|
|
Бүген кемнәр туган
|
|
Архив
|
19.07.2016 Фаҗига
Татарстанда сырхауханәдә 9 айлык бала үлгәнСпас үзәк район сырхауханәсендә 9 айлык малайның үлү очрагы буенча җинаять эше кузгатылган. Бүген бу хакта "Акцент" хокук яклау төркеме хәбәр итә. Алар зыян күргән якка юридик ярдәм күрсәтә. "Һөнәри бурычларын тиешенчә үтәмәү аркасында, саксызлык буенча үтерүдә әлегә шәхесләре ачыкланмаган табиблар гаепләнә. Җинаять эше кузгатылган РФ Җинаять кодексының 109нчы маддәсенең 2 нче өлеше 3 елга кадәр иректән мәхрүм итүне күздә тота", - диелгән хокук яклаучыларның хәбәрендә. Шунда ук әйтелгәнчә, 14 июль көнне бала Спас үзәк район сырхауханәсенең реанимация бүлегенә китерелгән. Аңа "аспипарацион пневмания, Мендельсон синдромы, үпкәләр күперү, 3нче дәрәҗә сулышның җиткелекле булмавы" диагнозы куелган.
"Тикшерү мәгълүматлары буенча, ун сәгатьтән бала табибларның һөнәри бурычларын тиешенчә үтәмәве аркасында үлгән. Малай аллергиядән җәфа чиккән булган һәм, бер версия буенча, табиблар аллергик реакция кузгаткан дарулар кулланган булырга мөмкин", - диелгән хокук яклаучыларның мәгълүматында.
Кичә ТР Сәламәтлек саклау министрлыгы матбугат хезмәте республиканың сәламәтлек саклау министры Гадел Вафинның бала үлеме очрагын аерым контрольга алуын хәбәр итте.
"Бала үлеменең ахыргы сәбәбе әлегә ачыкламаган. Хәзер моның өчен гистологик, химикотоксикологик һәм вирусологик тикшерүләр үткәрелә", - дип хәбәр ителде.
ТР Сәламәтлек саклау министрлыгы мәгълүматына караганда, балага кирәкле медицина ярдәме күрсәтелгән. Медицина ярдәме күрсәтүгә Республика балалар клиник хастахәсенең реанимация бригадасы да җәлеп ителгән.
Алданрак хәбәр ителгәнчә, районга республика Сәламәтлек саклау министрлыгы педиатры җитәкчелегендә комиссия барган.
Гөлшат ГАНИЕВА |
Иң күп укылган
|