поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
10.07.2016 Шоу-бизнес

Филүс Каһиров хатынын саф татарча сөйләшергә өйрәткән

“Исемең җырчы булса”Филүс Каһировның таланты Рәшит Ваһапов исемендәге II Халыкара татар җыры фестивалендә калкып чыга. Хәзер инде ул бөтен дөньяга билгеле зур артист - Америка, Европа, Россия киңлекләрен яулаган искиткеч лирик тавыш иясе. Аның моңы җаннарга үтеп керә, тавышы кеше күңелендә хисләр өермәсе күтәрә.

Әлбәттә, Самара Сабан туенда Филүс Каһиров чыгыш ясаячагын ишеткән халык Гагарин паркының күл өстендәге сәхнәсен сырып алды. Ә мин Филүсне сәхнә артындагы чишенү-киенү бүлмәсендә табып алдым.  Ул “Яктылык” татар мәктәбенең “Йолдыз” бию төркеме биючеләре арасында концерт туфлилары киеп азаплана иде. Ә балалар татар эстрадасы йолдызы янында киенүләрен аңлап та бетермәделәр бугай, үз эшләре белән мәшгуль булып, аңа күтәрелеп тә карамадылар. Мин генә бу идиллияне бозып, Филүскә сораулар бирә башладым.

- Филүс, Сез бит Самара Сабан туенда беренче мәртәбә чыгыш ясыйсыз. Исән-сау килдегезме, кайда урнаштыгыз?
- Самарада булганым бар иде инде, ә менә Сабан туена килергә беренче мәртәбә насыйп булды.  Мине җирле татар автономиясе президенты Әнвәр Имран улы Горланов үзе каршы алды, Беренче просекадагы аерым коттеджга урнаштырды. Аннары аның белән паркны карарга киттек.  Чыгыш ясаячак урынны күреп сокландым мин. Сабан туегыз бик күркәм парк-та, шәһәр уртасында уза икән. Халык өтеп ала торган кояш нурларында түгел, агачлар күләгәсендә ял итә, ә сәхнә күл өстендә булганлыктан, артистларга да рәхәт, судан салкынча һава бөрки.
 
- Шәһәребезне дә карап өлгердегезме инде?
- Юк. Юл озын, ә көн кызу булганлыктан бик арыган идем. Коттеджыма кереп яттым да, иртәнгә хәтле бер дә уянмыйча рәхәтләнеп йокладым. Артист кешегә андый ял бик сирәк тәти бит.
 
- Самара тамашачысы сезне ничек кабул итә?
- Ничектер бик җылы, яратып каршы ала. Җырласам, кушылып җырлыйлар, биетә торган җыр булса, биеп китәләр. Андый хискә бай тамашачы сирәк очрый, шуңа да бүген мин үземне бик иркен хис итәм.
 
- Самарада якын дусларыгыз бармы соң. Кунакка дәшүче булдымы?
- Бүген мин иртәнге ашны Наилә ханым Сабирҗанованың өендә ашадым. Нәрсәсе ошады - Самара татарларының күпчелеге өйдә татарча сөйләшә икән. Менә монда йөгерешеп йөрүче балалар да үзара татарча сөйләшәләр. Бик матур, күңелгә ятышлы күренеш.
Телебезне шулай кадерләп сакларга тиешбез. Авылларда яшьләр бик аз кала хәзер, барысы да шәһәрләргә китә. Ә анда рус мохитына кереп югалу куркынычы бар. Шуңа күрә аңлы рәвештә чын татар гаиләләре корып, өйдә тик татар телендә генә сөйләшсәк, телебез сакланыр, дип өметләнәбез.
 
- Сезнең гаиләгә андый куркыныч янамыйдыр дип уйлыйм. Хатыныгыз татардыр бит?
- Әйе, Башкортостан татары. Без Эльмира белән бергә укыдык бит. Шуңа да уйларыбыз, омтылышларыбыз бер. Дөрес, ул, шәһәр баласы буларак, татарча бик яхшы белми иде. Ләкин мин аны саф татарча сөйләшергә өйрәтеп бетердем инде һәм без өйдә тик үз телебездә генә аралашабыз.
 
- Балагыз да бар бит инде. Ул сөйләшә башладымы әле?
- Айдарга өченче көн генә ике яшь тулып узды. Үзенчә нәрсәдер леперди шунда. Уйлавымча, татар телендә лепердидер кебек (көлә).
 
- Музыка дөньясында яшәүче әтинең бала белән уйнарга вакыты каламы соң? 
- Кала, ник калмасын. Айдарга уйнарга урын булсын өчен урман эченнән дача сатып алдык. Шунда нәрсәдер утырткан булабыз, Айдар да шунда йөгереп йөри. Ә гастрольләргә китеп барганда бакчабызны чүп басып китә. Авыл малае буларак, мин йорт эшләрен бик яратам һәм барысын да үзем эшлим.
 
- Зәвыклы тавышыгызга, музыканы тоя, ишетә, кеше күңеленә илтеп сала белүегезгә карап, Сезнең турыда авыл малае, дип әйтмәс идем мин.
- Исемең җырчы булса, композитор һәм шагыйрь хис-тойгыларын үз эченә алган җырга үзеңнең хисләреңне дә өстәп тамашачыга тәкъдим итәргә тиешсең. Шагыйрь һәм композиторларның күз нурын түгеп язган җырларын болай гына сәхнәгә чыгарып булмый, мәгънәсенә төшенергә, аларның уй-хыялларын йөрәгең аша үткәреп, тавыш белән тамашачы күңеленә иңдерә белергә кирәк. 
 
- Менә мин җырны тоям да, сихерләнәм дә, ә җырлап бирә алмыйм гына. Һәр кеше дә сезнең кебек оста, матур, чыннан да йөрәк, җан аша саркып чыккан тавыш белән җырлый алмый шул.
- Аның өчен бик күп укырга кирәктер. Мин укытучыларыма - училищеда вокал дәресләре биргән Галия апа Мусинага һәм консерваториядә укыткан Татарстанның халык артисты Зилә ханым Сөнгатуллинага рәхмәтле. Алар үзләре белгәнне миңа җиткерергә тырыштылар һәм җиткер-деләр дә. Хәзер инде алар минем укытучыларым гына түгел, дусларым, кардәшләрем һәм киңәшчеләрем дә. Шундый дусларың булганда тормыш авырлыкларына бирешмәскә тырышасың инде.
 
- Менә матбугат чараларында: “Татар эстрадасын шырдый-бырдый җырчылар басып алды”, - дип язалар. Ә бит теләгән кеше сезнең кебек, Динә Гарипова, Эльвира Кәлимуллина, Аида Гарифуллина, Раяз Фасыйхов кебек үз җырчыларын табып, аларны гына тыңлап яши ала. Сез ничек уйлыйсыз, Татарстанда талантлы җырчыларга аяк чалучылар бармы?
- Дөресен генә әйткәндә, тырышсаң, үз юлыңны табып була. Беркемгә дә җайлы гына тигез юллар салынмаган бит. Һәркемнең тормыш юлы сикәлтәле. Шуңа күрә үз максатыңа ирешү өчен нык булырга, укырга, өйрәнергә, егылсаң, кабат торып китә белергә, көчле булырга кирәк. Җырчы кешегә тамашачыны ярату сәләте дә теләр идем. Син аны яратсаң - ул да сине ярата, хөрмәт итсәң - ул да сине хөрмәт итә. Ләкин яныңда ышанычлы дусларың да булырга тиеш.
 
- Сезнең андый кешегез бармы соң?
- Хатыным Эльмира миңа ныклы терәк булып тора, дип әйтә алам. Ул мине юата да, көч тә бирә, сынмаска, сыгылмаска да өйрәтә.
 
- Сына торган кешегә бер дә ошамагансыз әле.
- Чәч кисүчем дә минем колакны тотып-тотып: “Характерың көчле булырга ошаган, колагың каты”, - дип әйтә (көлә). Бәлки шулайдыр да. Тик артист кеше хисләргә бирелеп китүчән халык бит ул. Кайчакта халыкка синең талантың кирәкмидер кебек булып тоела башлый. Шул вакытта дустың бер сүз дә әйтмичә сине тыңлап кына утырса да, шул җитә.
 
- Күптән килгәнегез юк иде...
- Флорида Әгъләмовна да шулай ди. Быел үземнең утыз яшьлек юбилеема яңа программа әзерлим. Шул программаны Самара тамашачысына да күрсәтергә ниятлибез. Кышка табарак очрашырбыз, Алла кушса.
 
- Көтеп калабыз, Филүс! Шикләнмәгез, Сезнең талант безнең тамашачыга бик кирәк.

Әңгәмәдәш - Эльмира ШӘВӘЛИЕВА
Бердәмлек
№ --- | 08.07.2016
Бердәмлек печать

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»