды (ФОТО)Исән булса, танылган җырчы, Татарстанның халык артисты Зиннур Нурмөхәммәтовка быел 11 декабрьдә 75 яшь тулыр иде. Шул уңайдан 9 декабрьдә Татар филармониясенең Кече залында җырчыны искә алу кичәсе узды. Кичә «Зиннур Нурмөхәммәтов җырлый» дигән фильм-концерт һәм Татарстан телевидениесе фондындагы язмаларга нигезләнгән сюжеттан башланып китте. Тамашачылар хәтерендә җырчының атаклы җырлары яңарды, күз алдыннан бер-бер артлы ул җырлаган, уздырган концертлар узды. Җырчының хатыны, озак еллар сәхнәдә оригиналь жанрда эшләгән Татьяна Романова, кичәдә катнашкан һәркемгә рәхмәт белдереп: «Сез мине һәрчак аңлап, һәрчак ярдәм итеп торасыз. Мөмкин кадәр ешрак очрашыйк, арадан киткәннәр турында истәлекләр уртаклашыйк, исән булганда бер-беребезнең кадерен белик. Тагын 5 елдан Зиннурның тууына 80 ел тула. Ул чакта да һәммәбез исән-сау булыйк» - диде. Зиннур Нурмөхәммәтов татар җыры сәхнәсенә яңалык булып килеп кереп, уйнак та, хисле-патриотик та, лирик та җырлары белән халык күңеленә мәңгегә язылган, затлы җыр тарихын язышкан шәхес! Мәңге онытылмаслык иҗатчы...
--- |
Иң күп укылган
|