Чыгарылыш кичәләрен кредитка бәйрәм итәбезме?

Елның башында ук Мәскәүдә бәйрәм уз­дырырлык мәйдан­нар­ның алдан алып куелганлыгы ачыкланган. Мәскәү­дә һәр укучыга уздырылган кичә өчен тотылган ак­чаның уртача кү­ләме – 16 мең сум, тө­бәкләрдә –  10 мең сум. Бу суммага әле сатып алына торган киемнәр, кунак итеп чакырылган укы­тучыларга тотылган акча  кермәгән. Ата-аналар, начар күренмәс, башкалар янында ким-хур булмас өчен, бәйрәм итәргә кредит ала.

 

Коллекторлар ассоциациясе башлыгы Дмитрий Жданохин сүзләренчә, кредитны алуын алалар, әмма кайтара башлаганда проблемалар килеп туа. Андый бурычларга батучылар арта бара икән.

 

Мәскәүдә баланың ки­чәсен онытылмаслык итәр өчен 20 мең сум тотылса, тө­бәкләрдә бәйрәмне тыйнаграк уздыралар.  “Чыгарылыш кичәсе  – балалар өчен туй! Кешеләр акчасын мул тота. Әмма без 10 мең сумлык чыгым белән котылырбыз дип өметләнәбез. Кызларга күлмәге дә, туфли дә кирәк, парикмахер, визажист өчен дә түлисе”, – дип сөйләгән Казанда яшәүче дүрт  бала анасы Ирина Волынец “Известия” газетасына.

 

Шул ук вакытта чыгарылыш кичәләреннән баш тар­тучылар да бар. Мәсә­лән, кайбер мәктәпләр уку­чылары чыгарылыш ки­чәләренә күл­мәк алу, банкет оештырудан баш тарткан. Алар акчаларын авыру балаларга ярдәм итәр өчен хәйрия фонды хисабына күчерә­без дигән карарга килгән.