|
|
Бүген кемнәр туган
|
|
Архив
|
11.09.2009 Җәмгыять
РӘЗИНӘ ИСМӘГЫЙЛЕВА: “ЧИСТАЕМ. РОДНОЙ ЧИСТОПОЛЬ”Чистай төбәгенең тарихи үткәне һәм бүгенге тормышы яктыртылган, күренекле шәхесләре тупланган “Чистаем. Родной Чистополь” исемле яңа китап дөнья күрде. “Мин шушы китабымда үземнең йөзләгән якташым белән бергә туган якка сәфәр кылам”, – дип яза китап авторы, журналист Рәзинә Исмәгыйлева. Китапның “Тамырлар” тарихи бүлеген тарих фәннәре докторы, Казан Кремлендәге археологик тикшеренүләре белән дөньяга танылган галим Фаяз Хуҗин һәм Җүкәтау шәһәрендә археологик тикшеренүләр үткәреп, кандидатлык диссертациясе яклаган Наил Нәбиуллиннар язган. Чистай районы Гаяз Исхакый туган як, Әмирханнар нәселе, химик Бутлеровның, тарихчы Лихачевның туган төбәге буларак билгеле. Яраткан артистларыбыз Вера Минкина, Идрис Мәсгутов та шушы яклардан.
Ә менә дөньяга билгеле композитор София (Сания) Гобәйдуллинаның да биредә тууын, Тукай мәхәббәте Зәйтүнәнең дә Чистай кызы булуын күпләр белмидер дә. Урыс эстрадасын яратучылар “Новые русские бабки”ның берсе – Сергей Чвановның Чистайлы булуы белән горурлана алалар. Кыскасы, китап бик күп бәхетле һәм, киресенчә, фаҗигале язмышларны да үз эченә алган.
“Чистаем. Родной Чистополь” китабы сатуда бар. Таба алмасагыз авторның үзенә – Рәзинә Исмәгыйлевага мөрәҗәгать итсәгез дә була: 8-9172-739-439, razina_ism@mail.ru.
--- |
Иң күп укылган
|