|
|
Бүген кемнәр туган
|
|
Архив
|
27.04.2008 Матбугат
ШӨРЕПЛӘРНЕ ЯНӘ КЫСТЫЛАР...“Сүз иреге генә түгел, сүздән соң да ирек булсын” дигән сүзләре бар бер татар язучысының (хәтер начар, кем икәне истән чыккан, сорри, бигайбә, простите). Ләкин иреккә өмет итмәгез, хөрмәтле коллегалар. Русиянең Дәүләт Думасы узып баручы атнада Массакүләм мәгълүмат чаралары турындагы законны тагын да кырысландыруны шартлатып хуплады. Хәзер ялган мәгълүмат таратучы теләсә кайсы ММЧны дәүләт судсыз-нисез ябып куярга мөмкин. “Аякларның” кайдан үскәнен озак уйлап утырырга кирәкми - Путин белән Кабаеваның өйләнүе турындагы материалдан соң “Московский корреспондент” тирәсендәге гауга әле дә тынып бетмәгән. Дөрес, законга үзгәрешләр керткән “Единая Россия” партиясе вәкилләре шөрепләрне болай кысуны әлеге шау-шуга бәйләмәскә өнди. Сәбәп гади һәм инде ишетергә күнегелгән – әлеге дә баягы террорчылык белән көрәшү. Тик нигәдер чынлап та террорчыларга каршы көрәшер урынына депутатлар күбрәк журналист, халыкара оешма вәкилләре, омбудсменнар кебек “вак-төяк”, ләкин, чукынгыры, үз фикере азмы-күпме булганнарга каршы чаралар күрә. Ник дәшәләр, ник язалар, партия резолюцияләрен тыныч кына бастырып ятарга ярый бит инде?! Их, ниндидер аңламый торган халык күбәйде илдә! Андыйларга, җәмәгать, законны кырысландырырга кирәк. Юкса, Президентның берәр спортчыга өйләнү ихтималы турындагы имеш-мимеш беләсезме нинди террорга китерергә мөмкин?! Тик менә шөрепләрнең генә кысыла-кысыла ахыр чиккә җитеп, өзелә торган начар гадәте бар...
Фирдүс ГЫЙМАЛТДИНОВ |
Иң күп укылган
|