|
|
Бүген кемнәр туган
|
|
Архив
|
23.04.2008 Җәмгыять
СОРАШТЫРУ НӘТИҖӘЛӘРЕ: ХАЛЫК МЕДВЕДЕВТАН НИ КӨТӘ?Быелгы май бәйрәмнәреннән күпләр ниндидер могҗиза көтә. Яңа Президент килер дә тормышыбызны яхшы якка үзгәртер, дип өметләнүчеләр шактый. Дмитрий Медведевның инаугурациясе алдыннан “Башкирова и партнеры” компаниясе уздырган сораштыру нәтиҗәләре шуны күрсәткән. Россиядә яшәүчеләрнең 41 проценты ил җитәкчесе алмашынуны яхшыга юрый. Тагын нәкъ шул кадәр халык, яңа Президент берни үзгәртә алмаячак, дигән фикердә. Сораштыруда катнашучыларның 7 проценты гына киләчәктән ни көтәргә белмичә куркып яши икән. Шунысы кызык: оптимистларның күпчелеге - пенсионерлар. өлкән буын вәкилләре яңа Президентның элеккесеннән яхшырак буласына өметләнә. ә менә Мәскәү халкы башкачарак уйлый. Башкалада яшәүчеләрнең күпчелеге май “бәйрәмнәреннән” гомумән берни көтми. Кешеләр, гадәттә, яңалык, билгесезлектән куркып калучан була. Тик Путин урынына Медведев килү беркемне дә хафага салмады кебек. Чөнки күпләр өчен гамәлдәге Президент белән яңа сайланган Президент арасында бернинди дә аерма юк. Халык әйтмешли, сукыр тавыкка бар да бодай. Политологлар исә моны совет заманына кайтуга тиңли. Чөнки ул елларда да Югары совет рәисен КПССның Үзәк комитеты рәисеннән сәяси яктан белемле пенсионерлар гына аера белә иде бит. Әнә бит, Путинның “Бердәм Россия” партиясен җитәкләргә ризалашуына да күпләр битараф булып калган. Сораштырулар күрсәткәнчә, Россиядә яшәүчеләрнең 35 проценты моны формаль карар дип кабул итсә, 12 проценты ни дип тә җавап бирергә белмәгән. Халыкны бер генә нәрсә тынычландыра: җитәкчелекнең төп өлеше Путин кулында калачак. Димәк, якын киләчәктә илне җитди үзгәрешләр булмас дип ышанырга нигез бар.
--- |
Иң күп укылган
|