|
|
Бүген кемнәр туган
|
|
Архив
|
25.07.2016 Хәйрия
Тимурга үз исемен ишетергә ярдәм итикКазанда яшәүче 5 яшьлек Тимур чишмә агышын, кошлар тавышын, әти-әнисенең матур сүзләрен иштеүдән мәхрүм. Аның туганда ук колаклары булмаган. Мондый авыру 10 мең очракка бер генә тапкыр очрый икән. Өстәвенә колак пәрдәсе дә юк, ишетү каналларының да үсеше туктап калган. “Баланы тапканнан соң, акушер ханымның сүзләрен ишеткәч, югалып калдым. “Сезнең балагызның колаклары юк бит”, – ди ул. Нишләргә дә белмәдем. Бер мәлгә телсез дә калдым”, – дип искә ала малайның әнисе Ирина. Тора-бара ул баласының башка сабыйлар төсле түгел икәненә ияләшә. Әмма тик утырырга да ярамый. Баласы бераз үсә төшкәч, Ирина табиблар эзли башлый. Әмма Казан хастаханәләрендә өметләндерүче табылмый. “Тимурга биш яшь тулмыйча берни эшли алмыйбыз, диделәр. Ишетү функциясе тулысынча шул вакытта формалашып бетә. Бары шуннан соң гына протез ясау турында сөйләшергә мөмкин булачак икән”, – дип сөйли Ирина. Улының бөтенләй ишетмәвенә йөрәге әрни аның. Балалар бакчасына йөрсә дә, ишетмәве аркасында, Тимурның яшьтәшләреннән шактый калышуы да тынгы бирми. Үзе улы белән уртак тел таба ала. Әмма малайга тирә-яктагылар белән дә аралашырга кирәк бит.
Хәзерге вакытта Тимур колак аппараты киеп йөрергә мәҗбүр. Әмма табиблар сайлаган аппарат малайга килешеп бетмәгән. Сабый аны бары тик 15-20 минутка гына кия ала икән. “Бу аппарат балага уңайсыз булып чыкты. Ул аны кигәч тә, берәр хәрәкәт ясауга ук, ниндидер тавыш ишетелә башлый. Шуннан соң Тимур салдыруыбызны сорый. Ияләнеп бетә алмады. Шуннан соң тагын эзләнүгә керештем, – ди әнисе. – Россиядә безнеке төсле авыруларга операция ясыйлар икән. Әмма нәтиҗәсе бик үк уңышлы булмаска да мөмкин, диләр. Беркем дә гарантия бирә алмый. Инде өметем өзелде дигәндә, телевизордан улымдагы кебек авырудан интеккән кечкенә малайны күрсәттеләр. Ваня иде аның исеме. Аңа бер фонд булышып, чит ил клиникасында колагына операция ясатканнар. Малай ишетә башлаган. Хәтта матур итеп колак та ясап куйганнар”, – ди Ирина.
Ваняга ярдәм иткән клиника табибларын эзләп таба ул. Алар Тимурга да операция ясарга әзер. Әмма моның өчен зур чыгымнар кирәк. Сабыеның башка балалар кебек булуын теләгән ана мәрхәмәтле кешеләрдән ярдәм сорый. “Чит ил клиникасында дәвалану һәм операция ясау өчен бик күп акча кирәк булачак. Сабыйның колаклары ишетмәгәч, башка органнарына да зыян килә. Аның үсеше тоткарлана. Улымның ишетүен бик тә телим. Җир йөзендә ярдәм итә алырлык кешеләр бик күп. Балама булышачакларына бик ышанам”, – ди Ирина.
Тимурга ярдәм итәргә теләүчеләр өчен исәп-хисап реквизитлары:
Билайн 8 (960) 05 49 763
Карта Сбербанка MasterCard
5469 6200 1866 1239
ИРИНА НАСЫРОВА
срок действия 06/19
--- |
Иң күп укылган
|