• 26.04-09.06 "Тукай карашы" И. Майоров күргәзмәсе (Санкт-Петербург). Г. Тукай әдәби музее
  • 23.05-24.05 "Тапшырыл...ган хатлар" спектакле премьерасы. Кариев театры. 18.30
  • 08.06-09.06 "Лето Балета" фестивале. УНИКС
Туган көннәр
  • 24 Май Кафил Әмиров
  • 24 Май Хәмдүнә Тимергалиева
  • 24 Май Алмаз Миргаязов
  • 24 Май Индус Таһиров
  • 24 Май Фидаил Мәҗитов
  • 25 Май Мәсгут Гайнетдинов
  • 25 Май Миргазыян Юныс (1927-2014)
  • 25 Май Госман Исхакый
  • 25 Май Әлфия Айдарская
  • 25 Май Илфир Якупов
  • Арча. Васильев Бужада 12 сутый җир сатыла. 89370045793
  • Татар телендә төрле дәрәҗә катлаулылыкта чыгышлар, докладлар язып бирәм яки тәрҗемә итәм. 89869257507
  • Казан шәһәре, Константиновка поселогында дача сатыла, 6 сот. 89370037412
  • 14R дисклы җәйге көпчәкләр сатыла. Яхшы хәлдә. 8мең.8655823885
  • Редакция тирәсендә эш эзлим. Белемем буенча югары белемле журналист. Журналист, текст басучы, корректор вазифаларын карыйм. Телефон: 89991574961
  • 1 июньнэн озакка Казанда Азино тирэсендэ бер булмэле квартир яисэ гостинка снимать итэбез. Ике татар кызы. Собственниктан кирэк, риелторлар борчымагыз. 89047183922(ватсапка языгыз,шалтыратуга жавап бирмим)
  • Актаныш районы Иске балтач авылында тана сатыла.89393844139
  • 2 булмэле квартирны эйбэт хэм тэртипле гаилэгэ арендага бирэбез. 15 мен+ коммуналка. Собственник. 8-98-69-17-51-15.
  • Общежитияда бер булмэле сатыла. 18 кв.м. 4 4 этажда .Ботаническая -20. Казань.89586235290 Бэясе килешу.
  • Маникюр Советский район (комбинированный маникюр+срез ножницами+однотонное покрытие гелем с выравниванием ногтевой пластины)-400сум Шалтыратыгыз,языгыз 89872344246

 

 

 
Архив
 

               

19.09.2016 Милләт

Автономия яшәячәк

Шулай ди Нижгар татарларының региональ милли-мәдәни автономиясенең башкарма директоры Рамил Әхмәт улы Салихҗанов. Шушы иҗти-магый оешманың исәп-хисап һәм сайлау конференциясе ел азагында булып үтәчәк. Делегатлар санын һәм географиясен үстерү максаты белән автономия җитәкчелеге аны күчмә итеп Сергачта оештырырга планлаштыра.

Ышандырып әйтә алам, РНКАТНОның киләчәге бар. Аның бүгенге хөрмәтле җитәкчесе Надир Мансур улы Хафизов рәислектән баш тартса да, ул РНКАТНОны ярдәменнән ташламаячак. Ни әйтсәләр дә, аның җитәкчелегендә автономия яңа форматта эшли башлады, заман таләпләренә туры килгән, халкыбыз ихтыяҗын киң күләмдә канәгатьләндергән структура төзелде, штат тупланды, эшчәнлек географиясе үсте. Иң мөһиме – иҗтимагый планнарны тормышка ашыру өчен, иң җитди проблема – акча мәсьәләсе хәл ителә башлады.
 
Болар барысы да Надир Мансуровичның халкыбыз файдасына куйган эчкерсез хезмәт казанышы. Шуңа күрә иҗтимагый тормышыбызда ирешкән уртак хезмәт уңышларыбызга ул киләчәктә битараф калырга һич тә җыенмый, кирәк вакытта һәрчак киңәш-табыш белән ярдәм итәчәген ачык белдерә. Әйтергә кирәк, безнең төбәктә үткән Федераль сабантуйда да аңа зур чыгымнар тотарга туры килде. Дөрес, бу өлкәдә милли бәйрәмебезнең безгә тигән финанс өлешен капларга шулай ук Камил Хафизов та, Рамил Надюков та, Илдар Мортазин да, Рамил Абдуллин да нык булыштылар. Өлкә хөкүмәте дә, аның эчке сәясәт министрлыгы да безнең төбәккә икенче тапкыр әйләнеп килгән Федераль сабантуйны оештыруга зур өлеш кертте, шул исәптә Т.Новгородның Канавино районы хакимиятенә дә без зур рәхмәтле.
 
Әлбәттә, Спас, Сергач, Пильна һәм К.Октябрь районнары җитәкчеләренә дә, Сафаҗай, Петрякс, Мочали, Бозлау, Моклока, Кочко-Пожар, Мөтеравыл, Красный Остров башлыкларына да, музыкаль номерлар әзерләп килгән авыл клубларының художество җитәкчеләренә дә без чиксез рәхмәтле.
 
Кызганычка каршы, Татарстан президенты Рөстәм Миңнеханов белән өлкә губернаторы Валерий Шанцев җитәкчелегендәге хөрмәтле сабантуй кунакларын тантаналы каршы алган очракта көтелмәгән хәлләр килеп чыгу аркасында, алдан билгеләнгән машруттан тайпылырга мәҗбүр булдык һәм шуның нәтиҗәсендә безнең районнардан зур әзерлек белән килгән делегацияләр алдында олы кунаклар тукталыш ясый алмады.
 
Шул сәбәпле Россия төбәкләреннән килгән йөзләп милләттәшебез безнең җирле татарларның казанышларын күрми калды, ә телеңне йотарлык ризыкларыбыздан авыз итү мөмкинлеге юкка чыкты. Аңлыйбыз, бу җитешсезлек безнең өстә, шуңа күрә зур бәйрәмдә игътибарсыз калган якташларыбыз алдында чын күңелдән гафу үтенәбез, - диде “Туган як”та кунакта булган күренекле якташыбыз, милләтпәрвәр җәмәгать эшлеклебез Рамил Әхмәтович.
 
Әйе, хөрмәтле әңгәмәдәшебез турында күренекле якташыбыз һәм милләтпәрвәр эшлеклебез дип, тикмәгә генә әйтмәдек бит. Туган авылы Бозлау колхозын озак еллар дәвамында уңышлы җитәкләгәне өчен Россиянең атказанган авыл хуҗалыгы хезмәткәре исемен йөртүче Рамил Әхмәт улы Салихҗанов 1977 елдан алып бүгенгәчә авыл һәм Спас районының Земство җыены депутаты булып тора. Ул кайда гына хезмәт куйса да, халкыбыз проблемалары аның шәхсән көн кадагыннан төшеп калганы булмады. Шуларны истә тотып, Татарстан президенты аны үзкуллап Рәхмәт хаты белән бүләкләде, ә узган елны шул ук казанышлары өчен өлкә “Туган як” газетасы редколлегиясе аңа “Ел кешесе-2015” исемен дә бирде. Гомере буе Спас районында җаваплы эшләрдә намус белән эшләгән якташыбызны кайгыртып, район хакимияте өлкә хөкүмәтенә “Түбән Новгород өлкәсенең хөрмәтле ветераны” исеменә лаек булуын раслаган үтенеч белән чыккан. Шунда ассызыклап үтәсе бар, Спас районының бу үтенечен өлкә Законнар чыгару җыены канәгатьләндергән. Димәк, абруйлы өлкә ветераннары сафында тагын бер милләттәшебез артачак, әмма ләкин бүгенгә аларны бер кулдагы бармаклар белән генә саныйсы...
 
“Туган як”ның кадерле кунагы белән без тагын күп нәрсәләр турында сөйләштек, тик аларның һәрбересе турында язарга әлегә иртәрәк дип килештек һәм бер-беребезгә халкыбыз файдасына куйган хезмәтләребездә уңышлар теләп саубуллаштык.
 
Фотода: 2008 ел. Спас райоын Бозлау мәдәният йортында өлкә көрәш федерациясен кабат оештыру конференциясеннән соң шушы милли иҗтимагый оешманың яңа сайланган президенты Р.А.Салихҗанов һәм вице-президенты З.А.Валемеев. 

Олег ӘНДӘРҖАНОВ
Туган як
№ --- | 19.09.2016
Туган як печать

comments powered by HyperComments

Фикерләр

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Түгәрәк уен
Татарстан китап нәшрияты
RAFINA/D
Милли Музей
Шаян
Ханский дом