|
|
Бүген кемнәр туган
|
|
Архив
|
28.10.2009 Юмор
"Т.Я." КУХНЯСЫБу юлы сезнең игътибарга редакциябезнең хатлар бүлеге хезмәткәре Раилә Фәтхуллина авызыннан эләктереп алынган "кызыкларны" тәкъдим итәм. Бөтен редакциядә ут беткәч, җыючы кызлар бүлмәсенә Раилә кереп:
– Микроволновка булса да эшлидер бит?
* * *
Раилә – Назиләгә:
– Сезнең авылдан яза бит әле бер бабай, монда да килгәне бар, ничек әле аның исеме?
Назилә:
– Ниндирәк соң ул?
– Ниндирәк дип, күзлеклерәк кенә бабай инде...
* * *
Раилә:
– Үләм, сусадым! Кыяр сусата ахры, карабодай ашаган идем.
* * *
Раилә:
– Көннәр тиз үтә дә инде. Кичә генә дүшәмбе иде, иртәгә инде җомга.
* * *
Алмаз Хәмзин – Раиләгә:
– Пермьнән бал тыгып җибәрделәр.
– Кайсы җиреңә?
* * *
Телефон чылтырый. Раилә:
– Але?
– Исәнмесез. Сезгә белдерү бирәсе иде. Ул бегущий строкада чыгадыр бит?
– Бу бит гәҗит...
– Беләм-беләм. Белдерүемне строкада чыгарасыздыр бит?
– Бездә строка юк...
– Алайса, болай чыгарыгыз.
– Әйтегез, язып алам.
– Нәрсә әйтергә?
– Белдерүегезне, билгеле.
– Әйттем бит инде!
– Эчтәлеген!
– Нинди эчтәлеген?
– Нәрсә сатасыз яки аласыз?
– Йорт инде, йорт.
– Аласызмы?
– Юк, сатам. Кырык квадрат метр.
– Нинди йорт соң ул, кирпечме, бүрәнәме?
– Бүрәнә. Строкада чыгарыгыз инде яме?
– Бездә строка юк!
– Алайса, болай гына чыгарыгыз...
* * *
Раилә:
– Базардан бер-ике кило бәрәңге алмакчы идем. Килолап бирмиләр икән, капчыклап алырга кирәк. Йөрдем-йөрдем дә, ачудан чәч буявы алып, чәчемне буядым.
* * * Раилә – Алсуга:
– Кайтырга җыендың мени?
– Юк, нигә алай дисең?
– Киенгәнсең бит!
– Кая, ничек итеп!
– Әнә бит, өстәлеңдә пакетлар ята...
* * * Раилә:
– Иртә белән үтереп йоклыйсым килеп уянып киттем!
Алсу САФИУЛЛИНА |
Иң күп укылган
|