|
|
Бүген кемнәр туган
|
|
Архив
|
17.05.2016 Авыл
Сафаҗай кырга чыктыПильна районының алдынгы хуҗалыкларыннан булган Киров СПКсы (Сафаҗай) быел да иң беренчеләрдән язгы чәчүгә кереште. Хуҗалык рәисе Шамил Нуриманов (фотода) сүзләренчә, яхшы кышлаган 1100 гектар уҗымга өстәп, биредә тагын 1500 гектар чамасы сабан ашлыгы чәчәргә планлаштырыла. Мул уңыш алыр өчен 3 млн. сумлык ашламалар да кайгыртканнар. Пильна районы Сабан туе быел Петрякста 10 июльдә узачак. Бу турыда безгә җирле авыл башлыгы Ансар Садретдинов хәбәр итте. Ә милли бәйрәмебезнең оештыру комитетын район администрациясе башлыгы Сергей Бочканов үзе җитәкли. Исегезгә төшерәбез, Уразавыл Сабан туе 4 июньдә, Тукайда 7 июльдә, Ишавылда 8ендә, Т.Моклокасында 9ында, Бозлауда 15ендә һәм Т.Новгородта Федераль Сабан туе 16 июльдә үтәчәк. Россия потребкооперациясенә 100 ел тулу уңаеннан, шушы түгәрәк датага махсус чыгарылган истәлекле медальләр белән Т.Новгород өлкәсеннән 5 кеше бүләкләнде. Шулар арасында безгә яхшы таныш булган губернатор Валерий Шанцев һәм озак еллар Сергач райпосын уңышлы җитәкләгән, бүген лаеклы ялда булган Летфулла абый Хамзин да (К.-Пожар) бар.
Хәбәр иткәнебезчә, “Нижгар татарлары” журналының чираттагы 7 саны дөнья күрде, аны “Туган як” редакциясеннән сатып алырга мөмкин. Шулай ук Мөхәммәт ага Миначевның да “Топонимический словарь мещёры” китабы бездә сатып алучыларын көтеп ята.
Олег ӘНДӘРҖАНОВ |
Иң күп укылган
|