|
|
Бүген кемнәр туган
|
|
Архив
|
29.10.2009 Мәгариф
«ТАТФОНДБАНК» АВЫЛДАГЫ СӘЛӘТЛЕ БАЛАЛАРНЫ БАРЛЫЙҮзенең 15 еллык юбилее уңаеннан «Татфондбанк» социаль акция игълан итте. Ул «Авыл җирлегенең 100 сәләтле баласы» дип атала. Әлеге чара ТР Авыл хуҗалыгы һәм азык-төлек министрлыгы һәм ТР Мәгариф һәм фән министрлыгы ярдәме белән уздырыла. Акциядә Татарстанның авылларында белем алучы 7-11 сыйныф укучылары катнаша. Гаризаларны кабул итү инде тәмамланды. Ә стипендиатларны бүләкләү тантанасы 2 ноябрь көнне «Корстон»да узачак. 100 сәләтле бала исемлеген республикабызның танылган кешеләреннән торган җәмгыяти шура төзиячәк. Акциянең шарты буенча, исемлеккә һәрбер районнан кимендә бер укучы кертелергә тиеш. Сайлап алуның төп күрсәткече булып укучының Олимпиадаларда һәм башка төрле региональ, регионара, россиякүләм дәрәҗәдәге конкурсларда ирешкән уңышлары тора. Бәяләгәндә чараның дәрәҗәсе, катнашучы яулаган урын, уңышларының саны һәм төрлелеге исәпкә алыначак. Җәмгыяти шура шулай ук укучының тормыш шартларын исәпкә алырга мөмкин. Мәсәлән, инвалидлык, ата-анасы булмау һ.б.
Акция исемлегенә кергән балага махсус пластик карта тапшырыла. «Татфондбанк» шул картага ай саен 1000 сум күләмендә стипендия күчерәчәк. Моннан тыш, стипендиягә лаек булган укучының укытучысына да кыйммәтле бүләк бирү каралган.
Акция турында тулырак «Татфондбанк» сайтында.
--- |
Иң күп укылган
|