• 14.06-30.06 Дельфинарий в Казани. "Ак Барс" яшьләр үзәге. 11:00
  • 28.07 "VII Мунчәли-Укулары" дини җыен Чүпрәле районы Мунчәли авылы
  • 01.08-19.08 Салават. 30 сезон. Юбилей концерты. Г.Камал театры. 19:00
Туган көннәр
  • 23 Июнь Әмирҗан Моталлапов
  • 23 Июнь Әнәс Хәсәнов
  • 23 Июнь Җәүдәт Миңнәхмәтов
  • 23 Июнь Римма Никитина
  • 24 Июнь Вадим Захаров
  • 24 Июнь Эльза Әхмәтҗанова
  • 24 Июнь Илназ Сафиуллин
  • 24 Июнь Николай Никифоров
  • 25 Июнь Кыям Миңлебаев (1929-2005)
  • 25 Июнь Наҗия Теркулова
  • 1 булмэле квартира озак вакытка арендага бирелэ. Квартира узэктэ урнашкан, остановкаларга якын, чиста, яшэрьгэ унайлыклары бар. Квартира хужасы узе. Тел. 89172757475.
  • BMW машинасы сатам 850 89874239376
  • Казанда, Вагаповада 1 булмэле фатир вакытлыча яшэу очен арендага бирелэ. Бэясе 13мен+квартплата т.89673653610
  • Бүлмә гөлләре сатам: фикуслар каучуководный,150 сумнан башлап, фиалкалар, кактуслар. Казан. 89172615695.
  • Казанда, Азино ягында 1 булмэле фатир вакытлыча арендага бирелэ. Бэясе 13 000 сум+ КУ. Т.8-9674643949.
  • Требуется продавец - консультант, в ортопедический салон для продажи медицинских изделий. График с 9.00 до 20.00 2/2день. Требование: мусульманка с 25 лет, со знанием татарского языка. Исполнительность Ответственность Умение обучаться Оклад +% от продаж. Условие для совершения намаза имеется.Резюме на эл.почту alsu.alsuorto@mail.ru Или на номер 89270394299.(г.Казань)
  • Казанда 46-48 размерлы бер генә тапкыр киелгән хатын-кыз күлмәкләре сатам.тел.89270325256
  • Казанда, Кайбицкая урамында 1 булмэле фатир арендага бирелэ. Унайлыклар бар. Тукталышларга якын. Бэясе коммуналь тулэулэрне кертеп, 15000 сум. Т.89196307461.
  • Сабада сүтеп алу бәясенә каралты сатыла. Ягъни буш. Такталары күп, баганалары имән. Түбә буяучы кирәк. Бәясе килешү буенча. 89518908834
  • Казанда, Авиастрой районындагы Тэцевский урамында 2 булмәле квартира сатыла. Бәясе 1900000. 89172603269 Мунир.

 

 

 
Архив
 
26.04.2016 Хәвеф-хәтәр

Аты табылды, Айнурны һаман эзлиләр (ФОТО)

“Үзәк авылында аты белән бергә бер егет югалган”, — дигән шомлы хәбәр минуты белән бөтен Теләчегә, алай гына да түгел, күрше-тирә районнарга да таралып өлгерә. Интернетта социаль челтәрдәгеләр егетнең кайдалыгын белешеп сораша, кемдер бәхәсләшә, кемдер күрәзәчегә бару буенча киңәшләрен бирә, ләкин шунысы хак — барысы да егетнең исән-сау өенә кайтуын тели.

Ана күңеле көтә
 
Айнур Исламгалиев — Үзәк авылында ишле гаиләдә туып-үскән егет. Кечкенәдән атлар белән җенләнә. Хуҗалыкның терлекчелек торагындагы атларны да ул тәрбияли, ашата, асларын җыештыра, сулар эчерә. Бу кичне үзе атланып чыгып киткән “Дик” кушаматлы атны да үзе карап үстергән ул. 
 
— Айнур күрше Балыклы авылындагы терлекчелек фермасында каравылчы булып эшли, кич китә, иртән кайта. 9 апрель кичендә улыма ашарга әзерләп калдырдым да күрше апаларга мунчага киттем. Кайтканда Айнур чыгып киткән иде инде, — ди ничә көннәр буе елый-елый күзләре шешенеп беткән әнисе Кадрия ханым. — Әле башта абайламыйм да, икенче улым Айрат әйткәч кенә сискәнеп киттем, Айнур эшкә атка атланып чыгып киткән. Башка көннәрдә үз машинасы белән бара иде. Күрше авылга бару өчен юлны турыдан кисмәкче булгандыр инде, бераздан без шалтыраткач: “Адаштым әле”, — диде. Аннары телефоны тотмый иде. 
 
Кадрия апа бу сүзләрне сөйләгәндә тыелып тора алмый, улының атнадан артык кайдалыгын белмичә, билгесезлектән газап утында янучы ана өметен өзми, төннәр буе керфек тә какмый баласы кайтуын көтә. “Аз гына кыштырдау тавышы ишетсәм дә, Айнур кайткан дип сикереп торам”, — ди ул.
 
Эзләү эшләре дәвам итә
 
— Безгә хәбәр килеп ирешүгә, районда егетне эзләү эшләре буенча штаб төзелде. Беренче көнне пилотсыз очучы аппарат ярдәмендә Мишә елгасы буйларын, Клющиче, Күкчә авылы территориясен айкадык. Ул көнне егетнең башлыгыннан башка әйбер табылмады. Икенче көнне вертолет белән эзләү нәтиҗәсендә сулыкта атның үле гәүдәсе табылды, аны тартып чыгардык. Өченче көнне ат табылган җирдән 15 метр читтәрәк ат йөгәне табылды. Шәмәрдәннән килгән махсус коткару отряды ат баткан сулыкның төпләрен дә тикшереп чыктылыр — тик нәтиҗәсез... — ди янгынга каршы Теләче гарнизоны начальнигы Ирек Фәрхуллин. ??? (Теләче районында янгынга каршы хезмәт бүлеге җитәкчесе Ирек Фәрхуллин). Егетне эзләүгә Теләче полиция бүлеге, район янгын сүндерү бүлеге хезмәткәрләре, бер төркем волонтерлар да кушылды. Әмма, кызганыч, бүгенгә кадәр тынычланырлык бернинди хәбәр юк...

Исән генә була күр, Айнур!
 
— Айнурым — бик эшчән, акыллы егет. Армия хезмәтен дә исән-сау үтәп кайтты. Өйдәге бөтен мәшәкать тә аның җилкәсендә. Әллә аты баткач, кайтырга куркып йөри микән, дип тә уйлап куям кайчакта. “Кайт инде, улым”, — дип үз-үзем белән дә сөйләшеп йөрим. Кайтыр ул, Алла боерса, мин көтәм бит, ана йөрәге көтә, — ди Айнурның әнисе Кадрия апа.
 
Сеңлесе Резеда да Айнурның “ВКонтакте” социаль челтәрдәге битенә мондый сүзләр язып куйган:
“Айнур абый! Өйгә кайт, куркып ятма! Атың өчен бар халык жыелышыр идек, диләр. Үзе исән-сау кайтсын иде, дип кайгырып йөриләр һәм сине эзлиләр!”
 
Табигать кешеләргә төрле сынаулар бирә, кайдадыр җир тетри, таулар ишелә, кайдадыр цунами зур дулкыннары белән кеше ышанмаслык һәлакәтләр китереп чыгара. Безнең якларда андый куркыныч хәлләр юк төсле, әмма язгы ташу ел саен ни дә булса китереп чыгара. Табигать белән шаярырга ярамаганны кисәтә. Кайбер саксыз адымнар зур югалтуларга китерергә дә мөмкин. Кешегә гомернең бер генә бирелгәнен истән чыгармаска кирәк. 
 
Әнә шулай быелгы язгы ташу Теләчегә ниндидер куркыныч, шөбһәле хәбәрләр алып килде. Ярларыннан тулып агучы Мишә елгасына карап күңелдә шатлыклы түгел, шомлы хисләр уяна. Барыбыз да көн туса, яңа хәбәр көтә...
 
Айнурның туганнарына, әти-әнисенә, егетне эзләүче барлык кешеләргә дә, авылдашларына да сабырлык телик...
 
 
 
 
 

Алсу ҖИҺАНШИНА, Теләче районы
Ирек мәйданы
№ --- | 26.04.2016
Ирек мәйданы печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Себерке
Өмет
Диләфрүз
Татарстан Язучылар берлеге
comments powered by HyperComments