|
|
Бүген кемнәр туган
|
|
Архив
|
19.04.2016 Бәйрәм
Казанда Җиңү бәйрәменә багышланган тантаналы чаралар ПРОГРАММАСЫ билгеле булдыҖиңү бәйрәме уңаеннан, Татарстан Республикасының мәдәният учреждениеләрендә ветераннар хөрмәтенә төрле чаралар уздырылачак. Алар хакында бүген ТР Министрлар Кабинетында 1941-1945 нче еллардагы Бөек Ватан сугышында Җиңүнең 71 еллыгын бәйрәм итүгә әзерлек буенча Республика оештыру комитеты утырышында ТР Премьер-министры урынбасары Васыйл Шәйхразиев сөйләде. Утырышта Татарстан Республикасы Президенты Рөстәм Миңнеханов катнашты.
Вице-премьер әйтүенчә, 7 майда М. Җәлил исемендәге Татар дәүләт опера һәм балет театрында Татарстан Президенты Рөстәм Миңнеханов катнашында Җиңү бәйрәменә багышланган традицион төстә тантаналы чара узачак. “Барлык муниципаль районнарның делегацияләр формалаштыруга, ветераннарның сәламәтлек торышына игътибарлы булуы сорала”, - диде Васыйл Шәйхразиев һәм медицина, транспорт хезмәтләре белән тәэминатны кайгыртырга кирәклеген әйтте.
Докладчы сүзләренә караганда, дәүләт театрлары һәм концерт залларында, ТР Мәдәният министрлыгы планы нигезендә, ветераннар өчен хәйрия спектакльләре күрсәтеләчәк. Барлык дәүләт, муниципаль крайны өйрәнү музейларында якташ сугышчыларга багышланган күргәзмәләр, мемориаль ядкарьләр экспозицияләре оештырылып, сугышта катнашкан ветераннарның укучылар белән очрашулары узачак.
Васыйл Шәйхразиев әйтүенчә, Министрлар Кабинеты фәрманы нигезендә, Җиңүнең 71 еллыгын бәйрәм итү кысаларында, ветераннар дәүләт музей-тыюлыкларына бушлай йөри алачак. 15 нче апрельдән 15 нче майга кадәр муниципаль һәм республика китапханәләрендә Хәрби Данга багышланган тематик чаралар узачак. Республиканың барлык шәһәр округларында, муниципаль районнарында Хәтер митинглары, төрле хәйрия чаралары, акцияләр, тематик концерт программалары әзерләнә.
4 майда Казанның “Мир” кинотеатрында “Хәтергә – юл” фестивале старт ала.
Васыйл Шәйхразиев 1 майдан парклар һәм скверлар ачылып, бәйрәм көнендә күп кенә татарстанлыларның шунда ял итәчәгенә ышанычын җиткерде.
Премьер-министр урынбасары торак пунктларны бәйрәмчә бизәүгә, хәрби каберлекләр территорияләрен ямьләндерү буенча эшләр башкаруга игътибарлы булырга кушты.
Гөлнар ГАРИФУЛЛИНА |
Иң күп укылган
|